مشكلتي احسهااا مصيبه

[عاشقها زوجها]

ابسم الله الرحمن الرحيم


نا مشكلتي مشكله عاديه بس انا احسهااا كبيييييييييييييييييييييره وطفشاانه
انا زوجي يحبني والله العظيم ويمووووت فيني وما يقدر ينام وانا زعلانه عليه .. او حتى لو اكون متظاايقه والله ما تتخيلون حبه لي كيف
والله احيانا يصيح يبكي لما ازعل وما ارظى يترجاني ارظى عنه ..
والله حتى من حبه وحنانه لما ابي اشرب البيبسي هو يفتحه لي يقولي عشان ما تعورين يدك والله انه ما تتخيلون كيف يحبني
وهداااياه لي ما وقفت وداايم يجيب لي هديه والله العظيم احيانا يجيب ورده واحياناا عطر واحينا ساعه واحيانا بلوزه ومره قميص نوم ومره طقم صحون ومره طقم روب حمام ومره سواره ذهب ومره حلق ذهب ومره خاتم الماس ومره جوال ومره لاب توب ومره حجز لي سفره ومره فندق ومره مطعم ومره سياره بسمي بس طبعا ما اسووق هههه ومره غرفت نووم ومراااااااااااااات والله مدري شتذكر وشنوا اخلي
وانا احبه امووت فيه والله بس المشكله فيني انا .. اتررجااه ما يجيب لي خللاااص لكن مافي فاايده
انا متزوجه لي سنه وشهرين وحملت وتوني والده ..من 3 شهور..
انا احس دايم زعلانه ومتظايقه وما ارظى اذا زعلت بسرعه اذا الشي زعلني ..هذا الاحساس جاني بعد الولاده واستمرر معااي ازعل وما ارظى بسرررعه
يعني في اشياء زوجي يسويهااا تظااااايقني وما حبهااا وتخليني اتغير واقسى عليه واطنشه وما اكلمه غصب عني مو بيدي
والاشياء هي يعني شي بسيط انا اكبررررره

النوووووووووووووم يعني انا انام بوقت وهوو ينام بوقت ثااني
مثلا انا الساعه 2 او 1 اليل انااام وزوجي يكون توه صااحي انا اتظاايق كيذا
نفسي انام انا وهو مع بعظ نصحى مع بعظ بس هذا الشي مظااايقني مررررره
وانا اكثر من مره قلت له واعتذر وحاول يراظيني وصار ينام معاي .
بعدين بفتره رجع لنظامه نومه ملخبط ..وانا طفشاانه من الاسلوب هذا
وفسيتي بخشمي وما احب اكلمه والسبب هذا ولدرجت اني مابي اكلمه مابي اقوله انا ليش زعلانه ابيه يفهم من نفسه ..
وانا والله ما ودي اكون كذا ازعل وما اقول سبب زعلي ..

والشي الثاني ..
اني اذا مثلا قلت له ابي اليوم اروح الصالون
هو يقولي حبيبتي ما اقدر اليوم تعبان خليها بكرا
انا اقووله من عيوني ..
وويجي بكراا القاااه نااايم وملخبط نومه
ويقوم من النوم اكون زعلانه وما اكلمه ويسئلني شفيني انا ما ارد علبه .. اطنشه
وهو يدووور ورااي بالبيت شفيك ويحاول فيني انا افووله (تسوي نفسك ما تدري شسووويت )واطنشه ..

انا فيني طبع مو حلوو
هو اني اذا زعلت ما اقول ليش انا زعلانه ولا اصرررخ ولا شي اخلي الشخص الي مزعلني يعرف انا شفيني لان هو الي مزعلني وعارف شسوى .
وطبعي اطنش وزااااد هذا الشي بعد الولاده بنتي تصيييح من هينا وانا تعباااننه وما انااام ومحد يسااعدني وانا لحالي ومليت وتعبت واجلس اياام ما انااام
وفي مشكله ثاانيه ..
هي
لما كانوا اهلي نايمين عندي بالبيت

انا زوجي يصير ولد عمتي وانا بنت خاله
يعني امه اخت ابوووي

المهم
كانوا اهلي اول مره يجونا
وانا ساكنه فبلد بعيد واهلي بالسعوديه .
المهم يعني كان ابوي داايم ينصح زوجي ويقوله اشياء عاديه وينصحه فيهاا
وزوجي لما كانوا اهلي عندي كان طوول يومه برى البيت بحجت انه يبي يخلي اهلي ياخذون راحتهم وبحجت ان عنده شغل مع اخووه وفرصه اخلص شغلي واهلك معاك بالبيت عشان ما ارووح واخليك بروحك بالبيت .
المهم ابوي استغرب من الدواام هذا الي طوول اليوم
ابوي خااف علي شاف زوجي طول يومه برى وتاركني لحالي
ابوي حط في باله ان زوجي داايم كذا
وانا اقوول لابوي والله هو مو كيذا بس عشان انتوا هينا يبي ياخذ راحته ويرووح يخلص شغله
ابوي ع باله انا اغطي عن زوجي ومابي افظحه ..
مو مصدقني .
المهم
انا زعلت من زوجي عشان تارك ابوي واخواني لحالهم ما يجلس معاهو ولا يتقهوى ولا يتغدى دااايم برى
وترااظينا ع الشي هذااا
الاهم هو ان ابوي مسك زوجي وقاله ما يصير كيذا شنوا الشغل المهم الي تترك البيت وتروح طول اليوم للفجر . ما يصير ومن هالكلام
زوجي زعل من ابوي
واهلي زعلانين بسبب زوجي تاركهم وطالع برى ولا جلس معهم ولا عبرهم ولا كررمهم ولا شرب حتى قهوه معاهم .

وهم ما يببون يجووني خلاا ص وهو ما يروح لهم
وانا متظاايقه من هالسالفه ومدري شسوي .
زوجي يدري ان اهلي زعلااانين لكن اهلي ما يدرون ان زوجي زعلاان عشان كلام ابوي
مع ان انا اشووف انا اهلي لهم الحق يزعلووووووون
زوجي كان وقتها سخيف وانا مو عاجبني هالوظع هذا ..
وانا معانده زوجي
واسوي مع اهله نفس ما يسوي
مثلا
انا بالعيد ما رحت لبيت عمتي
بس كلمتها تلفون
كنت مابي اكلمه بس قلت عيب علي هي اكبر مني وانا ما تربيت غلط
زوجي قال ليش ما تروحين عند امي
انا اقوله لان انت ماتروح لأبوي ولا حتى كلمته ولا حتى رساله
ومثلا يقولي
خلينا نتجمع يوم الجمعه عند امي
انا اقوله لاء
يقول ليش
اقوله عشاان انت يوم اهلي هينا ما تجمعت معهم
وكيذا وحده بوحده
مع العلم ان ابوي خاله وامه عمتي
يعني ابوي وامه اخوااااان
وابوي وامه بينهم مشااااكل ما يتكلمووووون
وعلاقت زوجي باهلي مو تمام

انا اقول لزوجي ابوي ماقال شي غلط وعيب الي تسويه مهما كان اكبر منك وخالك وابوووي احترررمه وروح له وحب رااسه
والله ابوي ما قصر عن زووجي ولا بشي . يحبه ويعزه ويعامله مثل ولده لان ابو زوجي متوفي من 3 سنوات
وابوي حاط زوجي فووق رااسه بس خااف ابوي علي لاني فبلد غربا وماعرف احد وتفاجئ لما شاف زوجي برى البيت اربعه وعشرين سااعه . مع اني شرحت لابوي ليش طلع من البيت ابوي ماصدقني .
وزوجي ماكان طول الوقت بالدوام كان يداوم ويروح عند امه والله مفتشله ماقلت لابوي انه مو بالدوام طول الوقت كان يروح عند امه والله افتشلت
اذا سئلني ليش ما يجي البيت شقوول ماعندي رد والله .
اذا عذر زوجي يخلينا ع راحتنا بيتنا كبيرر ودوورين وفيه مطبخ فوق وتحت وغرف نوم فوق وتحت وخواتي 2 بس وقاعدين بالغرفه ما يطلعون .

وعلى فكره زوجي قااسي قلبه من ناحيت موضوع اهلي بسب امممممممممممه هي الي تكوووك رااسه وتعبيه لانها ما تكلم ابوي وابوي ما يكلمهاااا
ساعدوني بالمشااكل هذي
ادري طووولت

[miss LV]

السلام عليكم
مااشاء الله جريده ههههههههههههههههههههههه
حبيبتي انتي مشكلتج بسيييييييييييييطه وزوجك يحبك وانتي تحبيه خلاص مالج خص بمشاكلهم خلي كل وااحد يسوي اللي يريحه
وانتي خليج ذكيه عاملي عمتج بماايرضي الله وقربيها منج عشان ابنها يحس ويعامل اهلج اوكي
وخليكي ذكيه مع ابوج وكل مرة تعذري بشي على اساس ان صورة زوجك تكوون حلوة قدام اهلك ومهما كان لا تطيحين بزوجك قدام اهلك
وانتي كل مرة والثانيه حاولي تاخذين هديه حق عمتج تسوين مفاجاه ولمه حلوة وبتشوفين زوجك كيف بيتغير
والله يهنيكم ببعض
miss lv

[قطرات ندى]

هونيها وتهون حبيبتي لا تهتمين خلي زوجك على راحته لا تضغطين عليه كلمي بهداوة وقليله تقبل انا اسوي مع اهلك نفس الشي ادلع عليه وقوليه لخاطري وحاولي تكلمين مامتك تفهميها بموقف زوجك يعني تقوليها اهو طلع عشان تاخذون راحتكم
وما عليج من امه انتي احترميه لا تسوين مثله عشان تقوليله شوف انا احسن منك وساعتها بيحس على نفسه

يارب حياة سعيده وخاليه من المشاكل خيتو

[rose]

عاشقها
اممممممممممممم انت من البنات اللي احبهم بالمنتدى واحب طبخاتهم
وبوووووووووووزك يججججججججججججججججنن بجد الصورة اتاريها طلعت صح
هههههههه ضاربة بوز دايما
ما الومه لو بوزك كدا حلو وتطلعيه هههههههه
المهم ماتزعلي مني
انت غلطانة ترى خديها مني نصييييييييييييييييييييحة ترى انا مجربتهااااااااااااااا
كنت كدا بنننننننننننفس اسلوبك
ماحب اقول لمين ماكان انت زعلتني مع الكل
مو من باب شي من باب خلاص ماحب ادقق
بس صاحباتي واهلي كلهم لاموني وقالولي العتب من باب المحبة
عاشقها وبالذاااااااااااااااااااااااااااااات الرجال خديها نصيحة يتحمل سنة اتنين وعشششششششششششرة
ويجي وقت لو تفحطي قدااااااامه وماتكلمي يقول مع نفسها
انت لو اتضايقت من حركة خلاص بساعتها قوليله انا مو عاجبني كدا لو نسي ذكريه
ربنا قال ان الذكرى تنفع المؤمنين مو حرام تذكريه انه وعدتك بمشوار او شي

اهلك ماعليك منهم اولا قريبكم ماراح يزعلوا منه مهما صار في دم وقرابة
اللي يزعل يزعل بعدين يرضى خلاص شرحتيلهم ان زوجك طلع لانه حاب يخليكم براحتكم خصوصا لو كان في اخواتك يغطوا منطقيا يطلع بدل يجلس ويضايقكم يعني بصراحة موقف زوجك مرررررررررة حلو ويدل ع احترام وتقدير للي عندك
استغفر الله فيه رجال لما يجوا اهل زوجته
كلللللللل شوي
طريق
ياولد
وخروا ابى اعدي
ابى امر
تحسي قلق
حبيبتي هدي
وربي يوفقك مع زوك ياقلبي دنيا واخره

[عاشقها زوجها]

امممممممممممممممممممممم هلا فيكم كلكم ومشكورين ع الرررد


رووووووووز

ههههههههههههههه فديتك وفديت كلامك العسل
وطبخااتي فداااك
بس انا اذا زعلت من زوجي احرمممه من الطببخات الحلوه ههههههههههههههه

انا هذيي المشكله الوحيد الي مطفشتني ماني عاارفه كيف اغيررررررررررررهاا اذا زعلت ما اقوول ليش زعلانهه


بس بحاااااول من الحين من الحظه هذي وان شاءالله اقدر اغيره ..

بس انا نفسي زوجي يرجع نفس اوول يجي بيت اهلي ويتصل على ابوي والعكس
مابي القطاااااااااااااعه مو حلوه ..
امممممممممممممم واليوم زعلني بسبب انه امس وعدني ان اليوم نطلع نتمشى العصر
وهو كان طالع الظهر ما جا الى الساعه 5 ونص وانا زعللللللللللت مرررررررره انقهرت لاني لابسه ومتجهزه وخالصه
ولما شفته نفسي اظربه ههههههههههههه
بس قلت خلني اغير من نفسي واشووف النتيجه
ولما جا شافني زعلانه بدلع
قالي شفيك ؟
اول مره اقول شفيني ههههههههههههههه
قلت انت وعدتني نطلع العصر وانا لابسه ومتجهزه وتووك تجي
قاليي والله اسف حبيبتي ما كان قصدي
ماصار شي الحين نطلع عاادي بس لان اخوي كان يبيني اشوف سيارته الجديده تاخرت
قالي باقي زعلاانه قلت أييييييييييييييه بدلع نفس حليمه الغبيه هههههههههههههههه

عطاني بوووسه وقالي يالله قوووووووومي نطلع وجينا بنطلع تذكرت بنتي نايمه ههههههههههههههههههههههههههههههههه رحت شلتهاااا
قلت له ششفت حبيبي بوستك نستني كل شي ههههههههههههههههههههههههههههههه
كل يوم بزعل عشان ترااظيني
قال تكفيييييييييييين لاء لا تزعلين هههههههههههههههههههههههههههههه
وركبنا السياره وتوته توته خلصت الحتوته






بس الحين عرفت اذا عرف زوجي ليش انا زعلاااانه بيراااظيني
واحلى احساس لما زوجك يراظيك ههههههههههههههههههه


سلمين روووز كلامك عين العقل والله

[أم ليان 1000@]

أختي انا عندي جزء من مشكلتك وهي أن أهلي وزوجي صارت بينهم مشكلة كبيرة وتهاوشوا مع بعض والغلط كان على زوجي 100% انا اللي طلبت منه أن أهلي بطريق وأنت بطريق لكن توقعت أنه برمضان يسلم على الأقل على أبوي اللي كان مرررة يقدره ويحترمه وحتي بالعيد ما سلم عليهم ولا حتى برسالة عشأن كذا قررت أني أقطع علاقتي مع اهله تماماً وجاء العيد وما أرسلت حتى رسالة لأمه لأني كنت ازورها وهديتي دايم جاهزه لها على اساس يتراجع وتغير من موقفه ويسلم لو على أبوي بس لكن لما شفت ما فيه نتيجة قررت أن أهله بطريق وأنا بطريق

[عاشقها زوجها]

اهااااااااااااااا
بس المفروظ
زوجي وزوجك يعتذرون لعمهم الي هو ابوي وابوك
بحكم العمرررررررررر
وانا من غلاته عطاه بنته الي هي انا وانتي
صح

[اوراق الخريف]

لاتحسبيها كذا في الآخر محد راح ينفعك بعد الله غير زوجك الي يحبك ويخاف عليك كثير لما زعلوا وراحو عند اهلهم قالولهم نستقبلكم ونحطكم على روسنا بس اولادكم لأ فنتبهي لنفسك الأهل راح يتراضون ومحد ماكلها غيرك فحطيه هو وامه بعيونك ولاتفكرين بحد نصييييييييييييييييييييييييييييييحة من محبه




اوراق الخريف

[عاشقها زوجها]

ان متراااظيه مع زوجي ع اساس هذا الموضوع مافيني شي معاه يحبني واحبه ومتفاهمين
بس انا احاول فيه يتصالح مع ابوي
مو حلوه القطااعه وربي ما امر فيهاا
المفروظ انصح زوجي بقد ما اقدر

عاديي
وشدعوااا اهلي لو تطلقت الله لا يقوله بيرفظون بنتي ..مستحيل
والزوج مو كل شي في الدنيا
في ام في ابوا في اخوان في اهل
يعني اطنش كل خلق الله عشان الزوج .
مايصير
.
هو في عيوني وقلبي
لكن امه لا اسفه

لان الي سووته فيني وفيه مو شويه .وزوجي عاارف
ميرسي قلبي ع النصيحه

[أ ح ــتواني وأح ــتويته]

ياحياتي اول شي بالنسبه لنفسيتك هالوقت ترى عاتي لانه اول بيبي والنوم له دور بمزاجك اكيد حاولي تعدلين نومك انتي وطفلك عشان تكونين مروقه ومو معصبه من قلة النوم
ثاني شي اذا زوجك مثل ماتقولين طيوب ولهالدرجه يحبك وش تبين اكثر من كذا واذا على اهلك بصراحه اهم شي يكون بينهم الاحترام لان محد بيحبك ولا بيخاف عليك كثر امك وابوك وحل مشكلتك بسيط جدا بس شوي شوي عليه خذيه بالسياسه والله ان الرجال اذا سيستيه ليبيع اهله ويشريك بس حرام هذولا اهله والدنيا دواره بس حبيت افهمك شي صغير ترى اخس شي اذا زعلتي وماقلتي لانه في البدايه بيسال وش مزعلك وبعدين بيطنش ويقول من زعل منلاش يرضى من لاش ههههههههاي مجربه عشان كذا قوليله وش مزعلك بطريقه يصير هو يحب زعلك يعني بدلع وبوز مببتسم مو بعصبيه تقولين له ورفع الصوت ..

ومثل ماقالولك البنات عاملي اهله احسن معامله عشان تحرجينه واذا فاتحتيه بموضوع اهلك لا تقولين شوف انا اشلون اعامل اهلك لايفهمك غلط ويعاند

اتمنى اكون افدتك يالغلا