الكلوميد واعراضه محتاجة لكم

[أمنية وردية]

بنات ارجوكم ابي خبرتكم

انا هالشهر تاخرت الدورة سته ايام اول مرة بحياتي تتاخر المهم نزلت ومن ثاني يوم اخذت كلوميد حبتين باليوم

بس اللي استغزبت ان من البارحة انقطع الدم والبارح كان رابع يوم من الدورة


العادة دورتي خمسة ايام تنزل والسادس اوساخ واخلص

بس هالمرة غير

تتوقعو الكلوميد له تاثير في هالشي او لا

وبليز اعراض الكلوميد شنو بعد


اللي جربت تقولي طلبتكم

واكون شاكرة لكم ياحبيباتي

[إنكسار]

طبيعي
ولاحظي كثير بنات لما ياخذون منشط سواء طبيعي او طبي دورتهم تبدا تنشف وتقل
وهذا بإذن الله دليل جيد

من اعراض الكلوميد تقلصات بطنيه , غثيان , تغير مزاج , وخز في المبايض
وتختلف الاعراض من وحده الاخرى

الله يكتب لك اللي فيه خير ويرزقنا وياك

[أحمد حبيبي]

الاخت انكسار ماقصرت

انا مثلج ماخذة كلوميد في دورتي الاخيرة وللحين الدورة مايتني ورحت لدكتورتي قالت ماشي حمل

الكلوميد اعراضه مثل ما قالت انكسار دوخة غثيان ارهاق وخز وكثير اعراض مثل اعراض الحمل

بس عادي جدا انها تنزل بشكل أقل فلا تحاتين

الله يوفقج ويرزقج الحمل عاجلا غير آجل يارب

[مسك أبيض]

انا اليوم ثاني الدورة و ابتديت في الكلوميد حبتين في اليوم انا اخذته مره من زمااااان وكان يسبب لي نوبات حر مفاجأة لمدة دقيقتين مثلا وتروح الله يرزقنا ونكون من حوامل هالشهر انا وانتي وكل المتأخرات

[إنكسار]

+
حبيت أضيف انه يسبب جفاف في الافرازات
لذلك الاجانب ياخذونه مع حبوب ثانيه أو شراب ناسيه الاسم بالضبط

[أحمد حبيبي]

المشاركة الأصلية كتبت بواسطة إنكسار

+
حبيت أضيف انه يسبب جفاف في الافرازات
لذلك الاجانب ياخذونه مع حبوب ثانيه أو شراب ناسيه الاسم بالضبط

والله يا انسكار يختي عني انا ماسبب لي جفاف بالمرة وللحين الافرازات عندي شغالة و دورتي متاخرة صارلها 9 ايام .. سويت سونار من اسبوع قالت ماشي حمل

بس مثل ما قلتي انا كنت آخذ رويال جيلي + حبوب زهرة الربيع المسائية بس لي شهر موقفتنهم ويمكن فادوني فسالفة الافرازات

ان شاء الله اختنا راعية الموضوع تسمح لنا تحاورنا في موضوعها والله يرزقها الحمل يااااااارب