يازين طفلة نورت الكون بحضورها #ايلين (قصة ولادتي )

[sara saad]

السلام عليكم ورحمة الله وبركاته

اخباركم بنات ... انا ولدت من شهر ونص تقريبا بس توي رجعت الدوام وفضيت
مالكم بالطويلة بقولكم قصة ولادتي اللي كانت للاسف مؤلمه
كانت الدكتوره محدده لي موعد الولاده 2 فبراير وكان عندي موعد بنفس اليوم في العيادات بمستشفى الولادة والاطفال بالدمام دخلت موعدي وقال اليوم كملتي التاسع فيه الم قلت لها لا سوت اشعه وقالت البيبي نازل ووضعه الحمدلله بخير قلت انا ابي اولد تعبت قالت خليني اكشف من تحت وكشفت طلع مفتوح 4 سم سبحان الله قالت يلا تنويم ع الولاده وكانت الساعه 4 العصر جاني دكتور وفتح ماي الرحم ولا نزل لان البيبي ضاغط ع الرحم او شي زي كيذا وجلست لين الساعه 7 ونص جات الاستشارية وشافت انه مفتوح 5 ونص وكان يجيني الم خفيف كل نص ساعه وحطت لي طلق صناعي ع الساعه 8 بدا الالم وآآآآه من الالم اللي شفته اول شي بدا كل نص ساعه لين صار يقرب كل دقيقه رجعت لي الساعه 9 ونص شافت مفتوح 7 وسعته بيدها وراحت وقالت للنيرس تعطيني مسكن وصرت اطلق وانام كاني احلم شوي حسيت بشي غريب قلت للمرضه في شي بيطلع
دخلت يدها قالت يلا ولاده كانت الساعه 10 ونص جلست ادفع يمكن 5 مرات الا طلعت ايلين حياتي ي حليلها نتوفه وخيطتني صدق ان الطلق الصناعي مؤؤؤؤؤؤؤؤؤلم بس خلاني اخلص بسرعه
بس صراحه كان في المستشفى اهتمام ونظافة ماتوقعته ابد كنت خايفه اولد بمستشفى حكومي بس عجبني >> هذرتي واجد

سوري طوولت عليكم

[غصن مايل]

الحمدالله على سلامه

[ام ميمو وسوسو]

الحمدلله ع سلامتك حبيبتي الله يجعلها من الباريين فيكي يارب ويحفظها لك

[ام خولة]

الحمد لله على سلامتك والف الف مبروك البنوتة

تتربى بعزكم ان شاء الله ويجعلها من البارين والصالحين

وعقبالي يارب دعواتك لي بالتيسيير

[أم وتين♥]

الحمدلله على سلامتك وتتربى بعزك
الله يجعلها لك من الصالحات...

[farfocha]

الف مبروك قلبو ، وماجورة عالتعب ان شاء الله وعقبالنا نولد يارب

[إيفان]

الف الف مبروك

[يارب والباقي وحدك تعلمه]

تتربى بعزكم

[zainaby]

الف مبروكً
و حمد لله على سلامتك و سلامه البيبي

[الماسة26]