حبيباتي شوفو شو صارلي بعد الرقية

[أم نهى الجزائرية]

مرحبا حبيباتي

انا قصتي طويلة مع الرقية لكن ها المرة غير شكل لانو المس الي عندي كافر و ممكن يكون ساحر

لانو اثناء الرقية يرسم نجمة داوود و بيكتب طلاسم غير مفهومة و يتمتم بلغة كمان مانا مفهومة

و بعدين يصير يحكي كلام واضح لاكن اللغة و الله مالنا عرافينة شو هي تشبه الكوري

المهم قبل يومين صليت المغرب بغرفتي و جيت لاطلع منها اول ما فتحتالباب حسيت بشي هيك مثل النسمة القوية قدامي و بعدين صرت عيط و اتوجع و تمي صار يتعوج المهم صرت بحالة لا يعلمها الا الله

ندهت على جوزي اجا لعندي و صار يقرا علي قرأن و اذكار تحصين و المس الي عندي صار يتتمتم بنفس اللغة و يكتب نفس اطلاسم و يرسم نفس الاشكال نجمة دواوود و النجمة السداسية و الصليب و هو بيحكي بهاديك اللغة

صرت انا بسري اقرا الفلق و اعوذ بكلمات الله التامات و هو صار كل ما يكتب شي يمحيه

و لما انا ضليت هيك هو انزعج اكثير و عمل حركة كتير غريبة تخيلو صار كانو عم يخيط تمي بابرة مو بالحقيقة بس مثل واحد عم يمثل ها الدور و انا بعدا و الله العظيم بطلت احكي صرت عيط و عيط و اصرخ و ولا في صوت ابدا كثير خفت و صرت ابكي و ارتجف

و ضليت هيك حتى صلاة العشاء ساعتها رحنا لعند الراقي الي عم تابع عندو و ضل يقرا علي لحتى نص الليل لرجع صوتي و الله شفت الويل هاديك الليلة و ما تخيلت انو راح احكي تاني

و هاي هي حالتي حبيتكون تشاركوني همي و تدعولي الله يفرج كربي و يشفيني مما انا فيه