انا وام زوجي عطوني حل

[حمووشه المطيري]

السلام عليكم خواتي


والله اني اكتب لكم وانا دمعتي بعيني
بنات والله تعبت مع ام زوجي بتعاملها معااي احسها تكرهني مو طايقتني عشان اني مااشتغل معاهم
انا عندي شقه ببيتهم ولي مطبخ وصاله وغرفتين المهم
انا حامل واصوم مقدر اشتغل والله بتقولون معذوره لاني اذا اشتغلت اتعب وهي ما تراعي هالشي حتئ زوجي تحرشه علي وتخليه ما يتعاطف معاي اخ واليوم عطتني كلام مجرح وكلام وسخ وانا سكت ما رديت عليها وتقولي ليش ما تخمين صالتنا بنات شرايكم انا مو خدامه عندها خدامتين والله انا الحين داشه سابع والم ظهر وتعب وفوق هذا اصعد الدرج 5 مرات وخايفه ع جنيني

بنات شرايكم بالله شنو الحل معاها مقدر اتحمل اعيش معاهم

[جنوني فنوني]

ااااااااااه ياقلبي ذكرتيني بمعاناتي...

اكسبيها بالكلمه الحلوووة ...وفهميها انك تعبانه مع الحمل..


اهم شي زوةجك كيف معاك يعني ما يسمع لتحريش امه عليك ...


الله يكوون في عوونك ..

[حمووشه المطيري]

وين تلقين الزوج اللي مع زوجته مافي مستحيل

لو اننا معانا الحق يوقفون ضدنا عشان امهم :(

والله كرهتها مقدر اجامل بوجهها دايم تقط كلام علي قدام زوجي واذا جيت بساعدها تعطيني نقزه
روحي سوي فوق بمطبخج واذا ما ساعدتها تحرش زوجي وما يراعوون

لو كيفي اعيش بروحي بس اخ

[jojo 123456]

الله يصبرك يااااااارب عليك انك تعامليها باللين والمعاااملة الحسنة واكيد قلبها رح يرق

[حمووشه المطيري]

والله ما ينفع انا متحملتها عشان اللي ببطني وزوجي
تكفوون ادعولي

[انثى تكره الظلم]

اآعملى آلخيِّرٍ وٍآرٍميِّه آلبحرٍ
كـَوٍووٍوووٍونى صبوٍوووووووورٍوره ..........
آن آلله مع آلصآبرٍيِّن
وٍآلله يِّقوٍمكـَ بآلسَلامه يِآارٍرب

[الحياه حلوة#]

بصراحه انا اتضايق من زوجه. اخوي بهالحركه يعني احنا صايمين ونشتغل من الظهر
وهي طول الليل مسلسلات ونهارها كله نوم تجيني قبل المغرب تاكل وتمسح ايدها بالجدار
خير محنا خدم عندها اذا حامل وماتقدر في شي تسوي من الليل حلا كاسات صواني اي شي
او تنزل من بدري وتساعد او تساعدنا بعد الفطور بتنظيف الصحون
لا ومع ذلك من ورانا تسبنا طيب قبل الحمل ابو بس تولد ماتكلف علا حالها تعزمنا واذا جتنا كانها ضيفه ماتحرك ساكن
والله ما اكذب عليك احنا كذا زوجه اخوي ونتكلم عليها لان فعلا احنا م نشتغل عندها
لاتزعلين بس حبيت اعطيك من واقعنا

[الحياه حلوة#]

واذا سوت اكل احسها تحاول تخربه عشان محد يطلبها

[بالمنطق]

شوفي غاليتي ..

ابي اكلمك بكل صرآحه وما ابيك تزعلين مني ..

اسمحي لي اقولك انك انتي اللي صنعتي هالمشكله لنفسك
مطلوب من المرأة ان تحترم اهل زوجها.. لكن الأحترام مو يخليك
تتساهلين بحق نفسك وتبحيثين عن رضاها..

انتي عارفه انك ماغلطتي بشي..ومحترمتها خلآص يكفي
هذآ المطلوب

لكن موضوع ان لك شقة فوق مستقلة ولك مطبخك..وتنزلين
لهم فاليوم 5 مرات ليه !

حتى زوجك ماراح يحس انه تزوج ! ماتغير شي بحيآته..

حبيبتي .. اذآ لك بيت مستقل عنهم .. ليش تنزلين لهم تحت!


المفروض تشتغلين بيتك ولزوجك.. وهن تحت يشتغلن بيتهن
وكل يومين تسوين قهوتك وتنزلين عند عمتك تحت.. واسمي جيتكم
وخلآص

اسمحي لي ي قلبي اغلب البنات يطيحن بهالخطاء هذا.. انها
تلغي حدود حياتها وتطلب رضا ناس ملهم دخل اصلاً بحياتك الزوجيه!

ولآزم تفهمين زوجك هالكلآم بثقة وهدؤ..انا ابي حياتي مستقله اطبخ
بشقتي واكون مسؤوله عنها غير لأ ..

وعمتك احترميها لكن لآتطلبيين رضاها وانتي ماغلطتي بشي .. خلي لك
هيبة عند الحريم ولك حدودك ماتتعدينها.. صدقيني كذآ تمشي حياتك تمام


ولآ بالله ليش حاطه لك شقة فوق.. انزلي اسكني معهم تحت..اذآ نظامك
كذآ مالها داعي شقتكم ..

وبعدين انتبهي .. زوجك يمكن ماهي عاججبته حياته بهالطريقة بس مايبي
يدخل بينك وبين امه .. انتي تصرفي من نفسك وانقذي حياتك الخآصه

[3nood]

كلامك صج

يعطيك العافيه