ردو علي الله يجزاكم خير

[أم نوااااف]

السلام عليكم ..كيف حالكم ياكروشات ..الله يسهل عل الجميع
انا يا بنات قبل كذا طلبت مشورتكم في اني اروح المستشفي عشان المويه ناشفه من الشهر الرابع والحين انا في الثامن رحت ابي اولد الحين لاني اخاف من زياده تشوهات للجنين ..رفض الدكتور ولادتي عشان حملي السابق ولدت قيصري واذا عطاني طلق صناعي راح تنفتح العمليه.. قالي استني لين التاسع ويجيك طلق وان شاء الله تولدي طبيعي ..وانا خايفه جدا لان مافي مويه اتوقع ماراح يقدروا يولدوني الا بقيصري ..يعني اتوقع القيصري وراي الحين او بعدين ..فشورو علي الله يجزاكم خير وش اسوي الدكتاره لخبطوني فيه اللي يقول لازم تولدين ليش مخاطره بنفسك للحين وفيه اللي يقول استني .. علما ان التكيسات في الكليه بدت تقل مو كبيره مثل اول هل تتوقعون تختفي مع نهايه الحمل يعني اصبر للتاسع ..مررره محتاره وضايقه فيني الدنيا من التفكير .. ماادري ايش اسوي… سامحوني طولت عليك يالغوالي .

[حياتي توأمي]

من رأيي استشيري أكثر من طبيب
لأن مو شرط اللي سبق ان ولدت قيصري تكون ولادتها الثاني قيصري

انا الأولى قيصري والثاني طبيعي الحمد لله

انتي اذا كان الماء حول الجنين قليل فهذا خطر عليه
والأفضل تستشيري اكثر من طبيب بأسرع وقت

موفقه

[Roshy166]

اممم اتوقع انك تروحي ل مستوصف وتخلي الدكتوره تعمل لك اشعةة
وتتأكد لك اكثر ع النونو لان اللي اعرفوا اذا ناقصه المويه لازم يولدوك
سواء طلق صناعي او عمليه اختى زي حالتك ولدوها عمليه لان
قالوا مو كويس المويه قليلة ع الجنين مرا
وانتي كثري من المويه والشعير وخليك دي الشهرين مرتاحه ع سريرك
لا ترهقي نفسك وتزيد تقل المويه الله يكتب لك اللي فيه الخير
ويفرحك بسلامة النونو يارب
ويتمم لك ولنا ع خخخير ❤️❤️.

[جنان علي]

عليك بشرب ماي زمزم لانه يزيد الماي حول الجنين

[انثى تكره الظلم]

والله ما عندئ علم
أعرف ان نقص المويه على الجنين خطر
وان الولاده فى الشهر الثامن خطر
ما عليكى إلا الاستعفار والدعاء لله بكثره وشغف
والراحه التامه واستشاره أكتر من طبيب
أسأل الله العلى القدير ان يفرحك ويقر عينيكى بشوفه ضناك آمناا وسليماا
وان يقومك بالسلامه ويفرحك يارب
تقبلى مرورى

[شمايل بنت الدمام]

شوفي أنا يوم وصلت نص التاسع قالت لي ألماي قليل ع الجنين لازم اليوم طلق صناعي ولا بيتعب الجنين
وفعلا عطاني تحميل طلق صناعي والحمد الله ولدت

بس وضعك لازم تشوفين اكثر من دكتور واسألي عن حركه الجنين او انتي احسبي حركات الجنين
بس الولاده بالثامن خطر اصبري ع الأقل تدخلين التاسع
وبالله ياااارب تقومين بالسلامه ويسهل عليك ربي الولاده

[مهرة uae]

نفس مشكلتي محتااره
مادري بيولدوني طلق صناعي او قيصري
خاايفه
ربي ييسر امورج الغاليه
من رايي استشيري اكثر من دكتورر

[روووح غاليهااا]

الطفل يتغذا من السائل وكل ماقلت زادت الخطوره عليه لازم تستعجلي بأخذ القرار واستشاره اكثر من دكتور هم اعلم بعد الله بحالتك ووش القرار المناسب اللي يجب اتخاذه

[فرصه جيده]

أستشير طبيب ومعروف ان ولادت الثامن لها مخاطر على الجنين

[أم نوااااف]

الحين انا بالتنويم بس باقي ماقررو ولادتي متي وكيف طبيعي او قيصري… دعواتكم للجنين ..يارب ترزقني وترزق كل ام