هذا جزاااااتي؟؟

[ياويل حاااالي]

السلام عليكم ورحمة الله وبركاته
اكتشفت ان زوجي يخونني وانا والله وثم والله وثم والله ماقصرت عليه بحاجه
اهتم بجمالي بانوثي بكل شي قسما بالله انه حتى امه تحملتها اخدمها واسوي لها اطبخ اغسل رغم ان حريم اخوانه والله مايسوون شي وفوق كل هذا مايبين بعين امه شي
دايم اذا نزلت لهم تحت من جناحي اسمعها تكلم اختها انا ماعندي احد يسوي لي ولايفعل........الخ وانا متحمله عشانه هو وبالاخير حتى هو نكار مثل امه"""

بداية السالفه اني اخذت اللابتوب منه وهو نسى يقفل ايميله جلست اتصفح باحدى المنتديات.....اهئ اهئ اهئالا اسمع صوت الماسن فتحت المحادثه لقيت وينك حبيبي اشتقت اسمع صوتك انا بطلع مع اخوي ناصر بمشي العيال واذا لقيت فرصه بكلمك
هنا الدنيا دارت فيني جلست اكلمها على اني زوجي قلت لها سمحيلي حبيبتي انا جنبي زوجتي ولاقدرت اكلمك قالت انا امس انتظرتك حتى نام زوجي بدون عشاء لاني كنت انتظرك عااللابتوب قلت انا معليش حبيبتي كانت زوجتي جنبي وماقدرت قالت طيب ماقلتي وش تسوي بالمستشفى[انا صحيح كنت رايحه المستشفى موعد لي وهو كان معاي]قلت لها زوجتي عندها موعد ورحت معاها قالت طيب انا بروح جاء اخوي ويمكن اتاخر ولاادخل الماسن طلعت وانا قلبي يحترق قسما باالله انصدمت هذا اللي وثقت فيه وبديته على نفسي وعلى اهلي ماغير كلمة سم وعلى امرك ولبيه هذا جزااااتيدقيت على خوينا بالله قلته له تعال عندي لك مفاجاه بعد بربع ساعه جاني فتحت له سجل المحادثه وجلس يقرا قام يضحك احر ماعندي ابرد ماعنده
انا عصبت شياطين الجن والانس ركبت فيني وجلست اصارخ واصيح يالخاين يالكذاب ليه سويت فيني كذا انا شسويت لك وش القصور اللي جات مني,,,,,الخ
كان مرتبك قال هذا خويت ولد خالتي وهو كان ضيفها في ايميلي وانا نسيت احذفها ومن الاعذار دقيت على ابوي وجاء خذني جلست اعلم امي السالفه من الالف الى الياء
قالت يابنتي هو صادق زوجك مايسوي كذا اصلا الرجال اللي يسوي يبين عليه وزجك حتى جواله كله عندك دق علي وكلمت ولد خالته وقال انها خويته وتاسف على المشكله اللي صارت صدقته ورجعت للبيت جلسنا نتفاهم وهو يختلق لي الاعذااار
قلت له قلبي مصدقك بس عقلي يقول غير هالكلام قال اهم شي قلبك هو اللي مصدقني
مر شهرين على هالسالفه الحين انا دخلت التاسع انا جالسه عااللابتوب دخل علي وقال انا بروح اجيب سرير الولد تبين تروحين معي قلت لا روح انتانا تعبانه ومالي خلق
المهم كنت ادور على ملف باللابتوب وصدفه واه من الصدفه شفت نفس الايميل فتحت سجل المحادثه اتوقع انه كان ناسي يمسحه سجل جمادى ثاني فتحته والله ثم والله اني من تزوجته ماعمره قال لي كلمة احبك ولا ياعمري الا اذا انا قلت له واشوف كلام الحب كله لغيري المحادثه:طلال زوجتك عرفت بالموضوع قال اي هي شكت فيني بس انا قلت انك خويت ولد خالتي وصدقت اصلا زوجتي واثقه فيني وانا احبك تخيلوا انه يشوفها وتشوفه بالكام ويكلمها لما يرووح العمل انا والله مايدق علي لاراح العمل ولايسال الا اذا دقيت انا دخل الجناح ودخل السرير واغراضه انا ماتحملت يالخاين يالحقير ياسافل يانذل ياحمار.........الخ لوعندك باقي ذرة رجوله تطلقني تستغلني ليه خلاص انهرت لدرجة اني ابي اطلع كل مافي قلبي وهو يترجاااني انا اسف اوعدك اني مااسويها انا غلطت ايه بس مااتحمل انك تغيبين عني.......المهم السالفه استمرت يومين وهو يترجاني وانا مومعطته وجهه
حدي ابكي واقرا قرءان جاني انا اسف انا غلطان غلطه وربي اني متندم عليها قلت وانا اصيح طيب وقلبي اللي جرحته وحطمته وكرامتي انت قلت لي الواحد اللي يخون زوجته حمار ولا هو برجال يعني انت حمااااااااااااااار قال طيب انتي هنتيني بما فيه الكفايه وانا تحملت اهانتك خلاص خلينا نفتح صفحه جديده قلت طيب وش ناقصني وشو اللي فيها وانا مو فيني قال تخسي ماتقدر تجيب نص اللي فيك بس الشيطان شاطر وجاب القرءان وحلف انه مايعيدها ويقطع اللابتوب نهائيا
قلت له انا مسامحتك بس بشرط احرمك من كل شي واهمها الجماع احرمك منه لين ارجع اوثق فيك واشوفك رجاااال قال لا انتي باسلوبك كذا تخليني ارجع اسوي نفس اللي صار قلت له يعني مافي نيتك تتوب قال الا وانتهت المشكله

السالفه مر عليها اسبوع بس احس ان نفسيتي متحطمه احس اني مجروحه احس اني ناقصه فهمووووووووووني كيف كيف كيف انسى؟؟؟