طمنوني بخصوص حرق ابني

[أم عبد الرحمن94]

كيفكم حبيباتي
ما بعرف من وين ابدا بقصتي وكيف ابني نور عيوني وقلبي انحرق قدام عيوني
ابني عمره سنة و6 شهور قبل فترة انسكب عليه شاي ساخن كتير.. الحمد لله ربنا كاتب هيك وربنا بيعلم كيف اني كنت بخاف عليه من الهوا الطاير و ما بخليه يغيب عني لو لحظة بس قدر الله عز وجل نافذ.... الحمد لله على كل حال... حرق ابني غطا جزء كبير من جهة صدره وبطنه الشمال وشوي من ايده الشمال .... الحروق كانت ما بين درجة ثانية ودرجة ثانية عميق... حاليا بنغيرلو شاش وبنحط مراهم ع الحروق يوم بعد يوم.. والله قلبي بيتقطع ع ابني الوحيد والهم والتفكير ما بيفارقني كتير... لك الحمد ربي على ما قدرت وقضيت الحمد لله الحمد لله اللهم لا اعتراض على حكمك....
حبيباتي بترجاكم أي حدا مرت بقصص هيك اطمني ع ابني.... هو الحمد لله عادي وما في شي وبياكل الحمد لله وبتصرف متل قبل الحرق بس كتير خايفة اثار الحرق ما تروح وتضل ويتعقد ابني ما بدي اياه يكبر ويعرف انه بيوم انحرق
طمنوني هل الاثار بتروح بمشيئة الله ... اسفة ع الغلبة والعفوية بطريقة الحكي
شكرا ع وقتكم

[ام اخيل الاردنية]

الحمد لله على سلامتو ...واهم شي انو بتحرك وضعو تمام
بالنسبه لاثار الحروق هاي بسيطة في كريمات بتشيل كل شي اسألي صيدلاني بفيدك
تفاقيد الله رحمه ..والحمد لله على سلامته

[أنوار الولاية]

الف سلامااات عليه والله يحفظه هالعمر تكثر حوادثهم الله يحميهم

اتوقع بيروح اثره وجلده بيجدد لان بعده صغيير

اخوي يوم كان عمره يمكن سنتين او اكثر ايدينه ثنتينهم انسكب عليهم ماي حار

وترقد في المستشفى والحين الحمد لله هو شاب وابدا مافي اثر للحرق

طلعي صدقه باسمة الصدقه تدفع البلاء

بالتوفيق