اعراض غريبه تعبتني

[ام فراس..]

السلام عليكم

انا متزوجه وعندي مشكله

انا من جماد ثاني اخر دوره جاتني مزبوطه وبعدها في رجب قبل الدوره بأسبوع نزلت لي بقع بنيه لمدت ثلاث ايام وبعدها صارت تنزل لي افرازات شفافه زي ايام التبويض وكثيره اذا دخلت الحمام بتنزل نفس المني كتله وحده وفيها لزوجه واتاخرت الدوره المفروض تجيني يوم 16 وماجات لين يوم 26 سويت تحليل بول بين معايا بأول دقيقه خط واضح والتاني وردي بس مررره واضح ورحت سويت تحليل دم طلع سلبي وبعدها نزلت عليا الدوره ثلاث ايام بس ودم صافي غزير مافيه قطع ووقفت بطريقه غريبه فجأه قطعت وصارت تنزل لي افرازات كثيره زي ايام التبويض وكل ما اصحى من النوم بينزل عليا وكانها دوره والاقيها افرازات بيضه او شفافه بدون رائحه او حكه وعندي حاليا تعب وارهاق وخفقان في قلبي يستمر كم ساعه بعدين يختفي ومو كل يوم يجيني كل بعد يومين ولمن اصحى من النوم دووخه بعدم توازن وثقل بجسمي وعندي نغزات في رحمي في جهت اليسار وألم بظهر وانتفاخ بصدري وألم خفيف ليا من يوم ما انتهت الدوره اسبوع سويت تحليل بول على طول بين خط ثاني واوضح من المره الاولى بأول دقيقه بس سويت تحليل دم وطلع سلبي وألم اسفل ظهري مستمر بقووه مع الدوخه والثقل اول ما اصحى من النوم وتختفي واذا استحميت بمويه حاره وباب الحمام الله يكرمكم مقفول يجيني خفقااان قوووي ودوخه وغثيان واحس انو بيغمى عليا وكأنو عندي هبوط بالضغط

انا دحين اقتنعت انو مافي حمل بس خايفه يكون عندي مشكله وانا مسافره ولو بروح مستشفى لازم استنى كمان اسبوعين لين ارجع عند اهلي مين عندها نفس الاعراض دي ؟؟؟؟

مع العلم انا عاشرني زوجي قبل دورة رجب بأسبوع ونص لانو كان مسافر وانا رحت عندو وبعدها حصلت لي اللخبطه دي

[Om yasmina]

مش عارفة والله اذا التحليل طلع سلبي يبقا مافي حمل
لازم تشوفي دكتورة ضروري
ممكن تكون عندك مشكلة وانتي مو عارفة

[ام فراس..]

المشاركة الأصلية كتبت بواسطة om yasmina

مش عارفة والله اذا التحليل طلع سلبي يبقا مافي حمل
لازم تشوفي دكتورة ضروري
ممكن تكون عندك مشكلة وانتي مو عارفة

والله انا مو عارفه افكر اسوي تحليل دم هرموني وساعات اقول يمكن تحليل الدم العادي ما يبين ؟

[am taloo]

ماعندي علم روحي الدكتوره افضل لك

[ريڤان]

الافضل تروحي تعملي تحليل هرموني
واذا مافي حمل تفحصي نسبة الدم يمكن عندك فقر دم
لان أعراضه قريبة من الي وصفتي
وان شاء الله يكون حمل متاخر وتبشرينا

[ام فراس..]

المشاركة الأصلية كتبت بواسطة ريڤان

الافضل تروحي تعملي تحليل هرموني
واذا مافي حمل تفحصي نسبة الدم يمكن عندك فقر دم
لان أعراضه قريبة من الي وصفتي
وان شاء الله يكون حمل متاخر وتبشرينا

انا حجزت موعد عند الدكتوره وراح اسوي سونار وتحليل هرموني ان شاء الله

بس حاليا اذا عاشرني زوجي احس انو في زي البالونه او شي منفوخ داخل الرحم وبينفجر مع ألم

[Mj_Oman]

هذي الاعراض كلها أعراض الحمل استني اسبوع واعملي تحليل مرة وياأااارب تكوني حامل وتبشيرنا ببشارة حلوة

[υм вtℓαα]

سوي تحليل دم دقيق
الله يرزقك يارب ماتتمنينه

[مرايمم]

الله يرزقك ما عندي علم
ان شاء الله حمل