اعراض حملي لعيونكم

[Am Fatmai]

السلام عليكم جميعا
بما اني مو نايمه ومو جايني نوم قلت لازم اكتب لكم كل اعراضي يلي شفتها من يوم التبويض لين اليوم
طبعا اول شي ابدأ فيه بالحمد والشكر لله وحده
الحمدلله حتى يبلغ الحمد منتهاه
الحمدلله حمدا يليق بجلال وجهك وعظيم سلطانك


طبعا الاغلبيه شاف موضوع يومياتي وتتنظرون معاي نتيجه الفحص الثاني
الفحص الاول طلع الخط بعد ساعااااات وشرحت لكم انه هالشي صار بحملي الاول
وكنت شبه متاكده انه مب تبخررغم انه ظهر الخط بعد تسع ساعات
نجي للزبده
الاعرااااااض يلي عندي بتنصدمون منها يعني يابنات حطو في بالكم الحمل مو ضروري يكون معاه اي اعراض اطلاقا
الاعراض عندي
بنص وقت التبويض الم بالصدر وزااد لين صار عندي اكثر شي الم في حلمه الصدر مع شكشكه فيهم قويه
العرض الثاني ويلي حسيته قوي غااااااازات وانتفااااتخ فظييييع
وهذا اجاني بحملي الاول
وطبعا انا حسيت انه تبويضي مبكر بسبب الا فرازات والم المبايض كله مبكر وانتهى
ويلي انا مستغربه منه يابنات ماحسيت باي مغص لين الحين وهذا مستغربه منه
فقط بيوم 18حسيت بنغزه بالرحم مثل السكين
والم خفيف جدا مثل وجع دوره وراح بس ثواني
واليوم تحديدا اجاني هبوط مفاجئ كل جسمي يتنافض شكيت فالموضوع
وسبحان الله كل شي ب امر الله
الحمدلله الف مليون مره
وفي شغله ما خبرتكم عليها اني انا ارضع بنتي مازلت رضاعه طبيعيه فقط فاليل
طبعا اخذت كلوميد وماكنت عارفه بصير حمل او لا بس قلت باخذه اذا صار حامل خلاص بفطمها واذا ما صار مابكون فطمتها عالفاضي
والحمدلله والله يعيني على فطامها
وتعب الليل وياها لانها متعلقه بصدري كثير
والحمدلله هذا جميع ما عندي
ملخص الحكايه يابنات
لاتعتمدو على الاعراض نهائي
وطبعا نسيت اقول انه من بعد التبويض رطوبه وافرازات دايمه عندي
اخرشي اتمنى تدعولي ياحبيباتي ربي يثبت حملي ويرزقني ولاده سهله واهم شي طبيعيه لاني تعقدت من القيصيريه
ويارب ويارب ويارب يلي رزقني هالفرحه يرزقها لكل انثى يارب
صوره فحص الحمل الثاني بموضوعي
مال يومياتي مع التحليل

[أم حمودي وعبودي]

ألف ألف مبروووووووووووك
كنا متابعين ومنتظرين الخبر على أحر من الجمر
والحمد لله بتوفيق من الله ما راح تعبنا على الفاضي هههههه
الله يتمم حملك على خير يا رب

[Am Fatmai]

ام حمودي خههههههههه الله يبارك فيج حبيبتي ويتمم عليكي بالخير وعلييي وعلى جميع الحوامل
ويرزق جميع المنتظرات
الحمدلله حبيبتي ربي كريم مافي اكرم منه
دائما يرضي عباده
نورتي حبييتي اول وحده رديتي عليييي

[الوردة الحنونه]

الف الف الف مبروووك والله يثبت لج حبيبتي

وبما اني كتبت بموضوعج السابق انه كل اعراضج تقريبا مثل اعراضي وشاكه اني حامل والحين
تفائلت اكثر لما طلعتي انتي حامل .. ادعي ليي يطلع ظني بمكانه ويثبته لي هالمره بدل الا فقدته من كم شهر

[أم مـــاريا]

ماشاءالله ماشاءالله ماشاءالله





الله يتمم لك االحمل و يفرح قلبك اكثر بسلامته
و يسعدك يااارب
فرحتينا حبيبتي
و من جد انا قد قلتها بمشاركة لي
اللي ماحملو او اللي نسيوا الحمل

بيستغربون ان مافيه اعراض غريبه
يعني ممكن الوحده تحسب عندها هبوط او كتمه عاديه
او تحسب القولون هايج

وتطلع حامل
الاعراض القويه زي الغثيان و آلام الحد المبيضين و النبض
ماقد جتني ابد ببداية الحمل ..


احلا موضوع و احلا خبريه
الله يسعدك

[Am Fatmai]

المشاركة الأصلية كتبت بواسطة الوردة الحنونه

الف الف الف مبروووك والله يثبت لج حبيبتي

وبما اني كتبت بموضوعج السابق انه كل اعراضج تقريبا مثل اعراضي وشاكه اني حامل والحين
تفائلت اكثر لما طلعتي انتي حامل .. ادعي ليي يطلع ظني بمكانه ويثبته لي هالمره بدل الا فقدته من كم شهر

الله يبارك فيج حياااااتي
وان شاءالله تفائلي بالخير واحن معاكي لين تسوين التحليل وتطلعين حامل باذن الله
يارب تبشرينا قريبا وتصير الفرحه فرحتين حبييتي

[Am Fatmai]

المشاركة الأصلية كتبت بواسطة عـهود

ماشاءالله ماشاءالله ماشاءالله





الله يتمم لك االحمل و يفرح قلبك اكثر بسلامته
و يسعدك يااارب
فرحتينا حبيبتي
و من جد انا قد قلتها بمشاركة لي
اللي ماحملو او اللي نسيوا الحمل

بيستغربون ان مافيه اعراض غريبه
يعني ممكن الوحده تحسب عندها هبوط او كتمه عاديه
او تحسب القولون هايج

وتطلع حامل
الاعراض القويه زي الغثيان و آلام الحد المبيضين و النبض
ماقد جتني ابد ببداية الحمل ..



احلا موضوع و احلا خبريه
الله يسعدك

هلااااا وغلالا حبيببتي اي فعلا انا بعد مستغربه هالشي فعلا انثبت لي انه عاااادي جدا يصير الحمل بدون اعررراض
يمكن اذا في غثيان او شي ثاني يبدا بالشهر الثااني
فديتج ياقلبي مشكوره ع الدعوه الحلوه
وربي يرزق كل وحده خاطرها بالحمل
وربي يثبت حملي وحمل كل حامل بقدرته يارب

[أنوار الولاية]

الف مبرووووك حبيبتي وعقبال المنتظرات

يا خسارة من شوي بس شفت موضوعك عن التحاليل ما عشت الاكشن هههه احب اتابع وانتظر بشارة بحمل احدى الاخوات ..

الله يتمم لك علو خير

[لؤلؤة الإسلام]

ألف مبرووووك حبيبتي
الله يتمم حملك على خير و الله ييسر ولادتك و يجعلها ولادة طبيعية و يحفظك و يحفظ الجنين
آمييييييين يا رب

بالنسبة للفطام .. لسّا بكّيييير عليها لبنتك الله يحفظها ،كمان كمّليلها رضاعة طبيعية مدة أربع شهور من الحمل لأنها ما بتضر و هاذي المعلومة قريتها بالنت ،بس زوجة صديق زوجي لما تحمل و تكون ترضع طبيعي ما بتفطم ابنها حتى تبلغ ست 6 شهور من الحمل

الله يحفظكم جمييييييعا

بالتوفيييييييق

[Non. Alanazi]

ربي يتمم لك حملك ويسهل لك الحمل والولادة انا نفس اعراضك تقريبا صار لي أسبوع صدري منتفخ وبه الم كان بالحلمه الم وراح وبطني نفس الم اللي قبل الدورة باقي ١٠ ايام تقريبا على الدورة وغازات الاعراض تروح وترجع الا صدري ابي اعرف متى حللتي !!