@@ أفضل طريقه لعمل البديكير في المنزل @@

Mقمة البرااااائهM · 06-25-2010, 09:16 PM

السلام عليكم ورحمة الله وبركاته

صحة الجسم تبدأ من القدمين

.

الأدوات اللي تحتاجينها:

1_ ماء دافي او ساخن على قد ما تتحملينه لنقع القدمين فيه وممكن تستخدمين مدلكة القدم متوفره في الصيدليه

جهاز مدلك للقدم

2_ حجر لازالة جلد القدم الخشن

3_ مقشر ( مشمش او ملح مال body shop

4_ قصاصة اظافر

5_ قصاصة حواف الاظافر

6_ مبرد للاظافر

7_ سائل لتليين وازاله الجلد الميت ( cuticle remover )

8_ حديده لدفع الجلد الميت وازالته وتقشر الظفر (dead skin pusher ) في انواع وايد.

_ كريم او زيت مرطب للقدم من اللي تفظلينه

كل هالادوات كلها بتلقينها يا في الصيدليه او في محلات لبيع ادوات الصالونات مثل محل نــزيه

الخطوات:

1 _ انقعي القدمين في الماء الساخن لمدة 10 او 15 دقيقه وممكن اضافه زيت لافندر او نعناع او شامبو خاص للقدمين تلقينه في السوبرماركت او الصيدليه

2_ جففي قدميك بالفوطه وابدي باستخدام الحجر لازالة الجلد الخشن او الكالو

3_ هاتي السائل الملين للجلد الميت وحطي على اظافرج شوي شوي او هاتي قطنه وحطي فيه شوي وامسحي على اظافرج عقب اتريي ثواني بعدين ردي حطي مره ثانيه

4_ عقب هاتي الحديده وقومي بازالة الجلد الميت من جوانب وحواف الظفر بالحديده بتلقين انه الجلد يطلع بسرعه وعقب دخلي الحديده داخل الظفر وقشري الطبقه الداخليه للظفر نفس الكوسا يوم نفظيها من داخل بشي نفس السكين ( تشبيه بليغ لول )

5_ هاتي قصاصة حواف الاظافر وابدي قصي من جانب الظفر .. في جانب الظفر مرات يطلع هالاشياء بقايا الظفر نقدر انسميه تشلينه بهالقصاصه واذا في جلد ميت ما قدرتي تشلينه بالحديده شليه بهالقصاصه

6_ والحين ابدي قصي اظافرج لو كنتي حابه تقصرينهم يعني وبعدين ابرديهم بالمبرد للتسويه

7 _ هاتي المقشر وسوي صنفره للقدم عقب اغسلي ريولج

8 _ اخيرا هاتي المرطب في مرطبات انواع وايد للقدم تلقينها في الصيدليات او حتى السوبرماركت وممكن تستخدمين زيت تحبينه او حتى فازلين يخليج ريلج تلمع وظفورج يلمعن وفيه بعد زيت خاص للظفور لو تحبين بعد في الصيدليات ....