في الشهر الخامس وما احس بحركه الجنين حتى الآن هل طبيعي؟

[قطــرية]

السلام عليكم انا عندي اطفال قبل

وكلهم حسيت بحركتهم بالرابع

هالمره دخلت الخامس وللحين ماحسيت بشي

هل هذا طبيعي او لازم اروح افحص

انا اخر موعد من اسبوعين قالت كل شي طبيعي بس ماكنت

احاتي الحركه الان بديت افكر فيها واحط يدي بالساعات

على امل احس بشي بس ابد

[أنوار الولاية]

الخامس يتحرك لكن يختلف من جنين لاخر

انا الاولاد حركتهم كانت دايما ركلات

حملي ببنتي ابدا ما حسيت بركلات الا في الاشهر الاخيره وقليله

كانت حركتها مثل السمكة يعني قليل احس بيها اذا كنت مو مشغوله احس بيها او اذا اكلت حلاوة تتحرك بشكل ملفت

جربي نامي جهة اليمين اذا كان الجنين باليمين مثلي لان ناس يكون جنينهم جهة اليسار اتوقع بتحسي بحركة حتى لو كانت بسيطة

ويبقى الجنين صغير تزيد حركته في السادس

او سوي مثلي بعد ما اصحى من النوم اتلمس بطني وألاقية خشن متجمع في جهه معينه شوي ويصير عادي يتحرك علما اني في الشهر الرابع

[اغلى وعد]

الله يحفظه لكم

[υм вtℓαα]

يمكن يكون نايم او جوعان عشان كذا ماتحسين بحركته بس يتحرك هو
جرب تاكلين وشوفي
الله يتمملك بخير

[تيم الأحمدي]

نفسي في حملي اللي راحوا حسيتهم بحركتهم من الشهر الرابع
وهذا الحمل ماكنت احس بشي وقالتلي الدكتوره كل شي طبيعي

والحمدلله من يوم دخلت الاسبوع ٢٢ ماشاءالله تبارك الله ع الحركه

ماصرت انام من إزعاجه

ف لاتقلقي ياقلبي والله يسهلك يارب

[جنون الحب]

سبحان الله يمكن كسول بس نايم ههههه
او ضعيف علشان كذا ماتحسي فيه

[فارما جيرل]

انا متلك اختى بالخامس ومااحس بحركة بس تطمنت من ردود الصبايا وبالسﻻمة

[قطــرية]

الله يتمم عليكم الحمدلله بديت احس بالحركه من اسبوع

يمكن لانها بنوته كسوله

[أنوار الولاية]

هو يتحرك لكن مو كل حركة نحس بيها لانه صغير وداخل سائل

انا كم مره اشوفه في السونار يتحرك عادي لكن ماكنت احس بيه

الظاهر نحس بيه اذا قام يرفس بقدميه واذا كبر بنحس بيه اكثر نهاية الخامس تزيد حركته لكن مو طول اليوم نحس بيها

[angelamanda]

المشاركة الأصلية كتبت بواسطة أنوار الولاية

هو يتحرك لكن مو كل حركة نحس بيها لانه صغير وداخل سائل

انا كم مره اشوفه في السونار يتحرك عادي لكن ماكنت احس بيه

الظاهر نحس بيه اذا قام يرفس بقدميه واذا كبر بنحس بيه اكثر نهاية الخامس تزيد حركته لكن مو طول اليوم نحس بيها

حبيبتي أنوار انتي بأي شهر اللحين ؟؟