ألم الحلمات وهل ممكن يكون الحمل مع صغر البويضات

[sara mahmoud]

ألم الحلمات وهل ممكن يكون الحمل مع صغر البويضات
ألم الحلمات وهل ممكن يكون الحمل مع صغر البويضات


يا بنات ساعدووووني ... الشهر ده رحت للدكتور ف اليوم ال 12 من الدوره عملي متابعه تبويض وقالي ان البويضات صغيره.
وايام التبويض كان عندي مغص الدوره والم بالحلمات جداا واستمر الم الحلمات حتي بعد التبويض م خلص لحد دلوقت بس بدا يخف شويه ولسه ع معاد الدوره 10 ايااام وكل فتره بيجي مغض اسفل البطن ويروح علطول..
حد يقولي الم الحلمات د من ايييييه...وممكن يكون حمل مع صغر البويضات ولا لا😭 لاني شاكه اصلا ف الدكتور ومش برتاح له وحاسه انه مش بيعرف حاجه وكنت مقرره اروح لدكتزر تاني الشهر الجاااي ...مع العلم ان اول مره يجيني الم بالحلمات كدا...

ياااررريت تجاوبوني ضروري الله يرزقك كل مشتاق الحمل السليم المعافي يااااارب❤❤❤

[وردة الجبور]

حبيبتي انا مثلك كمان ربي يبشرنا بالحمل بس نصيحة اختي لا تفكري وتتوتري خلاص لو مكتوبلك الشهر تحملي حتكوني حامل لا تشغلي نفسك كل شيء بوقته حلو

[sara mahmoud]

لا حبيبتي مش متوتره خاالص ولا بفكر.. بس اخواتي اللي بيقولو وجع الحلمه د حمل وبيعطوني امل عشان كدا بسأل عشان مش أحط أمل وأتصدم بالاخر😭😭 الله يكرمنا سوا الشهر د باذن الله ويجبر بخاطرنا يااارب حبيبتي😍😍

[henna]

لا مش شرط الم الحلمات يكون حمل حصل معايا قبل كده وكنت تعبانة جدا وفى الاخر الدورة نزلت فى ميعادها
الله يرزقك ويرزقنى ويرزق كل مشتاقة الحمل السليم المعافى عاجلا غير اجل

[نرمين وليد]

حبيبتى ربنا يرزقك يارب الحمل السليم المعافي .. ويارب تطلعى حامل الشهر ده
انا عارفه احساس ان انتى تنتظرى حمل بيبقي صعب جدا
انا بس عايزه انصحك بلاش تفضلى تدورى على علامات للحمل .. وتقولى ياترى ده حمل ولا لأ كفايه علينا نستنى ميعاد الدورة ونفضل نقول يارب ماتجيش عشان تخفى الضغط على نفسك ..
لان تقريب كل شهر بيحصل نفس الاعراض دى ممكن تقل وممكن تزيد .. وكمان ممكن تكونى بتحسي بيها من قبل الجواز بس عشان انتى دلوقتى مركزه معاها على انها اعراض حمل فعشان كده واضحه بالنسبالك ( انا عارفه انه صعب ان انتى ماتركزيش بس انا بحاول اعمل كده)وربنا يارب يرزقنا الحمل انا وانتى وكل اللى نفسهم الشهر ده يارب