حساسيه بكامل جسم بنتي ؟

[ما شاء الله تبارك الله]

السلام عليكم وورحمة الله
سافرت ببنتي عمرها 3 شهور ابها بعد اسبوع تقريبا نومتها على بطنها على لحاف الفندق مباشرة لان لحافها توسخ وشلته اغسله ونامت اول ماصحيت حول فمها كله حساسيه ويدها ورجولها ورقبتها وحمراء مره وكل يوم يتطور ويزيد بعد ثلاث ايام وديتها للدكتور بابها الخاص قال انو اكزيما وعطاني كرتوزون ومرطب سيتافيل الكرتزون خمس ايام فقط مرة باليوم والمرطب شهر واستمريت على العلاج بس تشيل الجلد بالكامل ينحرق وينشال ويمشي بباقي جسمها نزلت جيزان وديتها لدكتور اطفال عطاني نفس الشيء كرتزون مخفف وقطرة حساسيه وغيرت الحليب لنان اتش ايه واستمريت على العلاج نفس الشي يشيل الجلد يقشرة كنها انحرقت ويمشي بباقي الجسم طلعت بها جدة سليمان فقيه عطتنى تركيبه وغسول لمدة اسبوع فقط وقطرة الحساسيه استمريت اسبوع كانت تتحسن الحمدلله بعد ماوقفت العلاج كل جسمها تعبى حساسيه ماعدا الجلد اللى انحرق وانشال جسم بنتي مشوه جدا الان الحمدلله والله احترت ايش اسوي مين شافت او سمعت او حصل معاها كذا صرت اعلجها بنفسي لان كلام الدكاترة كلو واحد وبدون فايدة صرت اغسلها احيانن باليوم 3 مرات واخليها تنقع باليوم حتى بدات الحبوب تتقشر بدون كرتزون الحمدلله واغسلها بكيوفي وارطبها على طول واهتم بملابسها وكل التعليمات اللى بالنت جمعتها واسويها بس يبنات في يدها زاد صار جلدها الحقيقي قليل مره والباقي محروق والله شكلها غريب عندي بالعايله كثير اطفال ماشاء الله ماشفت ولا سمعت زي بنتي قلت اكتب هنا ممكن وحدة تعرف شيء تطمني لاني بحال الله العالم بها الحمدلله

[ما شاء الله تبارك الله]

الان عمرها اربع شهور وشيء راحت عليها تطعيمة الشهرين لانو كنت تعبانه ومتنومه والان راحت عليها تطعيمة الاربع شهور رفض الدكتور يطعمها بسبب الحساسيه مرا خايفه عليها ونفسيتي دمااااااااااااااااااار وحتى ماصرت اتعطر ولا احط مكياج ولا اطلع من البيت بسبب تحسسها الحمدلله على كل حال حتى ما انام كثير لان لو نمت اصحى الاقيها جرحت وجهها من الحك تحك حتى تسيل الدم مرات انام وانا ماسكه يدها لان لو حطيت لها قفاز تعدم وجهها ويصير احمررررررررررررر ومتقشررررررررررررر بسبب القفاز بالله اللى تعرف شيء عن الموضووووع تطمنى لووو بشيء قليل بس اذا كان شيء سلبي لاااا لاتكتبي مرا لان النفسية مو متحمله اخباااااااار سيئه الحمدلله

[ما شاء الله تبارك الله]

سبحان الله ولا رد؟؟؟؟