تزيين الاكواب

[غلا الشوق]

تزيين الاكواب

دايما نلاحظ أنه في أكواب أو جلاسات تكون مكسوره أو فيها شرخ بسيط وبالتالي أكيد بنرميها..

أو حتى أكواب الجبن وغيره في كثير من الاحيان نستخدمها وبعد ما تخلص نرميها..

أنا اليوم شفت افكار حلوه وبسيطه نقدر نستفيد من هذه الافكار للديكور ..

..
.
أول فكره ..بسيطه وما تحتاج أدوات كتير ..

الأدوات : كأس. وكم من حبة دارسين تعرفون دارسين .. ومطاط و يكون حجم كبير ..وشرايط ع حسب الذوق ..وشمعه ..

الطريقه : سهله جدا.. نحضر الكأس ونحط المطاط حوله وندخل حبات الدارسين الين ما يكون الكأس كله ملفوف بحبات الدارسين وبعدين نحط الشمعه داخل وممكن نحط ماء و الشمعه تطفو ..

وهذه الصور ..

فكره ثانيه ..حلوه وسهله بعد ..

الأدوات : كأسات مطاط أو شريطه ..ورده مجففه أو حتى طبيعيه ..

الطريقه : سهله جدا تلفين المطاط من القاعده تحت وتدخلين الورده أو انك تحطين الورده وتلفينها بالشريطه ..

وأذا كانت الورده طبيعيه تقدرين ترشين عليها لمعه علشان تعطى شكل جذاب أكثر أو ممكن تستبدلين الورد بفراشات ..

وهذه الصور..

الفكره الثالثه ..حلوه ..

الأدوات: كاسأت..مصاص ( الشفاط مدري شيليموه ) ساده أو ملون ..مطاط..ورد مجفف أو طبيعي على حسب الرغبه..شريطه

الطريقه : تلفين المطاط حول الكاسأت وتدخلين مصاصات الين ما تغطين الكأس بعدها تلفينها بالشريطه ممكن تخلينها مزهريه وتحطين ورد فيها أو حتى شمعه ..
وهذه الصور توضح

[يــارا]

فكرة حلوة تشكري عليها

[غنووجـه]

افكار رووووعه صراحه
ماقصرتي حبيبتي

[غلا الشوق]

أشكركم على تواجدكم الجميل
والرائع الذي انارة هذة الصفحة

[حلم الامومة]

افكار رووووعه صراحه

[شذن]

أفكار جميلة وانا بصراحة عجبتني الطريقة الاخيرة

[سمسمه عمرو]

افكار كتييييييييييييييير حلوة
مشكورة يالغلا

[بنت جدة]

فعلا أفكار رهيبه ..
يسلمووووووو ..

[غلا الشوق]

أشكركم على تواجدكم الجميل
والرائع الذي انارة هذة الصفحة

[ام عارف]

السلام عليكم ورحمة الله وبركاتة لوسمحتو افيدوني جزاكم الله ابنتي حامل وعندها كحة من قبل الحمل والحين الكحة كل مالها بتزيد اتمنى تساعدوني ولكم جزيل الشكر والتقدير