زوجي والرومنسيه

[Ayat121]

بنات جايه لكم اليوم نفسي افضفض تعبانه نفسيتي
أنا مشكلتي أعشق زوجي بجنون لدرجه ماتنوصف
أحياناً بدون مبالغه أشعر أني أحبه اكثر من اغلى الناس عندي امي وابوي

لكن أنا احس اني عطشانه عاطفياً هو صج يقولي احبك بس بين فتره وفتره طويله شوي
يقولي ياعمري او حبيبتي بالنااادر
انا كنت قبل اتزوج كنت احلم بزوج رومنسي لكن زوجي للأسف مش رومنسي
كنت احلم بين فتره وفتره يرسل لي رساله بيها كلام رومنسي
او يدخل علي وبأيده ورده
او يسوي لي سبرايز

مايقولي كلام رومنسي الا اذا كان مسافر عني
يقول انه مشتاق لي ويقولي انه ولاشيء بدوني
لكن اذا كان موجود جنبي مايقول الا بالنادر

انا كنت اذا صارت مناسبه عيد ميلاده او ذكرى زواجنا
او اي مناسبه
اعمل له مفاجأه والبس واكشخ وقميص نوم جديد ومايضل شي ما اسويه
والله اموووت من التعب لاني اعلق زينه بكل مكان والزينه تكون انا اللي اسويها مثلا لوحه واقصصها بشكل حلوو وبلونات من السقف نازلين ومايضل شي يابنات
واطبخ له الشي اللي يحبه
لما يدخل احسه ينبسط مررررره بالسبرااايز

لكن من تزوجنا للحين عمره ماسوى لي سبرايز من هالنوع
صج بين فتره طويله مرره يجيب لي هديه لكن انا نفسي سبرايز
كنت اقوله حلمي احس باحساسك لما تدخل وتتفاجأ بالمكان وتنبسط بالسبرايز اللي انا سويته
اقوله لو ماتعرف تسوي سبرايز
ادخل الانترنت واقرأ او قول لوحده من خواتك تساعدك او فيه مطاعم تجهز حفلات بغرفه
بس حراااام كذا كل مره انا اللي اسوي واتعب وانت ولامره سويت لي سبرايز
كم مره انحز له بكذا طريقه لكن للأسف لاشيء

الفتره الاخيره خلاص حسيت نفسي مجروحه منه
لأنه جى يوم ميلادي وماذكرني حتى برساله حلوه
وجت ذكرى زواجنا وكان ذاكر اليوم وقالي اليوم ذكرى زواجنا لكن ماعبرني ولاحتى بكلمه حلوه
جى يوم ميلاده وماسويت له شي وهم بعد جت ذكرى زواجنا ولاسويت شيء
خلاص احس نفسي متحطمه موقادره ارجع زي أول البس واكشخ واسوي سبرايز واشياء

احس ابد موحلوه الحياه الزوجيه روتين ممل مافيه تغييير

يابنات والله حتى طلعه مانطلع اشوف الازواج الثانيه يطلعون مع حريمهم مطاعم ومجمعات ويتمشون
بس اهو لا كله اذا قلت له خل نطلع يقولي وين نروح وين اوديك انامااعرف اماكن
اقول له طيب أسأل ربعك اواي احد من عيال عمك عن اماكن تمشيه بس مافي فايده

هو صج لاقلت له انا ابقى ذاك الشيء الفلااني مايقصر معي وكريييم علي
لكن انا نفسي اطلع اتمشى
والله من الاجازه الكبيره للحين ماطلعنا مطعم غير مره وحده كانت في شهر رجب هذه اخر مره

اقوله نفسي انت من نفسك تقولي يلا قومي نطلع كم مره قلتها له لكن مافيه استجابه
لازم انا اقول له وألح عليه عشان نطلع نتعشى في مطعم انا والله مايهمني الا لازم نتعشى في مطعم
لكن المسأله هي تغييير جووو وتغيير روتين لو مره بالشهر


وهذا ومامر كثير على زواجنا بس سنتين
اذا الحين مانطلع ونتمشى ونروح ونجي متى بنطلع
اذا جاو العيال وكبرت المسؤليه وكثرت المشاغل

اذا ماسوى لي الشيء اللي بخاطري مين راح يسوي لي
بصراحه مدري وش الحل معاه

[أم روضة]

طنشيه ولا تسوين أي أهتمام له

اهتمي انتي بنفسج من لبس وكشخة ودلع لاتقصرين على نفسج دلعيها على الاخر نصيحة
وقومي بواجباتج الزوجية

والزمي الصمت وااااااااااااااايد لاتتكلمين خليج غامضة معاه

أذا أحتجتي لشي راسليني على الخاص
لاني كنت مثلج بيوم من الايام

[Ayat121]

المشاركة الأصلية كتبت بواسطة أم روضة

طنشيه ولا تسوين أي أهتمام له

اهتمي انتي بنفسج من لبس وكشخة ودلع لاتقصرين على نفسج دلعيها على الاخر نصيحة
وقومي بواجباتج الزوجية

والزمي الصمت وااااااااااااااايد لاتتكلمين خليج غامضة معاه

أذا أحتجتي لشي راسليني على الخاص
لاني كنت مثلج بيوم من الايام

ايه والله يا اختي اني قمت اطنشه الفتره الاخيره
مااهتم كثير نفس أول
حتى نفسي صرت ماحب اكشخ واتعدل
بس ارتب نفسي او افتح شعري والبس ذهب بسيط
بدون مكياج لو بحط كحله بسيطه مع روج خفيف جداً

مش زي أول احس اني تغيرت ومش راضيه حتى على نفسي

ياليت اختي تحكي لنا عن تجربتك واذا لقيتي حل لهالمشكله
تكتبيه ياليت بالعام مشان الكل يستفيد

لكن اذا ماتقدري بالعام خلاص راح اراسلك بالخاص

شوووكرا كثييير

[الأمورة سوس]

الله يساعدك ياقلبي اغلب هاي الصفات موجودة في الازواج
لكن نصيحتي لك لا تبطل الحركات الي تعمليها و سبرايز بالعكس واصل
لكن قلل من الحركات وخليها بسيطه و اذا عملتها راح تونسيه وتستانسي هذا الشي بيمتعك
بس على الرجال يدلعك ماظنتي يتحرك إلا بشي بسيط
إذا حابه يبادلك كلمات حلوة انتي غرقيه بالكلمات حتى هو يتعود ماينطق إلا زيك

و طلعات عادي يتمشى فيك بالسيارة مش مهم مكان نروحه اهم شي تطلعي
اما على خروج المطعم لو عودتيه او اتفقتي معه ان مره كل شهر نغير جو حلو حاولي تصارحيه بالتحبيه
اعمليها كنها لعبة مصارحه وخبريه

وآسفة طولت ههه عسى بس ساعدتك

[Ayat121]

المشاركة الأصلية كتبت بواسطة الأمورة سوس

الله يساعدك ياقلبي اغلب هاي الصفات موجودة في الازواج
لكن نصيحتي لك لا تبطل الحركات الي تعمليها و سبرايز بالعكس واصل
لكن قلل من الحركات وخليها بسيطه و اذا عملتها راح تونسيه وتستانسي هذا الشي بيمتعك
بس على الرجال يدلعك ماظنتي يتحرك إلا بشي بسيط
إذا حابه يبادلك كلمات حلوة انتي غرقيه بالكلمات حتى هو يتعود ماينطق إلا زيك

و طلعات عادي يتمشى فيك بالسيارة مش مهم مكان نروحه اهم شي تطلعي
اما على خروج المطعم لو عودتيه او اتفقتي معه ان مره كل شهر نغير جو حلو حاولي تصارحيه بالتحبيه
اعمليها كنها لعبة مصارحه وخبريه

وآسفة طولت ههه عسى بس ساعدتك

طيب مدام كلياتكم تقولون اغلب هاي الصفات عند الرجال
ليش مانسعى انو نلقى حل ونفك هالأزمه

ايه والله اني لما اعمل لليله رومنسيه بحس اني اروووق وانبسط
لاني انا بمووووت ع شي اسمو رومنسيه
بس تعرفي لما تتعبي وماتلقي مقابل
يقولون فاقد الشيء لا يعطيه
ومادامه في كل هالسنتين ولا حتى مره سوا أليي مفاجأه
خلاص احس نفسي محبطه
هو صج ينبسط معي ويقولي كم كلمه حلوه
لكن ابد مش مثل ما انا اتمنى

خلاص مش قادره اعمل شيء رومنسي
الله يهديني وارجع مثل قبل

وعلى الطلعات انا صارحته وكلمته بالموضوع يقولي ان شالله
لكنة لاشيء يختي لاشيء

[نوني الحلوة]

صادقة ترى اغلب الرجا لكذا انا رومانسية زوجي مثل زوجك صح يقول كلام حلو بس مثل ماقلتي اذا كان مسافر ،، بس وش نسوي المرأة طبيعتها عاطفية عكس الرجل عملي وهذه الأشياء اخر ما يفكر فيها هم يحبونا بقلوبهم بس ما يقدرون يعبرون

[شوق وحنين]

أنا مريت بهالحالة قبل شهرين تقريباً كنت صج محببببطة وياني اكتئاب من الروتين وكنت كارهة أعيد في الديرة وودي أسافر وأشرد وفعلاً حاولنا أنا وريلي نرتب سفرة بس الله ما كتب.. بس ما راح عني الاكتئاب إلا يوم خذت إجازة من الدوام أسبوع وقضيت ليلة في فندق غيرت جو.
ممممم بس لو تقنعينه يحجز لكم يوم أو يومين في فندق بتحسين بفرق إن شا الله.

[-قطر الندى-]

لا تزعلي كتير كلون هيك

[ام حره]

شفت اسمك وشفت اسلوبك وذكرتي بصديقتي ايات فديتها =(


اغلب رجال كذا انتي اهتمي بنفسك واهم شي ماينقصك شي وتفقي معه على الطلعات انو لازم تتطلعون عشان حتى لو احد فيكم كان شايل بخاطره شي يروووح مع طلعه وينسي انتي تعالي له بسلوب يحبه هوو والله يوفقك

[Ayat121]

المشاركة الأصلية كتبت بواسطة نوني الحلوة

صادقة ترى اغلب الرجا لكذا انا رومانسية زوجي مثل زوجك صح يقول كلام حلو بس مثل ماقلتي اذا كان مسافر ،، بس وش نسوي المرأة طبيعتها عاطفية عكس الرجل عملي وهذه الأشياء اخر ما يفكر فيها هم يحبونا بقلوبهم بس ما يقدرون يعبرون

عارفه انو يحبني بقلبه بس لييييه مايقدر يعبر والله مايبي لها شيء
مره مسكته وكلمته برومنسيه عبرت له عن حبي بهمس وشاعريه
وبالأخر قلت له شفت اسلوبي شلون معك انا اتمنى كذا حبيبي انا عطشانه
قالي ان شالله وبسسسسس

المشاركة الأصلية كتبت بواسطة شوق وحنين

أنا مريت بهالحالة قبل شهرين تقريباً كنت صج محببببطة وياني اكتئاب من الروتين وكنت كارهة أعيد في الديرة وودي أسافر وأشرد وفعلاً حاولنا أنا وريلي نرتب سفرة بس الله ما كتب.. بس ما راح عني الاكتئاب إلا يوم خذت إجازة من الدوام أسبوع وقضيت ليلة في فندق غيرت جو.
ممممم بس لو تقنعينه يحجز لكم يوم أو يومين في فندق بتحسين بفرق إن شا الله.

فكره حلوه فكرة الفندق ان شالله احاول اطبقها

المشاركة الأصلية كتبت بواسطة -قطر الندى-

لا تزعلي كتير كلون هيك

كيف ما ازعل تعبت من هالحاله

المشاركة الأصلية كتبت بواسطة ام حره

شفت اسمك وشفت اسلوبك وذكرتي بصديقتي ايات فديتها =(


اغلب رجال كذا انتي اهتمي بنفسك واهم شي ماينقصك شي وتفقي معه على الطلعات انو لازم تتطلعون عشان حتى لو احد فيكم كان شايل بخاطره شي يروووح مع طلعه وينسي انتي تعالي له بسلوب يحبه هوو والله يوفقك

والله جيت له باسلوب لكن مافي فايده