اللي حامل بتوام ترد علي

[طيوف]

السلام عليكم ورحمة الله وبركاته
كيفكم ياحوامل ان شاء الله كلكم بخير وربي يتمم عليكم
خواتي عندي استفسار اللي راحت دكتوره وقالت لها ابغى احمل بتوام وش عطتك حبوب تنشيط والا ابر ؟
وبعد كذا وش عطتك ابر تفجيريه ؟
ابي اجابه لان بصراحه ودي احمل بتوام صح واكيد كل شي بيد الله والحمدلله على كل حال بس انا ماحملت عندي ولد عمره اربع سنوات وجتني مشاكل صحيه ومنعتني بس الحمدلله صحتي احسن وحبوب منع الحمل لي سنه تاركتها ولا حملت وابغى احمل بتوام
واتمنى اني القى ردود

[محجبه]

ربي يرزقك اللي تمنين ماودي اخش ولا ارد عليك انتي تابعي مع دكتورة وتيسر كل امورك وتعرفين عن كل شي

[كيري]

عزيزتي اذكرك ونفسي بقول المصطفى ,,,,
عن أبي العباس عبد الله بن عباس رضي الله عنهما ، قال : كنت خلف النبي

صلي الله عليه وسلم يوما ، فقال :

(( يا غلام ! إني أعلمك كلمات : احفظ الله يحفظك ، احفظ الله تجده تجاهك

، إذا سألت فاسأل الله ، وإذا استعنت فاستعن بالله ،

واعلم أن الأمة لو اجتمعت علي أن ينفعوك بشئ لم ينفعوك إلا بشئ قد

كتبه الله لك ، وإن اجتمعوا علي أن يضروك يشئ لم يضروك إلا يشئ قد كتبه

الله عليك ؛



رفعت الأقلام وجفت الصحف )) .

رواه الترمذي [ رقم : 2516 وقال : حديث حسن صحيح .


فتوكلي على الله واطلبي منه ما تريدين ... وهو الوهاب العليم ... { وعسى أن تكرهوا شيئاً وهو خير لكم وعسى أن تحبوا شيئاً وهو شر لكم والله يعلم وأنتم لا تعلمون}

[أم ياسمين]

مرحبا طيوف انا اقولج عن تجربتي :
انا حملت في بنتي طبيعي ووقفت مده 4 سنوات و لمن بغيت احمل جربت جم شهر ما صار فرحت للطبيب قالي معاكي تكيسات اذا مستعجله على الحمل فراح اعطيج منشطات و بالفعل اول شي عطاني حبوب عشان يبدي معاي بالتدريج لأن في بعض الدكاتره يعطون ابر على طول فتصير الجرعه زايده و تنتج وايد بويضات ويصير تضخم بالبويضات عشان جذي بدا معاي بالتدريج بالحبوب مع الجلوكوفاج هاذي حبوب حق اللي فيهم سكر انا مافيني بس اهي تساعد المبايض بعد لمده 4 اشهر ما كان يطلع بويضات صالحه للاخصاب فقال خلاص الحين نبدي بالابر و فعلا عطاني 4 ابر و جيك بالسونار طلع معاي الحمدالله 3 بويضات كبيره صالحه للاخصاب حددلي يوم للتفجير وكنا حاجزين للسفر ففجرلي الصبح و طرنا العصر رحنا الامارات وحددلي مواعيد الجماع والحمدالله لمن رجعنا بعد فتره سويت تحليل والحمدالله طلعت حامل بتوم والبويضه الثالثه ما تخصبت والحمدالله الامور كانت بسيطه و سهله و الحمدالله مافيها خوف اهم شي ان ما تفكرين بالموضوع انا قطيت السالفه ورا ظهري و قلت اللي الله كاتبه بيصير وحتى لو قعدت بس على بنتي هم الحمدالله لا اعتراض على حكمة ربي لأن الحمل بنحاش من اللي تفكر فيه ثاني شي لازم اعصابج تكون مرتاحه و مو شاده عشان جذي السفر فادني و يقولولج اذا بتحملين غيري عتبة البيت عشان التوتر و تغيرين النفسيه والله يرزقج يا رب بالحمل و الاطفال الاصحاء.

[تعبت اعاني]

الله يرزقك باللي تمنين فعلاً اسألي الله وتوكلي عليه

[انتظار]

نحمد الله في كل امورنا

الله يرزقنا حمل يكون فيه خير وصلاح لنا

اللهم امين

[الملقى]

اهلين اختي انا استخدمت الكلوميد 3 اشهر وماصار حمل الله يرزقني الشهر هذا يالتوائم ياارحم الراحمين

[ياسمين الربيع]

السلام عليكم

بالنسبه لي وباختصار ::

انا حملت بطفلي الاول طبيعي لكن متاخر يعني اربع سنوات

والان صار عمره خمس سنوات رحت للدكتوره وقلت لها ابي علاج سريع للحمل

وعطتني ابر منشطه وبعدها ابرة تفجير وقالت لي انه في احتمال يصير تعدد حمل

وفعلا الحمدلله تم العلاج باذنه تعالى وحملت الان بتوام ولي خمس اشهر >> ادعولي الله يتمم علي

[فديت قلبه]

الله يتمم على اللي حملوووو

والله يرزقنا اجمعين

بس بغيت اسأل اللي تاخذ كلوميد لازم تاخذ ابره تفجيريه معاهه

ولامولازم تنفجر بروحها؟؟؟

[دفينه الاحزان]

انا ياخواتي اخذت ابر اخذت ابره تفجيريه وحملت بتؤام وماكنت مصدقه وبعدها ظليت ثلاث اشهر رحت اطمن وحصلت واحد وقف نبضه وباقي الثاني ادعولي ان ربي يثبته ويجعله من البارين الصالحين الحمد لله على كل حال ....