اهلين ..
هذي اول مشاركه لي في المنتدى لاني من زمان ما حملت وبقولكم سالفتي اتحملوني
انا عندي ولد عمره تقريبا 6 سنوات ونص و وانا وزوجي كنا مأجلين الحمل و الولاده الي اجل غير مسمى لاني جدا تعبت في الحمل الاول من اول شهر الي اخر شهر وحتى في الولاده و المهم ولدي الله يخليه جاء سليم ومعافى الله يحفظه و السبب الثاني الي خلانا انه نأجل او بالاصح اول 5 سنوات انا كنت ما افكر اصلا احمل مره ثانيه كلما اذكر التجربه انه انا كنت ادرس زحمه ومشاغل يعني.
المهم شكل الامومه الوحده حتى لو اجلتها او تناستها تظل ما تختفي, من كم شهر و انا بديت احن الي بيبي وكان زوجي ما يفكر في الموضوع نهائيا انا نبهته وصرت زي المجنونه كاني ما عندي ولد يجنن اسم الله عليه ,صرت احس اني ما عمري حملت ولا ولدت لاني يوم احمل فيه كنت لسه عروس ومن ثالث شهر بدت الاعراض وما انبسط في عمري بخبر حمل وكنت صغيره وما عندي المعرفه ولا افهم شيء عن هاالامور.
المهم طولت عليكم انا و زوجي ما عمرنا استخدمنا موانع كان كله طبيعي يعني معليش لو شوي بتكلم (كان زوجي على طول ينزل بره )
المهم انا ما تجرئت الا هذا الشهر وعرفت متى وقت التبويض عندي وكانت اخر دوره عندي في 24 -2
وكنت حاسبه ان التبويض راح يصير في تقريبا تاريخ 9 لان انا دورتي منتظمه يعني طولها 26 او 27 يوم االمهم ما صار لقاء اقصد ما خليت زوجي ينزل داخل الا في تاريخ 6 و5 لاني كنت احسب علشان انا نفسي في بنوته
ومن يوم التبويض و انا حسيت بالم شديد في المبايض كان يخف ويزيد الي غاية اليوم وحراره على طول في جسمي مع انتفاخ في البطن من يوم التبويض وساعات كان فيه الم في الظهر , وانا انبسطت على بالي حامل المهم انا سويت تحليل بول في البيت امس بس ما طلع فيه شيء فقلت لسه علشان بدري .
المهم اليوم التاريخ 20 صحيت من النوم الا دم او ما اعرف ايش بني غامق مع خيوط بنيه ومش كثير يعني انا حطيت الفوطه يطلع فيه نقط صغيرهمره بس لمن امسح بالمناديل يطلع لي ها الدم وساعات فيه احمرقاني مره يادوب تقدريه تميزيه من البني بصراح انا افتكرته دوره في البدايه بس استغربت انه بهالشكل لاني اول مره تجيني شذي بداية الدوره لان انا بالعاده دم احمر على بني يكون مره خفيف و كانه مخلوط بمويه ويستمر الي يوم ثاني و بعده الدوره العاديه بس هذا اول مره اشوفه و الشيء الثاني انا ما تتقدم دورتي ثلاثه او اربع ايام انا يوم او في حالات نادره يومين
و سوري على الاطاله بس و الله انا قلقه هذا الدم هل هو دوره او لا ؟
واذا لا ايش ممكن يكون لاني قريت في بعض المنتديات انه ممكن يكون اذا فيه حمل اجهاض مبكر
03-20-2011, 07:34 AM
ممكن تعطوني تفسير
توته الفراشه 
جديد منتدى منتدى مشاكل الدورة الشهرية
العرض العادي
