اخواتي ابغى نصيحتكم

[الباحثة عن السعادة]

أولا ..السلام عليكم ورحمة الله وبركاته

اخواتي ابغى منكم النصيحه .. وابغاكم تعذروني في الأول .. احتمال كبير ما ارد على الموضوع .. بس لكل رأي منكم .. قيمة ومقدار .. وبدعيلكم من كل قلبي .. يكفي أن فضفضتي .. لقت لها دقائق في حياة كل منكم ..

انا متزوجه من سنه تقريبا ... وكتب علي ان اكون بعيدة عن اهلي
هم بالشرق وانا بالغرب .. رضيت بنصيبي وحاولت قد ما اقدر اقبل على الحياة الي انا داخلتها ..
مو عارفة مشكلتي تبدأ من وين بس الي اتذكره اني من اول شهر زواج وأنا اتحسس كثير من اي مشاكل او سوء خلاف بيني وبين زوجي .. بسبب هالخلاف اعيش بحزن وكأبه واحس ان هالانسان خذلني .. المهم
ايش الي خلاني افتح هالموضوع ..
رسالة وصلتني قبل ساعات من زوجي .. موضوعها اخر خلاف بينا
انا صار لي 3 شهور ببيت اهلي .. على الرغم من اني ما كنت حابة اجي ببيت اهلي كل هالوقت ..لكن زوجي خاف من المصاريف ولقاها طريقة يوفر شوي تذاكر السفر والمعيشة للمولود الي جاي في الطريق .. ذكرني قبل كم يوم بأني اذا جيت اطلع لازم اقوله مع انه هو في الغربية وانا في الشرقية .. انا ما علقت كثير .. وقلت مو مشكله .. قبل امس كنا بنروح انا واخواتي وعيال اختي لمطعم بنتعشى وبنرجع .. ارسلت له رساله بالمكان الي رايحين له .. وبأن اخوي هو الي بيوصلنا ..رد علي اذا كان بينزل معاكم .. روحي اذا مو نازل لا تروحين .. حاولت اطمنه .. قلت احنا مو وحده ولا ثنتين ولا حتى ثلاث .. احنا عيلة كبيرة بنروح ونرجع على خير ان شاء الله .. وقلت له ان البيت كلهم طالعين واذا جلست بجلس لحالي .. رد علي .. لو سمحتي انا قلت لا .. شوفي لك اي شغلة تشغلك ..
زعلت .. من داخلي .. وحسيت انه ما يفهمني .. ولا يراعي مشاعري .. على الرغم انه بنفس الحظه كان بين اصحابه ورايح يتمشى .. فضل اني اجلس في البيت لحالي .. على اني اطلع مع اهلي .. مار ديت على رسالته واعتذرت من اخواتي وقلت تعبت فجاة وما ابغى اروح .. وجلست في البيت ..
اخر الليل رسل رساله ..
حبيبتي رسلت لك مصروفك على حسابك .. وشوفي الاهداء على الايميل .. الصفحه الثانية من الرساله صورة بنت كتفها وجزء من صدرها عاري .. ومكتوب فيه احبك ..
انا جاء في بالي ... ايش يعني يبغى يراضيني .. او يتناسى موضوع رفضه اني اطلع من غير مبرر .. ويقولي مصروفك بحسابك .. والأمر صورة البنت .. الي ما راعى شعوري فيها ..
حاولت اتجاهل اخطأة في الرساله .. ارسلت له صورة ولد حلوو ..
وكتبت فيها يعطيك العافية ... وتحت الصور حتى انا احبك ..

بنفس اليوم اتصل .. وبينت له اني متضايقة من الي صار ... بس ما فتحت الموضوع .. قالي شكلك مشغوله قلت ايه .. مشغوله .. شويات ورايحه السوبرماركت قال ايش عندك .. قلت رايحه اشتري اغراض .. واصريت ما يعرف ايش هي الاغراض .. عشان اضايقه .. ما عرف ليش سويت كذا .. انهينا المكالمه بأني مشغوله .. وهالوقت مش مناسب لي اتكلم على التليفون ..


الجمعه .. اتصل عليه عشان صلاة الجمعه ما يرد علي .. جاء المغرب وارسلت له رساله انا رايحه السوق عندي كم غرض .. ما خلصتهم ..

قبل ساعات ... وصلني رده ..

يقولي انه ما اتصل فيني عشان ما يبغى يعكر مزاجه .. وانه اخر مرض مرضه بسببي بس هو ما قالي عشانه مراعي مشاعري ..
بس لأني اخر همي امشي الي براسي وهو بحريقة .. فما عنده استعداد يمرض عشاني .. واخرته شايلنه على الاسعاف .. لاني ابغى اسوي الي براسي وما همني احد ..
وانه مراح يضل ساكت .. ما احد بيقدر يلومه لأنه استنفذ معاي كل الطرق .. وانه لما بغى يتزوج بغى احد .. يعوضه عن النقص في حياته مو يزيده مشاكل .. وان احنا كل شهر نتهاوش .. وانه يبغى زوجته زي اي زوجه ..وبأنه ما طلب شي مستحيل ..
ويبغى حل .. وما هو مستعد يصبر على حياة زي كذا ..
ويشوف الي حوالينه مبسوطين .. وهو محروق من داخله ..

هنا انتهت رسالته ..

تصدقون لو اقولكم .. ان كل خلافاتنا تافهه .. وكأننا مراهقين .. انااتحسس من عدم مراعاته لمشاعري بعض الاحيان .. وهو يتحسر على حظه بان صار لزوجه .. الامور العاطفية عندي اهم من كل شي ... من الماديات وغيرة ..

يمكن اخر خلاف الي ذكرته لكم .. هو اقوى خلاف بينا .. على الاقل على شي .. ممكن نسمية اختلاف ..

مو عارفه هو ليش يسوي كذا .. وليش خلاف مثل كذا يخليني رخيصه .. عنده .. لدرجة انه يلمح بالانفصال ..

هو مش فاهمني .. وانا للأسف على قد ما حاولت افهمه .. واتفادى الي يزعله .. الا اني الى الآن ما فهمته ..

اذا كان محتاجني ... عاطفيا .. والله ثم والله .. اني حاولت كل جهدي اعوضه من هالناحية .. سواء كانت ناقصته او لأ ..

ماديا .. نسيت كل حياتي قبل وكيف كنت عايشة .. وصرت عايشة معاه على الحلوة والمره .. افرح بأوقات السعه .. واضحك أوقات الشدة .. لأاني عارفه .. هاذي اشياء ما تسوى ..

معتنية بنفسي .. وبزوجي وببيتي .. قد ما اقدر .. ما اقول اني كامه من هالناحية .. بس احاول قد ما اقدر .. على الرغم اني ما تعودت اعتني بأحد ..

اذا زعلت ارضى .. وافرح ... اذا راضاني .. بأبتسامه ..منه

ايش اسوي اكثر من كذا ..

زواجي .. كان اخر امل لي .. بأني اعيش حياة سعيده .. هو كان اخر امل لي .. حياتي رسمتها على لوحه جميلة قابلة للتحرير ..
ما ابغى بس انا الي ارسم هالحياة ابغاه هو بعد مشارك فيها ..

قبل ما اتزوج وصلت لحد الأنهيار .. كل قواي .. انتهت ..وما صار عندي اي مقاومة في هالحياة .. هالزواج كان اخر امل لي ..

كل الحزن الي صار بحياتي ..
كل الأهمال الي شفته وتحملت نتيجته من اهلي ..
كل خذلان الاصدقاء .. كل شعور بالنقص ..
كل دمعه في زوايا بيت اهلي ..
كل لحظة حسيت اني وحيده فيها ..

كان زوجي اخر امل لي بأنتهائها ...

لكن زوجي ..

ما عنده استعداد .. يتحمل مني أكثر ..

مو عارفه ايش احساسي بهاللحظه احس اني انتهيت ..
مصدومه .. وبنفس الوقت .. متوقعه الي صار ..

عمري ما اذيت احد .. بس لأني بغيت شخص افتح له قلبي ..
اذيته ..

[اميره بمشاعرها]

شوفي حبيبتي بصراحه بعد قرأتي لمشكلتك راح اقولك من الغلطان وبكل صراحه وبدون زعل

انا شايفه انك انتي الغلطانه

هو من حق زوجك انه يرفض ان تطلعي من البيت من دون محرم يعني اخوك او ابوك
ومنعه لك من الخروج هذا ان دل دل على حبه الكبير لك لانه مايرضى ابد حد يتحرش فيك او حتى يناظرك لاتقولين احنا عائله كبيره ومدري ايش مهما كان انتم حريم وبدون رجال معاكم ماينفع او حتى يقدر يطمن الواحد عليكم

والله العظيم ان اللي صار لك صار معاي والله زوجي رفض اني اطلع مع اهلي والمشكله انه ابوي معانا يعني مو بس انا وامي وخواتي لا معانا محرم ومع ذلك رفض وكل هذا غيره علي
والله جلست بالبيت لحالي ومره طفشت وقتها بس لما فكرت بيني وبين نفسي قلت انا من جد غبيه
بالعكس هذا اكبر اثبات انه يحبني وغيران علي

وانتي الله يهداك زدتي الطينه بله بخروجك مره ثانيه بدون رضاه يمكن هو بس سكت عشان مايزعلك الا هو بخاطره عتبان وزعلان عليك
جربي مره وقولي له من عيوني عشانك ماراح اطلع وربي وقتها راح يزيد حبك بقلبه وتكبري بعيونه
وعلى فكره ترى الرجال في بداية زواجهم يحبوا انهم يفرضوا شخصيتهم بأوامرهم الواحد فيهم مومصدق انه صار له عائله خاصه ومسؤل عنها ويحكمها
بس بعد مرور كم سنه من الزواج كل شي راح يتغير
والله العظيم انا حكيت لك من واقع تجربتي بالحياه
لاتخربين بيتك عشان امور تافهه كبري قلبك وحكمي عقلك وطاوعيه في كل شي ومصيره راح يتغير
اسمعي كلامي وراح تدعين لي
والله يسخر لك زوجك ومايشوف غيرك ياااااااااارب

[نبع الكوثر]

كنت ابي اقول نفس كلام الاخت اميرة بمشاعرها
حبيبتي لازم ماله دخل لوكنتي بعالم وهو بعالم ثاني
المهم انك لازم قبل لاتطلعين تاخدي ادنه بالخروج
مو تعطيه خبر انك بتطلعين وخلاص لالالا

لازم تقولين له انا ملانه بدونك ودي اكون معك اطلع معك بس بما انه مافي مجال اهلي بيطلعون تسمح لي اطلع معهم اغير جو عشان يروح عني الملل

وماله داعي تكوني في بيت اهلك خليك مع زوجك في بيته ليش رايحه بيت اهلك
اذا جاء وقت الولاده روحي لهم وادا مافي مجال جلسي مع زوجك واهله اكيد ماراح يقصرون
وهي فترة وبتعدي

احسا من تخربي بيتك بغيابك عنه
قولي له انا ماتحمل العيشه بدونك
ابي اكون معك برجع لك
واجلسي معه ودلعيه ورتبي له وغيري اجواء
صدقيني كل شيء راح يتغير
اهمشيء تحسسيه بانك سعيده معه
ولا تبينين له انك متضايقه
ولا تصيرين حساسه ابد
انا احسكم تحبون بعض بس كل واحد مايعرف يعبر عن مشاعرة الى الثاني

[„دٌلوِوعـّۃ ζـٍـبْيبَيـﮯ„]

وش اقوولج ياخيه
وربي حاااااااسه فيج انا امس تزاعلت انا وزوجي وهو كان الغلطان علي وبعدين جرحني بكلمه وانا رجعت له الكلمه نفسها علشان اجرحه ويحس فيني

لكن الموضوع تعقد اكثر ولحين احس بضيق والسالفه للحين ما انتهت
المهم انا مب جاايه اقولج مشكلتي بس اريدج تعرفين انه مش انتي بس الي كذا
انا مر على زواجي سنه وشهرين ومثلج تماما من اول شهر ونحنا كل يوم مشااكل
لا ووصلت لدرجه اني بعد 5 شهور من زواجي منه كنا بنطلق

وكل هذا على اسباب تاافه ومالها معنى
بس المشكله انننا ما نفهم بعض

وهي مشكلتك بعد انتي ما تفهمينه وهو ما يفهمك
وانتم ما تحاولون تتفاهمون وش تبون من بعض .. ادري بتقوولين حاولت وما نفح
وادري انه صعب ورب البيت ادري
وانا اقوولج لين يومي هذا اعاني من هالمشكله

بنسبه على طلعتج مع اهلج وانه لازم تخبريه يوم تطلعين عاادي مرره
انا زوجي يساافر السعوديه وسافر الفلبين والصين وانا بالامارات
وما يخليني اطلع الا يوم اقووله اني بطله المكان الفلاني .. واذا ما قلتله ما بستغرب ان النهايه بتكون طلاقنا لاني ما قلتله اني طالعه

كل الرجال كذا يحب يعرف حرمته وين ومع من حتى لو كان بااخر الكره الارضيه
انتي يوم يتصل عاتبيه بهدوء ورقه عن تلميحه للطلاق
قوليلها انك ما تقدرين تتخيلين حياتج بدونه وبدون حسه وصوته
وانهج مشتاقه له وتبين ترجعين عنده

وصدقيني يمكن بتحسينه بالبدايه ما بيتفاعل معك بالكلام وبتحسينه مب مهتم بس هذا كله تمثيل
علشان يريد يسمع منك كلام حلوو اكثر
ويشوف لاي درجه انتي صاادقه بكلامك
خليه حتى لو استغرق يومين ثلاثه اسبوع واصلي الكلام الحلووو
وبتشوفين بتحسينه تغير على طوول

وما اعتقد اصلا انه بيطول لين يرضى يومين بالكثير وبتكون المشكله انحلت بما انكم بعيدين عن بعض
لانه لو كنتوا مع بعض بالبيت كانت المشكله يبالها 10 دقائق وتنحل

اله يوفقج يارب ويهدي زوجك ويهديك
ويخليكم لبعض يارب