الطلاق بدايه ام نهايه

[دموع غيمة]

صباحكم / مساءكم رحمه

اليوم بكتب مشكلتي العويصه واتمنى القى الرد المقنع والشافي لي وانا وربي اعتبركم مثل خواتي لاني مالي خوات اسئلهم واستنصحهم وينصحوني بمثل هالمواقف ,,

لب الموضوع /
تزوجت من سنتين تقريبا وغصبن عني عشان ابوي يبي يرد المعروف لعمي لانه هو اللي مربيه , تزوجت ولد عمي وهو عكسي تماما والفرق بيننا شاسع , من حيث الجمال والمال والدين والتربيه والتعليم ,, ومابيننا اي نقطه اشتراك الا انه يقول انه يحبني واي احد كان يخطبني يتهاوش معه , واحد صدم سيارته عند بيتنا وواحد واقفله عند الشارع عشان اذا دخل وراك الشغل فيه وواحد يهدده المهم ماخلى احد ماتمشكل معاه عشان ماحد يقربني او يخطبني حتى انه نشر انه مملك علي وهذا الشي غير صحيح بس عشان ماحد يطق باب بيتنا ويخطبني ,,
المهم اني كنت اكرهه كره ومع ذلك تزوجته والسبب ابوي ,, بعد زواجي بكم شهر دخل السجن بقضيه وهو عارف قبل زواجي انه بيدخل السجن بس ماقالي عشان ماارفضه بحجه ,, وانا سكت وشفت باول زواجي انسان طيب وحبوب وقلت اذا هو بالوضع وبهالطيبه بصبر عليه وانسجن تقريبا سنه ,, بعد ماطلع من السجن قلت بسنعه وبخليه يتوظف وبخلي منه رجال يعتمد على نفسه واكيد مو مطلقني لانه يحبني ويخاف علي ومافي اكل اتطلق منه فاحسن لي ارضى بالواقع واعدل بهالرجال وبالفعل بديت عمليه التغير وخليته يترك الدخان ويكمل دراسته وتوظف واعتمد على نفسه طبعا هو اول ماجاني يد ورا ويد قدام ولاشي عنده لاوظيفه لاسياره ولاشي ,, تصنع الرجال وصار يصرف الى الان حلووووين ,,
بعدين قمنا نفكر بالحمل وحللنا كلنا وطلعت المشكله منه بس مش عويصه تنحل باقصى تقدير على سنه او سنتين قلت يابنت مو مشكله نصبر ماني مستعجله على الازعاج صبرت عليه بالسجن اصبر عن الاولاد .. نو بروبلم ,, رحنا لطبيبه شعبيه وقلت لامي المشكلع مني مو من زوجي عشان افك عمري من كل شي انا ناويه اعدل فيه ,, وبالفعل تشافي بظرف شهرين وحملت وانا اللحين لي اربع شهور حامل باول طفل لي ,,
قبل حملي كنا نتهاوش بس يرجع يرضيني ويبوس راسي لو اكون انا المخطيه وكثرة مشاكلنا ومعظمها ماديه وفي تفاصيل عويصه مابي اتطرق لها بس اسكت عنه اسوي نفسي غبيه ..
وبعد ماحملت صار مايتحمل مني كلمه ,, ولاصار يهتم فيني وكل شوي يقولي ترى هذي الاخيره انتبهي قلت انا مااخطي عليك انت اللي تسبب المشاكل قالي انتبهي ترى هذي الاخيره ,,
سكت ماعطيته بال ,, بس لاحظت انه لما يروح لااهله ويرجع لي يتغير كأن بقلبه كلام كأنه محشي كلام علي اطباعه تغيرت ,, مادري ليش ,, وخاصه لاجت وحده من خواته ..
ماعطيت الموضوع بال وقلت اللي يحبني مايسمع فيني كلام ..
المهم مرت الايام وجت اخر سالفه بيننا قبل شهرين تقريبا ,,
رن تلفوني ورديت
انا / هلا قلبي
زوجي / هلا حياتي
انا / سم وش بغيت
زوجي / تراي بروح اودي امي لمطوع تعبانه
انا / ماتشوف شر ان شاء الله طيب خذني معاك دامه بس امك حتى انا والله تعبانه يمكن يخف الوحم علي ( طبعا هو بيروح لمنطقه اخرى )
زوجي / لا خليها مره ثانيه بشوفه وبعدين نرجعله انا وانتي
انا / وشوله المشاوير نروح مره وحده على وجهك
بعد محاولات اقناعه اني اروح معهم
زوجي / السياره مزحومه فيها انا واختي واخوي اللي يسوق انا اللي بروح معاهم وخالتي
انا / مشاء الله كل هالربع معاكم توك تقول اثاريك تقنعني عشان هم يروحون اقول لاتروح بس ووديني للمشغل خلاص دام اخوك هو اللي يوديهم وحنا نروح بوقت ثاني
زوجي/ والصدمه ,, اقوووول انقلعي بس انقلعي منتي امي ولاابوي اقعد اترجى فيك ساعه
انا / وشوووو وشو تقووول ,,
انقلع انت
وقطع الخط وعصبت انا ومارديت عليه لما دق للمره الثانيه
جاء ع الساعه 3 بالليل وطق باب غرفتي طبعا انا ساكنه عند اهلي لانه مايقدر يفتح بيت رغم ان حالته تعدلت لكن عند مشاريع يبي يكبرها وانا قلت ميخالف
المهم مافتحت الباب ورديت عليه بنفس كلمته لي
ودق علي وقلت له انقلع لاني من جد تنرفزت من هالكلمه ,,
وبعده من ذاك اليوم الى اليوم ولنا شهرين متخاصمين ,,, وش زين الحبيب اللي مايقدر يفتح بيت ,, راح وخطب بعد اسبوعين من هوشتنا ,, انا انصدمت ولاتوقعت هالحركه رغم انه ناذر نذر مايتزوج علي ,, غير كذا تحملته سنه بالسجن ولاتكلمت ويقول انه يحبني ولاصار بيننا الا اشهر مع بعض بس اذكر له كلمه زمان يقوله لي ان المره اذا حملت او ولدت تصير عبده لزوجه وتنفذ له اللي تبي ,, وانا ادري ان هالكلمه مو منه من اهله ,, وهو من اول زواجنا يبيني اسكن عند اهله بشقه وربي يابنات ماتسكن فيها الشغالات ,, وكان راي صريح معه من البدايه واني مستحيل اسكنها او اسكن بيت مو له وقالي ان ابوه مخليها له وحلفلي مايغصبني على شي انا مابيه ,, وسكت وسكتت ,,
جاء قبل شهر انا عبالي بيرضيني اثاري ولد ابوه جاي بشروطه وداري اني سمعت بالخطبه ويبي يكسر جناحي ع باله اني بركضله من سمعت الخطبه ويقول لابوي تجي تسكن عند اهلي فوق قال ابوي تبيها زين لها شقه لحالها هنا وتقول امها سبب مشاكلها وهناك مابي ينتي تقول ان امك تسبب لها مشاكل ورفض الا اجي عند اهله وكل اهله كل ماجيت اسمعهم يقولون شقه زوجي وشقه زوجي وليش مايسكن فيها واكيد انهم عبوو راسه ,,
انا بصراحه بيني وبينكم يابنات ناوويه اتطلق لان زوجي ماله كلمه ورايه بيد غيره وغير كذا جرحني وانا حامل مامداني اتهنى بطفلي حتى كرهته وتمنيت يطيح لاني بنيت زوجي وبالنهايه يعاملني بهالاسلوب ويخطب ويتامر علي بشروطه وهو المخطي , ولانجلس يومين الا ونتهاوش
وبالاايام الاخيره متغير علي حتى وجهه متغير كانه مهموم او احد ضاغط عليه ,,

نويت اخلعه يابنات وش رايكم ابي نصايحكم واي استفسار تبونه بقوله لكم بكل صراحه
واتمنى ترشدوني للطريق الصحيح ,,

ودمتم كما تحبون واكثر

[دموع غيمة]

تكفوووون بنات جااويوني انصحوني ,,

ابي اطلب الطلاق وش رايكم انتم

بعد ماحملت وصبرت عليه ولاصار لي معاه من سجنه الا كم شهر يبي يتزوج علي ,,
وغير كذا يابنات نسيت اقولكم ان بين امهاتنا عدواه وسببها الغيره من زمااان
وحلفت امي ماتزوجني منهم لكن ابوي هو اللي اجبرني
وهو كل سوالفه عن العدوات القديمه حتى اكثر المواقف اقولها لامي لجهلي فيها لان امي ماتتكلم بهالامور
وانا حاسه انه ماخذني انتقاااام من شافني حامل بدا يحط حيله فيني ,,

تكفووون بنات ان محتاااره و90% معزمه ع الطلاق

[ماروكوو]

انتي الي بتعيشين وانتي الي لازوم تقررين

انا لو منك اروح لابوي واقله الله يسامك

سوي الي تحسين فيه راحتك وانا اايدك بالطلاق

[مشاعل الدوسري]

السلام عليكم ..

حبيبتي أنا بعلق على كذا نقطه ...
اول نقطه:
اسلوبك و كلامك في المكالمه غلط ... الرجال دق و قالك بروح اودي امي و معاي اختي و اخوي لا تناقشيه
خلاص قولي انتبه على نفسك و طمني عليك و الله يحفظك ..

او اذا مو من طبعك تردي هيك تقوليله اوكي طمني على الوالده .. أو بلسلامه او اي رد سنع ..

ثاني نقطه:
واضحه انه حبك حب مراهقه و حب طفوله و كان يبيك له هو و بس لكن بعد ما صرتي ملكه صار الموضوع عادي .. و انجبر يعيش معاك .. لانه اختياره من البدايه و كان يبيك..
فهمتي قصدي .. بلعربي الحماس اللي كان عنده لك انتها ممكن مو اكيد عشان كذا تغير عليك و عشانه بعد ممكن صار يستمع لكلام اهله بعد هيك..


ثالث نقطه:
المفروض تتبعين زوجك وين ما يبي يسكن مو انتي تتحكمين بلسكن ..
لو غرفه وحده دامك عارفه ان ظروفه زفت من البدايه و طالع من السجن و و و و وو الخ ..
كان لو سكنتي في بيت اهله حستني علاقتك فيهم و صرتي قريبه من خواته و امه و غيرتي نظرة امه ..
انهم يفكرون ان امك هي اللي توزك و هي اللي تقولك وش تسوين ..

رابع نقطه :
تعتمد عليك قرارك انك تكملين او تنفصلين ..
اذا هو بيتزوج ثانيه و بيقدر يعدل بينكم يعني زي ما يحطلها يحط لك ..

يعني يا قلبي لو بيتزوج و بيحط لها سكن شقه يحط لك شقه مو تسكنين في بيت اهلك ..

الا اذا انتي قابله انك تسكنين مع اهلك عادي مصروف شهري و و و و الخ من شروطك انتي بأختيارك و بقناعه ..


اذا انتي حاسه انه قابل للتغير ارجعي و اذا له هذا الموضوع يعتمد عليك انتي ..




في النهايه جوابي على سؤالك
الطلاق بدايه ام نهايه ..؟

على حسب الوضع اذا كان زواجك فاشل فا طلاقك منه بدايه جديده
اذا كان زواجك ناجح و مستور فا طلاقك منه يعتبر نهايه

لان الناس بتقول زوجها ما قصر عنها و و و و و و و و و رغم هذا اتركته ليه بيت و خصوصيا و لبس و اكل مو مقصر عليها بشي و رغم هذا اتركته غبيه ما فيها خير و و و و و انتي تدرين في مجتمعنا و خصوصا وضعك انتي القبلي العائلي
دااااااااااااااااااااااايم البنت هي اللي تنعاب و لا الرجال شايل عيبه على قولتهم ..




اخر شي تذكري انك حامل طيب في حالة انك طلبتي الخلع
الولد بيعيش معاك و لا بيأخذه .. كلها سنتين و يأخذه لو تطلقتي منه .. و اذا هو عادي ما تفرق مهاه بيخليه عندك ..
ممكن يخليه الى سن ال 7 سنين و بعد كذا الطفل يخير امك و لا ابوك ..
بيقول للشيخ الولد مو محتاج للرضاعه خلاص و و و و على حسب حالتكم الشيخ بيحكم

فكرتي بموضوع الحضانه ولا ما جاء في بالك ..


طيب في حالة طلاقك منه ..
اكيد ماراح يوقف رزقك و ربي بيرزقك بواحد ثاني .. طيب لو تزوجتي ولدك بيعيش عند مين مين اللي بيربيه ..

اذا ناويه تتزوجي بعد طلاقك منه انصحك انك تخلين الولد عند ابوه او يحكم الشيخ ان الحضانه عند امك ..

و في حال انك تزوجتي رجال ثاني لا تدخلين رجلك بمشاكل الحضانه و تخلينه يشيل هم مو من مسئوليته ..

لان اعرف كذا وحده تزوجت و هي عندها عيال بعدها طليقها صار يحرمها من شوفة عيالك و كانت طول الوقت متضايقه و مالها خلق و تتهاوش مع زوجها عشان مو قادره تشوف عيالها و هذا الشي سبب خلاف بينها و بين زوجها بسبب الحضانه و الزياهره





يعني بلعربي لو قررتي تخلعينه

او تتطلقي منه أنصحك تفكرين من نواحي عده ..

أول شي الحضانه في حالة زواجك مره ثانيه..
ثاني شي مصروف لولدك كم بيكون شهريا.. الشيخ بيحكم 400 الاغلب و بعضهم يحكمون 300 و هذا المصروف ما يكفي ..
ثالث شي علاقة اهلك بأهله ..
من هذي الامور و الله يهدي الامور بينكم ..

[غنج القلوب]

انا من راي الاخت مشاعل وفي نفس الوقت انا ما اعتبر الطلاق حل خصوصا انك حامل ..الله يفرج همك ويكتب لك اللي فيه الخير

[دموع غيمة]

ياحياتي يامشاعل

فكرة بكل النواحي كأنك بعقلي تفكرين

واليوم يقول مابيها ولاابي حتى الطفل اللي ببطنها < ادري يبيني مااطشه يحسب اني ماخاف الله مثله بس يبي يوصل الكلام منه جرحني ومنه انا احتفظ بالطفل لما يولد

واكيد اذا بتزوج بخليه عند امي وابدا حياتي من جديد ,,
لكن هو ماله امان كل يوم وله كلمه وانا بروح للمحامي وبساله كمن سوال بخصوص الحضانه
هو عباله انه بيكسرني اذا انا حامل
وعنده امل اني برجعله ويقول اذا تبيني تجي تسكن عند اهلي ,, طيب انا من البدايه شارطه عليه وهو موافق وش غيره ؟؟
غير كذا ياحلوت هو يعاند وتحسين انه تفكيره تفكير طفل صغير وحياتي معه مو مستقره ابد تعبت لي سنتين معاه وربي جحيم يابنات
حاولت اعدل فيه قد ماقدر لكنه فتح اذانه وع قولتك شكله حب مراهقه وطفوله وطفى
ويقووول لخالي والله مااطلقها لما تعطيني المهر
شووفوا الخسه .. وراثه عندهم

[سيدة الغرام]

حبيبتي هذا شي راجعلك انتي وا زي ماقلت اختي مشاعل
فكري بحضانة لولد فكري اذا تزوجتي مره ثانيه ووووووالخ
الله يفرج كربتك ياقلبي

والله يكتب لكي الخيره طيبه

[mo0o0n2009]

الله يفرج همك يا قلبي واستخيري وان شاء الله ربي يهديكي لصواب

[مشاعل الدوسري]

من كلامك احسه ماراح يتزوج من جد مجرد تهديد عشان يشوف ردة فعلك ..
هو ماقدر يصرف عليك عدل عشان يجيب الثانيه من وين بيصرف عليها ..

حبيبتي اذا بتخلعينه لازم ترجعين المهر ..

و اذا بتطلبين الطلاق بشكل رسمي ..

قولي للشيخ انه مايقدر و لا يحترمني و بنفس الوقت انا صبرت
عليه و هو في ظروفه الصعبه و تحملت و ما قلت شي بعدها يبي يكأفني بزواجه من ثانيه ..
طيب ياشيخ انا شروطي بلسكن ان نسكن بشقه لوحدنا بعيد عن اهلي و اهله ..
و هو الى الحين ماحققق هلشي و يبيني اسكن مع اهله و الزوجه الجديده بيحط لها شقه ..
انا اعتبره غير امين و كل شوي له كلام
تحملت و هذا جزاتي صبرت على السكن و صبرت على قلة المصروف و و و
و بعدها هذي جزاتي
و يهددني ياشيخ يقولي تبين تتطلقين ردي لي المهر ..
يشترط علي شروط عشان يطلقني و هو ماحقق شروط لما تزوجنا ..
و من هذا الكلام

لا تخافين من الشيخ و لا شي تكلمي بكل جراه

لا تنسين اذكري كلمته اللي قالها ان مايبيك و لا يبي الولد .. يعني تبرى منه وهو بعد ماجاء ..
و قوليله مايطالب بلحضانه ابد ابد ابد .. له حق الزياره بس دامه مايبي ولده اللي مني ..
و طالبي بلمصروف حق الولد و اذا مايبي .. عاد الشيخ يتصرف معاه ..



و بلنهايه اقول اركدي و يمكن بس مجرد كلام انه بيتزوج عليك عشان يبيك تسمعين كلامه

و تخافين من مسألة الزواج..

[مشاعل الدوسري]

اولا شروطك اللي تقولين عنها موثقه بلعقد تبع الزواج و لا لا ..

أنا شخصيا بعقد الزواج.. مشترطه سكن خاص و مصروف شهري و دراسه و عمل

لا سمح الله صار بيني و بين زوجي خلاف على هلامور ..

و بغيت اتطلق .. أتطلق بكل راحه ليه..

لان شروطي اللي بلعقد ما تنفذت فهمتي قصدي لو زوجي قالي مافي دراسه و ما ابيك تشتغلين .. و اعترض

و انا هلشي نرفزني .. و بغيت الطلاق الشيخ يجبره و يقوله ها بتنفذ مطالبها اللي بلعقد و لا تطلقها فهمتي الحين قصدي




اذا ما كانت مطالبك مثبته بلعقد فا تعتبر غير مثبته من الاساس و المطالبه فيها تثير الشك عند الشيخ لان الشيخ بيلاحظ اختلاف في كلامك و كلامه .. و بكذا بيصير الحكم ممكن ضدك لانك قاعده تتكلمين و ما عندك شي مثبت ..