ياناس ياعسل احلى خالد وصل

[ام رآما]

السلام عليكم بنات
باركولي ولدت وجبت احلى خلودي
ولدت اول اسبوع من التاسع والحمدالله يارب
حلوه الولاده بس الم الطلق عذاب ولادتي ماجات على البال سبحان الله فجأه
كنت رايحه العثيم اتمشى مع اهلي وكنت تعبانه مثل ماتعرفون معي فقر الدم وحسيت بتعب بتنفس من علاماته قلت لزوجي ماني رايحه قالي روحي وسعي صدرك
ورحت وجلست شوي وجلست ابكي وقامو يهدون فيني لاني خايفه وتعبت من تركيب الدم وخايفه اتنوم وقالو اهلي روحي لمصلحتك وانا اقول لا مصممه واتصلت على زوجي يجي ياخذني قلت له تعال تعبانه قال يلا بجي وانا ابكي وفي رجال قدامي جالس يناظر فيني احس ان كسرت خاطره مابقى شي ويبكي علي وهو مايدري وش السالفه ههههه
المهم وجاني زوجي واروح معه واتصلت عليه امي واحنا بسياره قالت اخذها للمستشفى على طول لاتخليها وانا اقول ماابقى وجالسه احلف وما ادري ايش اخر شي رحت قلت بشوف كم نسبة دمي وبطلع ماراح اتنوم ورحت مستشفى خاص اللي اتابع فيه حملي هذا كنت ناويه اولد فيه بس قالو الحكومي احسن المهم ودخلت الطوارئ كان الساعه 12 بـ لليل وحللو طلع دمي نازل 6 تخيلو بعدين قلت للمرضه فيني الم بظهري وبطني قالت لي من متى قلت لها من اسبوع يروح علي ويجي قالت بكشف من تحت قلت لها يلا عاد انا ادعي ربي اني اولد اول التاسع ما اتأتخر وكشفت علي الفلبنيه قالت لي 2 ونص سانتي فرحت بصراحه لاني بس ابقى اوووووووولد تعبت من التنويم وتركيب الدم علي
المهم ما اطول كلمت ماما قالت لها سولي تخطيط ومعي طلق ومفتوح الرحم فرحت لي لانها شافت معناتي
كلمتني خالتي اخت ماما قالت روحي امشي عشر دقايق بعدين تعالي لي بدهن بطنك وببخرك
قلت اوكي ورحت مشيت واشربت عصير انانس مع القطع طازج وانا امشي
بعدين حسيت بألم وتعبت قلت يلا ودني عند خالتي ورحت وكانت الساعه 1 بـ لليل
ورحت قالت يلا لا تستحين شيلي ملابسك وانا كذا وشو
يمه بصراحه استحيت بس علشان مصلحتي قلت يلا امري لله
ودهنت بطني بشويش وبحركه دائريه بعدين ظهري وبعدين رفعت رجليني
بعدين قالت يلا قومي لبسي ببخرك قالت لي ماحسيتس بــألم قلت لها لا عادي بس حسيت ببطني شي ينزل ويتحر من تحت
وبخرتني وبعدين اكلت سبع رطبات وكاس موية زمزم
بعدين قالت يلا بروح معك المستشفى يمكن تولدين امك وصتني اروح معك لانها من قلتي لها ان فيك طلق وهي خايفه تشوفك وجالسه تحاتيك ياعمري يا امي
قلت اوكي يلا ماقصرتي ورجت المستشفى الولاده وكانت الساعه 2 ونص تقريبا وكشفو علي قالو 2 ونص ماتغير شي ونزل مني دم بس قالو الرحم نازل بس الكشف بصراحه عذاب جننتهم
قالو تنويم لان بيركبون علي دم
وتنومت وكشفو علي مره ثانيه بس وحده ثانيه قالت نص سانتي هاذي مادخلت براسي توه 2 ونص كيف صار نص سانتي بس
المهم ودوني الغرفه وانا امشي والدم ينزل مو راضي يوقف واقولهم دم قالو اي عادي هذا رحم يفتح علشان ولاده قلت اوكي ركبو علي التخطيط بعدين الساعه 5 الصباح ركبو علي الدم لاني يمكن انزف في الولاده ودمي 6
بعدين بدا الم الطلق خخلاص مو قادره اتحمل الم الم غييييييييييييير طبيعي زي الم الدوره بس اقوى شوي وانا كل ماجاني الالم استغفر ربي وماخلص الدم الا الساعه 9 الصباح وانا اتعذب من الالم وابكي واكلم زوجي واكلم امي كل شوي وهم مساكين يحاتوني اتصل زوجي قال اختي ولدت الجين وجابت توأم بنت ولد قلت عقبالي واقول لسستر متى اروح لغرفة الولده نقول ان شاءالله الحين مسكينه طفشت مني جننتها وكل شوي كشفو علي وانا خلاص لعبو فيني من هالكشفيه وجا الفرج قالت 4 سانتي يلا يلا لغرفة الولاده انا رحت اكلم وزوجي قلت يلا ادعولي بروح غرفة الولاده وجابو الكرسي وجلست وخذوني وانا فرحانه اني بولد وخايفه بنفس الوقت والالم الله لايوريكم ورربي موت كل شوي يزيد
وقالو دخلي الحمام الله يكرمكم وركبو التخطيط علشان نبض البيبي وانا اقولهم شيلوه مو قاده اتحمل من الالم وهم يقولون لازم علشان قلب البيبي وكل شوي ارفعه عن بطني احس انو ثقيل ورحت كسرته لهم ههههه وبدا الجد وبدا الصراخ وبدا التعب وبدا الهم هههه جد والله
خلاص حسيت بالم بتطلع روحي منه واقول للمرضه ابقى مسكن اي شي قالت لا اقول ما اقدر تقول لا بعدين جات الدكتوره قلت قالن اوكي بعطيك قلت قبل ما اخذه بروح الحمام الله يكرمكم قالت لا مستحيل يمكن تولدين الحين اقولها ضروري لاني جاني سهال الله يكرمكم قالت اوكي بسرعه ورحت مو قادره امشي ودخلت ورحت وعطتني ابره بالورك قالت بتدوخين وتنامين بس حسيت الدنيا تدو فيني بس الالم مو مخليني انام جات بنت تطبق في المستشفى جلست تقرأ علي سورة الانشقاق الله يجزاها خير وتقولي قولي ان مع العسر يسر وانا كل ماجاني الالم ارددها والله يخف الالم وتقولي يلا بعد شوي بتشوفين البيبي وانا اقولها مو قادره من الالم
بعدين خلصت منني وراحت
فجـأه حسيت بشي بيطلع مني قلت بطنش يمكن عادي الا جا مره ثانيه قلت للمرضه تعالي ولاده طنشتني قلت تعالبي بسرعه ولاده في شي بيطلع زي اللي كأنك بتتبرزين حلوه في شي
الا شافت الراس قالت سلا ولاده 9 سانتي وانا كل ما حسيت ان بيدفع البيبي قالت يلا دفعي وانا الله لايوريكم علقت على كلمة يلا سحبيه سحبيه بسرعه وهي تقول اي اي ماما في يسحب ههههههههههههه وكل كل ماحسيت بدفع اقول يلا يلا سحبيه بسرعه
وانا ادفع والله كأني اشغل سياره اصرخ وصوت زي كذا ششششششششششششششععععععععععن ههههههههه وهم يقولون لا ماما اخذي بس نفس ودفعي من تحت وانا معلقه على ششششششششششششعععععععن
بس 5 او 6 دفعات الا طلع خلودي وشفته ماصدقت وبكى وجلست ابكي وابتسم بنفس الوقت خلاص ماني مصدقه انو طلع فرحانه وربي نسيت الالم وجابوه بسته بعدين قالو تعبان ينتنفس بسرعه واخذوه للعنايه الكبرى على طول ضاق صددري بعدين طلعو المشيمه بعدين جات الدكتوره نظفتني وخيطتني بس والله جننتها تخيلو وهي تخيطني قلت جيبو الجوال بكلم زوجي وجابوه وهي تقول كلمي بعدين وانا مطنشه كلمته فرح وبعدين كلمت امي وابوي والدكتوره معصبه علي ليه اكلم مشاءالله جد حاله غريبه وحده توها والد وجالسه يخيطونها وتكلم جوال ههههه قولو مشاءالله
وخذوني الغرفه ويوم الثلاثاء نفس تاريخ زواجي 26/7 ولدت فيه وجبت احلى خلووووووووووووووووووووووووووودي الساعه 2 الظهر على ان موعد ولادتي 16/8 بس الحمدالله ولدت اول اسبوع من التاسع وطلع خلودي من العنايه بعد ثلاث ايام وطلعت معه لان ركبو علي دم ثانيه وطولت عليكم سامحوني
ولدي جالس يبكي ومافي نوووووووووووووووووووووووم بعد اليووووم من جد معناه
نوم بنهار كله وسهر بلليل والله يسهل على الباقي اهم شي سورة الزلزله واكلو رطب

[اسومه القموره]

الف الف الف مليون مبرووووك يتربى بعزكم الله يحفظه لكم يارب
ادعيلي على مشارف التاسع الله ييسر يارب العالمين

[ام علاوي99]

الف الف الف مليون مبرووووك يتربى بعزكم الله يحفظه لكم يارب

[Joana]

الف مبروك...و الحمدلله على سلامتك....و من مواليد السعاده ان شاءالله

[عذبوك ياقلبي]

الف لف الف مبررروك ويتربي بعزك والحمد الله على السلامه

[شعاع الأمل]

مشالله الف مبروك هم وانزاح اللهم لك الحمد

[ام رآما]

اللع يبارك فيكم اي والله هم وانزاااح
عقبالكم ربي يسهل عليكم

[ام جنووو]

الف الف مبرررروك و يتربى بعزكم و دلالكم
بس والله مت ضحك على هدا الموقف
وانا ادفع والله كأني اشغل سياره اصرخ وصوت زي كذا ششششششششششششششععععععععععن ههههههههه وهم يقولون لا ماما اخذي بس نفس ودفعي من تحت وانا معلقه على ششششششششششششعععععععن


هههههههههههههههههههههههههههههههههههه اه يا بطنى ششششششعن ها

[شذها غير]

الحمدلله على سلامتك والف مبرووك ويتربى بعزكم
وعقباااااااالي وعقبال الكروشااات

[ام رآما]

هههههههههههههههههه اي والله