عندي فكرة مين معايه

[على الله]

بسم الله الرحمن الرحيم
مرحبا again
حبيت المنتدى آنس وحشتي
اسمعوني باختصار
مو يقولون كل شي ينجح بالتخطيط
طبعا كله بامر الله
بس بنمشي على اعقلها و توكل
يعني نخطط و ننظم امورنا و نخلي الباقي على الله
طيب نبدا الخطة بالناس اللي عندهم دوره او بتجيلهم
بالنسبه لي راح ابدا من الان لان المحروسة حارمتني الصيام
اولا نتأكد انو ما عندنا مشاكل بالهرمون او ع الاقل انه ضبط
ثانيا:انو مافي مشاكل التهابات لانه مانع
يعني شوية محافظة و اهتمام ودي اكيد في مواضيع ناقشتها
ثالثا : راح اشرب عصير عنب الين ما انفجر لانه له علاقه بالاستروجين اللي احنا نحتاجة
رابعا: لااااااااااااااا للاعشاب و الخرابيط اللي نعرف عنها حاجة و نجهل عنها الفففففف حاجة
خامسا: انا رحت ع اليوتيوب وجلست اسمع لتجاربهم و نصائحهم
و الخلاصة انك تحسبي الايام اللي فيها خصوبة وفي برامج و جداول كثير تساعدك
سادسا : راح اتبخر بالشاي و لاتقولون اعشاب
هذا شي استخدامة خارجي يعني ما راح يلعب بالهرمونات
سابعا:في وقت ال.............. اذا انتهيتي اطلبي من زوجك يحط مخدة تحت الحوض والمخدة ما تكون عالية عشان ما قدر اشرح استحي بس باليوتيوب قالت الدكتورة المخدة تكون مو كبيرة
و تجلسين مدة 20 دقيقة بعدين نقوم نتحمم بموية عادية مو حارة لانك لو طولتي ممكن يجيلك التهابات
و ال .............. يكون يوميا الا اللي زوجها عندة مشاكل يوم بعد يوم
الى ان تنهي فترة الاخصاب
بالنسبة الناس اللي عندها الرحم مقلوب او مايل يكون وضع ال........... مختلف بشكل السجود
و اللي ما عندها مشاكل الوض العادي انتي على ظهرك
و يجب تجنب الاوضاع الباقية لانه تقول انها تخلي كل شي يخرج
و راح اخذ حبوب حمض الفوليك من باب التفاؤل و لانهم يقولوا لازم تاخذيها اذا كنتي تفكري في الحمل
ما ادري اذا نسيت شي
و اولا و اخيرا توكلوا على الله
و ياليت اللي عندها شي ناويه تعمله تقول لنا عشان نتعاون و نشوف
و ياليت نبلغ بعض عن النتائج

طولت سامحوني
بس خلونا نتعاون مو البنات يتعاونوا عشان يعملوا دايت احنا بنتعاون عشان نجيب بيبي
و التوفيق بيد الوهاب القدير