بنت حماي

[لا حول ولا قوة الا بالله]

السلام عليكم بنات باقولكم مشكلتي وانتو قولو لي صح اللي اسويه او لا انة عندي اخ زوجي عايش معانا في البيت وعنده بنتين الكبيرة عمرها 14 والصغيرة عمرها10وانة عندي بنت عمرها 11 شهر وعايشه في بيت حمولتي وعندي شقه بروحي الحمدلله المهم ندخل في الموضوع الصغيرة دايم عندي حتى كان زوجي مرة مناوب ودخلت عندي من الساعه 12 الظهر لين 3 ونصف الفجر تخيلو اهيه تدري اني ما انام الا لين صليت الفجر انتظرت لين صليت وبعدين راحت وانة مستحملتها حتى كانت تبي تنام عندي وانة مستحيه اطردها ساعات ابوها مايخليها عندي من توصل الساعه 9 على طول يناديها بس ذي اليوم نام ولا درى عنها وهيه تبي دايما تقعد معاي ويازعم تلعب مع بنتي وانة الصراحه انقث منها ودايم تضرب علي الباب تبي تدخل وانة الحين مو ماعطتها وجه هل اللي قاعدة اسويه صح اني قاعدة اتجاهلها وله لا قولو لي الحل

[روزليتا]

ههههه شكلها غاثتك من الظهر لاخر الليل انتي كلميها وقولي انك مشغوله وتبين تاخذين راحتك خليها تدق الباب الين تعجز ثم افتحي وقولي وش تبين ازعجتينا وحنا نايمين عاد اذا مافهمت شي ثاني

[دلوعة حبي]

ههههههه الله يعينك
منوفيهم الكبيره ولاالصغيره

[ام نورهانه]

مااعرف يااختي احسك متحسسه منها يعني ليش تستحين منها يمكن تحبك وانتي الوقت الي تشوفي مو مناسب كولي لها روحي وتعالي في وقت تاني
لو تشوفين الي عندي 7 اطفال حمويني ولان احنه ساكنين ببيت واحد بس مقسمي شقق وبنتي اصغر وحده فيهم عمرها 3 سنوات والباقي 11 سنه 10 و9 و9 و7 و5 و5 سنوااات ولان بنتي عندها العاب كثير يوميا يجون عندي ومايخلون بنتي تروح عنده وطبعا اربع اولا و3 بنات هم والله مشيبيلي راسي بس برضوا اشوف بنتي متسلية وتلعب اسكت واخليهم مع العلم هم ازعااااج لابعد حدود ومايجون عشان بنتي لا يجون عشان العابها وانا بيتي صغير مرة يعني مساحته 90 متره وانتي تخيلي عااد بس ما طفشت منهم ويوم الي اشوف نفسي مو فاضيه اقولهم روحو وتعالو بعدين

[غُمُوض أُنثَى]

عادي حبيبتي البنت بتحبك هههههه

في بنات هيك بكونو لززززقة

بس ازا مستحية احكيلها تعبانة هلا وبدك تنامي وتعالي في غير وقت

بكل لطف يعني لانه حرام البنت صغيرة

[برّو !]

ههههههههه
ما الومك لو انا مكانك ماتحمل
بس والله انكك طويلة باااال
الله يعينك

خليها تخبط بالباب من تروح
*

[نور السحر]

طيب حبيبتي يمكن ترتاح عندك اكثر من بيتها حاولي تكلميها يمكن عندها مشكلة في بيتها مع امها او خواتها وتشوف راحتها عندك
اذا تريدين استغليها خليها تساعدك بشغل البيت يمكن تطفش ههههههههههههه وبعدين هية مريحتك من بنتك وشايلتها عنك المفروض تكونين مستانسة