نصيحة الدكتور : اوز(معلومات هامه)

[عزيزة النفس]

السلام عليكم ورحمة الله وبركاته
نصيحة الدكتور : اوز

صاحبة الموضوع
ريمانه عضوة نشيطة

السلام عليكم ورحمة الله وبركاته

كيييفكم؟؟؟ ان شاء الله تكونوا بصحه وعافيه

طبعا اللي يتابع برنامج اوبرا الشهير يعرف مين هو الدكتور محمد اوز

للمعلومية : منقول

انا لما اتابعه دايما يتكلم عن المكسرات وانها تقلل من الشعور بالجوع

فدورت في قوقل عن هالشي ولقيت موضوع عن نصايحه

المهم اختصرته لكم واخذت المفيد منه

ان شاء الله تفيدكم..

طيب نبدأ في الموضوع ..

************************

يقول الدكتور اوز

في مركبين هم المسؤولين عن الجوع والشبع

«غريلين» و «ليبتين»

بس لما يفهم الواحد كيف يعمل هالمركبين
يقدر يستخدمها انه يخفف من الجوع و ينقص وزنه

اول شي نجي لهرمون (( غريلين )) وهو المسؤول عن الشعور بالجوع لما تكون المعدة فاضيه

ويحدث كل نص ساعه

ولما الواحد يتجاهل الجوع الجسم يفرز المزيد من هالهرمون وبكميات كبيره

لدرجة انه الواحد يصير مستعد ياكل اي شي يعني تهبط من العزيمه
((وهذا السبب اللي يحرم نفسه او يجوع نفسه يفشل بالنهايه ولا ينقص وزنه))

طيب بعد ما فهمتم ايش هو هرمون الـ ( غريلين )

نجي للنصائح ايش نسوي عشان نقلل من الجوع
يقول دكتور اوز:

النصيحة الاولى:
1- قبل نص ساعه من الوجبة الرئيسية اما تاكلي شي بسيط من المكسرات يعني بحدود (4 حبات او 5)
او تاكلي حبة صغيره من الفواكه
او كوب من الماء مخلوط معاه بعض الالياف معرفة باسم سيليوم وافضل شي النوع اللي يذوب مع الماء

السيليوم (( متوفر بالاسواق زي ما قال بس مادري اذا موجوده عندنا والا لا ))

طيب ليه نسوي هالشي؟؟؟
مو قلنا فوق ان هرمون غريلين يحسسنا بالجوع وهالشي يصير كل نص ساعه

ولما تاكلي قبل الوجبه بنص ساعه الاشياء اللي ذكرتها فوق

تخفف من الاحساس بالـ جوع ويصير الواحد ياكل كميه اقل

اضافه من عندي
هالشي اللي قاله مذكور في القرآن انك تاكلي فاكهه بعدها الاكل
واحنا دايما نسوي العكس الفواكه نخليها بعد الاكل
قال تعالى (وأمددناهم بفاكهه ولحم مما يشتهون)
قال تعالى (وفاكهه مما يتخيرون ولحم طير مما يشتهون)
في الآيتين ذكر الفاكهه وبعدين الطعام

النصيحة الثانية:
2-نتناول الطعام بصورة بطيئة

طيب قولوا ليييييييييييه؟؟؟
انا اقولكم لما الوحده تاكل بشويش وعلى مهلها
هالشي يعطي فرصة لهرمون الـ غريلين انه ينخفض ويرجع للمستوى الطبيعي
واذا انخفض الـ غريلين بنخفض مستوى الجوع
واذا انخفض مستوى الجوع تقل الكمية اللي تتناولينها لانه راح تحسي بالشبع

(( هالكلام اتوقع ينفع اكثر مع الي يسوون تخفيف انه يساعدهم على التقليل من الكميه
اما اللي ماشيين على نظام معين والوجبة تكون محدده لهم اتوقع بهالطريقة راح تشبعهم الوجبه
أنا لاحظت اذا اكلت مع احد يعني مثلا بنات خالاتي واحنا نتعشى يعني تكون بينا سوالف
فاصير آكل ببطئ عشان مره نسولف وشوي ناكل دايما الاحظ اني اشبع بسرعه معاهم
مع ان نفسها الوجبه اللي اطلبها دايما لوحدي والحين عرفت ليه ))

ــــــــــــــــــــــــــــــ ــــــــــــــــــــــــــــــ ــــــــــــــــــــــــــــــ ـــــــــــــــــ

طيب فوق كلامنا كله كان عن الـ غريلين

الحين جى دور الـ ليبتين وهو بروتين موجود في شحوم الجسم

واللي هومسؤول عن الشعور بالشبع + يعمل على حرق السعرات الحرارية

(( يعني اذا قدرنا نرفع مستوى هالبروتين بنكون اكثر قدره عالتحكم بشهيتنا ))

النصيحة الثالثة:
3- نرفع مستوى الـ ليبتين بتفادي الاكل اللي يحتوي على شراب الذرة عالي الفركتوز
لان الفركتوز يخلي الشهية مفتوحه
(( بس تفادي الفركتوز صعب لان هالمادة يستخدمونها في كثير من الأطعمة المصنعة ))
مثل رقائق الذرة المسكرة - المشروبات الغازية
وبعد الاطعمة «خالية من الدسم» أو «قليلة الدسم»،
صلصات السلطة - والمطيبات - واللبن الرائب المحلى - والخبز

هنا نضطر اننا نقرأ ايش المكتوب على الأطعمة ونتجنب اللي تحتوي على شراب الذرة عالي الفركتوز
واختصاره hfcs «إتش.إف.سي.إس»

النصيحة الرابعة:
4- الدهون الغير مشبعة هي افضل انواع الدهون لصحة القلب
وتتوفر في:
الزيتون - وزيت الزيتون - والأفوكادو - والمكسرات - والبذور
والسمك مثل السلمون - والتونا - والسردين - الماكريل
وأنواع من الخضراوات
إضافة إلى الزيوت المستخلصة من البذور مثل الكانولا - ودوار الشمس - والذرة - والسمسم
(هذي الأنواع مو بس مفيدة للقلب والأوعية الدموية
بعد هي تساعد على تعزيز مستويات بروتين الـ ليبتين يعني تساعد على الشعور بالشبع)

أما الاكل اللي يحتوي على الدهون المشبعة
مثل:
اللحم - البيض - منتجات الحليب
اذا اكلنا منها كثير تثبط من ارتفاع الـ ليبتين

وبس هذا الكلام اللي قريته
بس حبيت انقله لكم بصوره اسهل عشان ما تملوا

ان شاء الله تستفيدوا من الموضوع
والاهم انكم تطبقوا هالشي

[ام ارجواااااان]

كل الشكر
على الموضوووع الراااائع
الله لا يحرمنا من هذا التواجد الحلووو

[حبيبت حبيبي]

من جد يعطيك الف الف عافيه وحلو مره اسلوبك في الشرح
جرااااك الله الخير