ابي الحل الشافي تكفوووووون (اقروا قصتي بالكامل)

[شموخ وكلي طموح]

بنات انا عندي مشكله وابي افضفض لكم وابيكم تساعدوني الله يجزيكم خير
انا زوجي مطلق بعد زواج دام 8 شهور وماجاب منها أطفال لأنها ماكانت تبي وكانت تاكل الحبوب
وسبب الطلاق .. انها انسانه مرررره نكديه ودايم طالعه برااااااا البيت وماتحب تطبخ وأكله يجيبه دايم معه من براااا وهي تحب تفر بالاسواق وللعزايم واذا جاء من الدوام يبي الراحه تقول ودني للمكان الفلاني يعني ماتهتم فيه ابد
والمصيبه انه في يوم من الايام كان جاي من الدوام الا ويشوف عندها شغاله وقالت هذي مرسلها ابوي لي وهي اسآسآ تكذب والكفيل مو اسم ابوها المهم حصلت مشكله واخذها عند اهلها وارسل عليها ورقة طلاقها

وبعد طلاقها بشهرين او ثلاثه جت امه وخطبتني له .. وحكت لأمي القصه اللي فوق قصة طلاقه وبعد تردد دام اكثر من 5 شهور وافقت لأني كنت خايفه يكون السبب منه ...
وتخيلن يابنات على ايام ملكتي كانت تقول انا حامل خلوه يرجعني وهي نصابه وتكذب بس تبيه طبعآ هالكلام سمعته من (خواته)
المهم مالكم في الطويله
الحين انا صار لي متزوجته سنه وعندي ولد ولله الحمد

بس المشكله انها تتواصل مع خواته للحين
وللحين يتكلمون عنها قدامي
حتى امه مره جابت طاريها قدامي وتخيلن أنا وقتها كنت حامل ماراعت شعوري وتقول الله يرزقها بأبن الحلال والله انها حلوه مير الله ماكتب نصيب بينها وبين ولدي وانا لازم اسأل عنها بين كل فتره وفتره واشوف اذا تزوجت ولا لأ (وربي ان هذا كلام امه)
ودخلت غرفتي وبكيت قدامه قلت احس ان امك متندمه وتبيها ..
قالي انا احبك ومرتاح معك وخلي يقولون اللي يقولون اهم شي انا .. ويحلف لي يابنات انها كانت تدعي على امه وماتحبها ولاتحب ديرتهم على فكره اهله ساكنين بقريه وانا من حبي لزوجي اطلع معه ولا تراني ماأحب القرى وانتم عارفين بس عشان زوجي

وخواته بين فتره والثانيه يذكرونه فيها .. مره يقولون امهاا دقت تسأل عنك وابوها يسأل عنك والله كل مااجتمعنا لازم يجيبون طاريها وانواع المدح فيهاااااااا وربي يقهروني بكلامهم واكثر من مره ابكي
وللحين متواصلين معها بالتليفون وتاخذ اخباره من خواته
وهو ماعمره جاب طااريها قدامي ولايتكلم عنها قدامي وانا احبه حيل وقلبه طيب معي ويحبني واي شي اطلبه يجيبه لي بس ابيه ينساها وشلووووون وامه وخواته يذكرونه فيها
للمعلوميه طليقته مو من جماعتنا ابدآ قبيله ثانيه وبعيد عننا .. وانا من جماعته وقريبه منه
واللي مزوجه الأولى اخته لأنها بنت جيرانهم

وراح اذكرلكم بعض الحاجات اللي اذا ذكرتها تدمع عيني :
1/ سافروا بعد الزواج زي مايقولوا شهر عسل وأنا لا ماوداني شهر عسل
2/ سوا الملكه والشبكه حقتها بيوم واحد وحطها بإستراحه وانواااع الرقص والفله والتصوير وللحين يفرجوني على الصور اللي بيوم شبكتهم وطبعآ انا لاشبكه ولا استراحه ولارقص بيوم الملكه ولاغيره (أحس امه وخواته قايلات له لاتسوي شي)
3/ انا معاملتي مع امه وخواته زينه وطيبه لدرجه ماتتصورون حتى اذا تكلمو في طليقته اسكت وماارد عليهم

بالله وش ناقصني انا ؟؟
الحمدلله جمال وأدب وأخلاق وعلم وكل شي فيني زين بشهادة الجميع
طيب ليش هالتعامل معي لييييييييييييييييييييييش؟؟ وين التقدير والاحترام

كيف أخليهم يحطون لي حساب وقدر ....
اخاف انفعل واتكلم كلام بذيء لأني اذا عصبت ماعاد ادري عن نفسي

يابنات انا على نياتي وحساسه ودمعتي على طرف عيني

تكفون كل وحده تحط نفسها بمكاني وتسااااااااااااعدني وتشور علي
لأني ماراح اسكت لهم أكثر من كذا رااااااح انفجر اذا بقيت ساكته

وترى ماشكيت لكم الا لاني معتبرتكم زي اخواتي الغالياااااااات

[دلع الأحساء]

حبيبتي اول شي ماتقدرين تنسين امه وخواته طلقة زوجك لان خلاص عاشو معها فتره
ثانيا عادي وبكل بساطه تقدرين تقولين لزوجك يكلم امه وخواته انهم مايجبون طاري لطلقته قدامك واذا قالو ليه عادي وبكل بساطه يقول زوجك لامه لانها تتحسس وبس لايجاوب عليهم اكثر

وبخصوص سوو حفله ورقص في شبكة طلقة زوجك قا احس شي طبيعي لان زوجك ماخذك انتي الثانيه

ولأغلب لما يتزوج الرجال زوجة ثانيه سواء كانت الاولى طلقة ولا لا فا مايسون حفله لثانيه بخصوص اهل الزوج

بس لو انتي كنتي تبين عادي جان قلتي لهم ابي حفله وابي كذا وكذا يعني الغلط منك ليش ماقلتي تبين

وبعدين انتي بمهارتك وقدرتك واسلوبك تقدرين تنسنهم طلقة زوجك
كله جلسي مع اهل رجلك وسولفي وياهم وحطيهم رجك الحلو حت لو يغثوك ويتكلمون عن طلق زوجك قدامك طنشي وكله سولفي وضحكي وطلي خواتك رجلك وياك السوق يعني تقربي منهم اكثر وراح ينسونها وراح تاخذي انتي الجو


ومن وجهة نظري اهم مايتذكرونها إلا شايفين الفرق بينك وبينها يمكن اهي راعية طلعات وسوالف فامستناسين عليها وانتي اكيد كتومه


اتمنى فدتك

[سرووءة]

حبيبتي بقلك شي
انت علاقتك مع زوجك ولامع اهله
حياتك وسعادتك مع زوجك صح
وحبيبتي مزال زوجك قلك انا مرتاح
معاكي لاتشيلي هم لو بفكر فيها كان رجعها من يوم طلعت اشاعة انها حامل
صدقيني الزوج مايهمه الا الراحة مع الزوجة
وتركي اهله يصطفلو
بما انك بعيدة عن اهله تجيهم كل فترة كدا احسنلك
لاتزعجي حالك فيهم
هنن يبغو يزعجوكي حسسيهم انك مايهمك وان انتي وزوجك متفاهمين
ولاتنسي ان عندك ولد من زوجك وزوجك مستحيل يتخلى عنك
ياقلبي عيشي حياتك وانبسطي ولاتخلي وساوس الشيطان تعكر عليكي
وانتي صارحتي زوجك وهو فهمك ان مرتاح معك وقلك كل شي تمام
والله يوفك معاه
انت بس ديري بالك عليه لاتنقصي عليه شي وخليه دوم مرتاح منك
وبالتوفيق ياقلبي ^^

[شموخ وكلي طموح]

دلع الاحساء ردك قوي .. شوي شوي علي
بعدين من قالك اني كتومه بالعكس انا احب الطلعات والروحات والجيات بس بحدووووود

سرووءه الله يوفقك ويجزيك خير وينولك اللي في بالك كلامك يرد الروح الله يخليك حبيبتي

بإنتظار تعليق باقي خواتي الباقيات

[بناتي دنيتي]

اهم شي زوجك واهتمي فيه وفي ولدك وفري الراحه لزوجك
واهله اذا رحتي لهم لا تاخذي وتعطي معهم خليك ساكته حتى اذا اتكلموا عن طليقت ولدهم طنشي ولاتبيني ان قاهرك الكلام ولاتقولي لزوجك عن كلامهم فيها وبعدين راح يطفشن ويسكتن لانهم مايتكلمون الاعلشان يقهرووووك
ونصيحه لاي متزوجه لا تتكلم عن اي شي بحياتك لو شي تاهه حتى زوجك لاتجيبي طاريه بأي سالفه ودائما اول سنين حياتك صعبه شوي بعدين ان شاء الله تصير احلى

[يازين الصبر]

اقوووووووووووول ياقلبي انتي تبي السعااااااااااااده والراحه ولا لاااابوهم لاابووو تراب جعلهم يمدحونهاااااااااااااا منا لبكره اهم شي زووووووووووووووووووووجك يحبك وشاريك شوووووفي اسمعي نصيحتي ترى الرجال يحب المره الواثقه انتبهي لاتبينين لزوجك ولا لهم انك غيرانه منها او مهتمه فيها وخصوصا زوجك الا اذ شفتيهم يمدحونها اضحكي وقولي والله يالبيهااا شكلهااا طيووبه وطنشي هذا الي بيذبحهم اسئليني في خوات الزوج وخصوصا الي في القرى شر موب صاحي فهمتي زوجك انسي انك تقولين قالوووو وقالوووو بتخلينه يفكر يرجعها لا حطي امها ماضي وان زوجك لك فهمتي البسي له واكشخي وحفلات ولاجاء انواع الفله والضحك انتي ويااها واهل زوووووووووووجك احترميهم احتراااااام بس انتبهي شخصيتك قوووووووووويه معهم يعني لاتجريئنهم يتدخلون اووو يتعودوون يتكلموووون عندك اذ شفتيهم تكلموووا اضحكي ولاكانك سمعتي شي وقومي روحي ولاكان شي صار اهم بيستحووون من هالحركات بس الله يعينهم مبين انهم راعيات جوااار زي ماقلت لك زوجك خليه يحبك اكثر واكثررر والثقه لاتقااارنين نفسك فيها او تبكين انتبهي

[شموخ وكلي طموح]

بناتي دنيتي الله يجزيك خير ....

يازين الصبر ياملحك انتي وكلامك وربي شلتي عني شي كثييييييييييييييير بس خوفتيني يوم قلتي اسكتي ولاتقولين قالوووو وقالوووو بتخلينه يفكر يرجعها معقوله بيرجعها وهي مشيبه برموشه؟؟ وهو اللي عايفها ومطلقها

انا ماجيب طاريها عنده .. أمه وخوااااااااااااته هن المشكله " احيانآ يتكلمن فيها عنده

آآآآآآآآآآآآآه طيب الى متى اكتم واسكت الى متاااااااااااااااااااااااااا

[**سماسم**]

أهم شيء يالغاليه زوجج وحياتج معه غيره خليج مثل الثلج ..
وإذا أطروها وتكلمو عنها بيرجعها مايقدر لأن مثل ماقلتي عطها ورقتها وبهنا مافيه رجعه ..
خليهم يتكلمون عنها بيدينهم ورجلينهم وعندي أحساس أنه يبان عليج إذا تكلمو عنها ينقلب وجهجج وتبينين ماتبين طاريها وهذا الشيء عاجبهم وهذا هم عرفو إلي يضايقج ومستغلينه ..
على المقارنات إلي حطيتها بسألج هل أستمر حياتها الزوجيه ؟!
يالغاليه هذي كانت حياتها !! والحين هذي حياتج حافظي عليها ..
أهي مصيرها تتزوج وترتاحين
,,

[أريج العطر]

حاااسة فيك

ومالك إلا الصبر والتطنييييش أهم شي زوجك وترى أنا مع كلام يازين الصبر

[شموخ وكلي طموح]

سماسم فديتك ياعمري والله كلامك حلو ويريح الله يخليك لعين ترجيك

اريج العطر تسلمين ياعمري والله يحفظك