أنا محتارة أسوي عملية أو أولد طبيعي ؟؟؟؟

[أطياف الأمل]

بسم الله الرحمن الرحيم
السلام عليكم ورحمة الله وبركاته
كيف حالك إن شاء الله دائما بخير ؟

بنات والله إني حاسه إني مخنوقه...
أولا تعرفون الرجاجيل على الشهر الأخير يمل ويبي زوجته تولد ويريح ,, مايدري إن الزوجة أكثر تعب منه ...
بنات ... أنا محتااااااااااااااارة أسوي عملية أو أولد طبيعي ؟؟؟؟

موعد الولاده بيكون 5/12
لكن الدكتورة قررت لي يوم السبت عملية ع أساس إن الحوض صغير مع إني أشك بكلامها ..لآني مره قلت لها الكلى توجعني قالت الحوض صغير وضاغط على الجنين من غير أشعه ولا فحص
وبنفس الوقت خايفه يتضرر الجنين .. لو أصبر
والدكتور يقول وزن الجنين زين وإن شاء الله كل شئ بيكون طبيعي ..
والله مافي أحد أستشيره وأفضفض له وأبو الشباب معصب ومل ولا أحب أتكلم معه بموضوعي وهو نفسيته كذا ماعندي أستعداد أتحمل ....

[n70]

حبيبتي روحي اكشفي واسالي في مكان ثاني .. عشان تتاكدين

[شوق الحب]

ياااقلبي رؤحي مستشفى ثانيه اكشفي

مو ع كيفها الدكتره تقررر

ربي يسهلك

[ملكة المشاعر]

لافضل تتأكدي

لاتلعبي في نفسك ..

الله يقومك بي السلامه ..

[جالكسي و الدنيا عكسي]

حبيبتي مو من دكتورة وحدة تقررين تعملي عملية روحي لوحدة و2 و3
ما شاء الله صديقتي مرة ضعيفة وحوضها اضعف..!!
ما تشوفين لحم كلا عظم..!!
والحمد لله كل ولادتها طبيعي بس الدكاترة خوفوها على الفاضي ايام حملها بالعملية ..
وحاولي تجلسين مع زوجك وتتكلمين معه وتفهمينة انك لو ولدتي طبيعي افضل وانها ان شاء الله كم اسبوع وتهون ...واللي صبرة التسع شهور يصبره كم اسبوع ..
الله يسهلك ولادتك وتولدين طبيعي ..

[توحة]

مادخلت الا عشان دعوتك والا الحمال والولاده والله ماجربها الله يكرمني واجربها على خييير

وربي يقومك بالسلامه

بس اذا ودك تتطمنين روحي لدكتورة ثانيه واذا نفس الكلام مالك غير تتوكلي على ربك وتسوينها

[عاشقها زوجها]

يا حبيبتي ..

انا لما كنت حامل وفي اخر شهر ..
كنت حاسه ما بولد طبيعي احساس من ربي ..
ولما شافني الدكتور بالشهر الثامن
قالي حجم النونو سليم بس كبير عليك ..
والمهم
جا يوم ولادتي وما ولدت
حدد لي يوم ونومووني عشان بيحطون طلق صناعي
رحت وحطوا لطلق توهم حاطين المغذي
وطلق وتعب ..
وبالنهايه بغيت اموت وحولوني العمليات
ولما ولدت عمليه
جاني الدكتور وقالي
حنا اسفين توقعنا انك تولدي قيصريه بس سامحينا .ماقلنا لك ..
شفتي كيف تعذبت طلق والم وفوقها عمليه ..


للمعلوميه الطلق كل بنت تتحمله بس انا كان وظعي مختلف ,. بالنسبه لحجم الحوض وضيق الرحم وكذا وحجم النونو

يعني لا تخافين كل شي سهل ..

يعني يا حبيبتي لا تهملين نفسك ..
روحي دكتوره و2 3 و4 وشوفي ايش ولادتك
لا تخلينهم يلعبون فيك ..

[ام التوأم ان شاء الله]

ربي يفرجها عليك وييسر امرك
راجعي دكتور ثاني

[شموخي غير..]

روحي تأكدي من مستشفى ثاني معروف اختي
ومن ناحيه ابوالشباب كلهم كذا عادي لاتفكرين اهم شيء صحتك لانهم يتعبوا معنا في المستشفيات
يبونا نولد ويرتاحو من المشاوير ان شاء الله تولدي با السلامه

[jorri sham]

صبري زوجك وقليلوو كل شي بوقتو حلو ..
وازا الدكتورة قالتلك لآني مره قلت لها الكلى توجعني قالت الحوض صغير وضاغط على الجنين من غير أشعه ولا فحص (قالتلك هيك لانها خبرة تاكدي حبيبتي )
وشافتك على السونار وقالت انو حوضك صغير وولادة قيصرية فمعناها صح كلاما ..
لانو اجتك مشكلة من قبل وسببها حوضك الصغير ..

وكل شي كاتبو الله بيصير توكلي على الله وعملي عملية لمهم يجي طفلك بخير ومعافى ..

الله يووفقك يارب