اتيكيت تغيير حفاضات الأطفال في الأماكن العامة.....بالصورر

أم مهند *حبيبى* · 01-05-2013, 11:44 PM

اولا لما تكوني في مول و عايزة تغيري للبيبي اختاري الغرفة المخصصة لتغيير ملابس الأطفال
و ديه الsign بتاع غرفة التغيير

• – اعتقد ان الغرفة ديه مش موجودة منها في مصر لان اصلا مافيش مولات يبقي هيكون فيه غرف للأطفال ههههههههه-
بس بردو مصر حبييبتى

اول ما تدخلي الغرفة ديه اقفلي الباب عليك لانها مخصصة لطفل واحد و ده حقك مش قلة ذوق
و لو واحدة حبيت تدخل معاكي ممكن بمنتهي الذوق تقولي

• ثواني ياحبيبتي هأخلص بسرعة و أخرج
• مش عايزة اقرفك معايا اصل البيبي عامل بي بي يععععععععععع

• و لو مش موجود غرفة مخصصة علي الأقل بيكون فيه زي الحاجز ده مثبت في الحيطة زي الصورة ديه

• طيب مافيش غرفة مخصصة و لا حاجز مثبت
يبقي تغيري علي رخامة الحوض (بس لازم تحطي mat تحت الطفل و هأشرحلك بالصور)

عشان تغيري للبيبي لازم يكون معاك ( حفاضات – wipes مناديل مبللة – mat عشان تحطيه تحت البيبي )

مهم جدا الmat ده لانك ممكن ساعات تلاقي آثار مش نطيفة علي المكان اللي هتغيري عليه و كمان عشان الجراثيم و البكتريا
بصوا للصور ديه

بتغيري للطفل الحفاض و ترميه في الbasket و تمسحي للبيبي بالwipes

طيب لو كان الطفل عامل حمام(caca) و عايزة تغسليله بالمية و الصابون
بصي بقي لان النقطة ديه مهمة
لو انتي لوحدك في التواليت أو في غرفة التغيير عادي اشطفيه بالمية و الصابون علي الحوض
لكن لو معاك ناس بلاش – شكلها مش حلو- و في الحالة ديه ممكن تمسحي بالwipes و تحطي بودرة و لما ترجعي البيت اعملي اللي نفسك فيه

مهم جدااااااااااااااااااااااا قبل ما ترمي الحفاض لازم تقفليه – مش لازم نعرف ابنك كان عامل حمام نوعه ايه -
موضوع قفل الخفاض مهم جدا
• لانه بيكتم الريحة – حتي في البيت اقفليه و عمرك ما هتشتمي ريحة مش حلوة –
• لانه بيقطع الطريق علي الحشرات انها تتواجد علي الحفاض

بعد ما خلصتي ياريت تسيبي مكانك نطيف
و اي حاجة ترميها علي الbasket علي طول
و الله يابنات ساعات افتح الحاجز ده الاقي بامبرز و كلينكس و آآآثار بي بي – منتهي القرف-

آآآآآآآآآآآآآآآآخر حاجة و أهممممممممممممممم حاجة
لما تدخلي الtoilet ياريت يكون برجلك الشمال
و تقولي : ( بسم الله ، أعوذ بالله من الخبث والخبائث )
وتخرجي برجلك اليمين
و تقولي: ( غفرانك )
عشان نحصن انفسنا و اطفالنا

أم مهند *حبيبى* · 01-06-2013, 12:30 AM

انا مش عارفه انزل الصور

:::..خجل..::: · 01-06-2013, 07:40 AM

ماشاءالله موضوعك رائععععع أشكرك حبيبتي
بس مش لازم تبان الصور الشرح واضح
والله الحمدلله انا أعمل كذا دايم في بيتي وخارج بيتي
شكرا حبيتي

عهود الحربي · 01-08-2013, 02:10 AM

الله يعطييك العافيييه موضوع حلو

اشتياق · 01-12-2013, 02:50 AM

مشكوره عـ الافاده حبوبه

ام ريتان · 01-13-2013, 12:47 AM

تسلمين ماقصرتي موضوع مهم خصوصا للبكريااااات...

أم مهند *حبيبى* · 01-13-2013, 06:01 AM

اقتباس:

المشاركة الأصلية كتبت بواسطة اشتياق

مشكوره عـ الافاده حبوبه

اقتباس:

المشاركة الأصلية كتبت بواسطة :::..خجل..:::

ماشاءالله موضوعك رائععععع أشكرك حبيبتي
بس مش لازم تبان الصور الشرح واضح
والله الحمدلله انا أعمل كذا دايم في بيتي وخارج بيتي
شكرا حبيتي

اقتباس:

المشاركة الأصلية كتبت بواسطة ام ريتان

تسلمين ماقصرتي موضوع مهم خصوصا للبكريااااات...

شكرا ليكوا كلكم ونورتوا موشوعى واسعتونى بردزدكم يارب اكون افدتكم وبرضوا زعلانه عشان الصور اللى معرفتش انزلها

مهره الدنيا · 01-13-2013, 03:41 PM

يعطيكي الف عافيه حبيبتي ع الموضوع

ويسلموووووووو ع روحك الحلوه

وأحلى تقييم لخفة دمك

فدييييييتك والله وفديت مصر

um yuseef · 01-13-2013, 10:16 PM

ههههههههه يارب يسعدك على أسلوب يجنن

مشكوره حبيبتي

شمس الشموس · 01-14-2013, 12:08 AM

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اتيكيت الأماكن العامة ، اتيكيت الهدايا ، اتيكيت تقديم الهدايا	اميرة الاتيكيت	قسم التغذية	0	08-21-2012 02:36 PM
اتيكيت الجلوس فى الاماكن العامة ، تعليم اتيكيت الجلوس فى الاماكن العامة ، دروس اتيكيت	اميرة الاتيكيت	قسم التغذية	0	08-15-2012 06:37 PM
اتيكيت وضع الميك اب ، اتيكيت وضع الميك اب فى الاماكن العامة ، اتيكيت الميك اب	اميرة الاتيكيت	قسم التغذية	0	08-15-2012 03:59 PM
الأطفال وجراثيم الصيف في الأماكن العامة	o فرح عمريo	استفسارات رعاية الأطفال	0	07-09-2012 07:52 PM
أكثر الأماكن العامة حملا للجراثيم وخطرا على صحتك	zo0on	المنتدى الطبي الــعــام	5	06-27-2012 09:45 PM