الدكتوره تبي تنزل البيبي

[ام ودياان]

السلام عليكم ورحمة الله وبركاته

حبيباتي
اتمني من الله ان يرزقكم الحمل السليم والمعافه والذريه الصالحه وان يقر اعينكن
ويرزق كل واحده الذريه لمن لم يحالفهم الحظ

مشكلتي مع الدكتوره

اني سويت تحيل بعد مدة الدوره بيومين وطلع ايجابي
وللتاكد قامت الدكتوره بعمل تحليل هرموني
يعني بعد الدوره 3 ايام وطلع 200 كان التاريخ 26 شهر 11
وسويت اخر بعد 48 ساعه وطلع 800 تاريخ 28 شهر 11
قالو لي ان الحمل توه اسبوع او اسبوعين
وسولي اشعه مهبلي وبطني مابان اي كيس او جنين وقالو لسه
طلبت اني ارجع اسوي تحليل هرمون بعد 3 ايام وسويت يوم السبت 2 شهر 1
وطلع 9956
رجعت طلبت امس تحليل يعني بعد 24 ساعه وطلع 13500
انا مصدومه والدكتوره مصدومه لانها تقول الهرمون بيرتفع بدرجه غريبه وسريعه وسوت لي اشعه اخيرا ظهر الكيس وسوت اشعه للمبيض وقناة فالوب مافي اي شي خارجي احس حملي ماشي تمام
بس الهرمون يخوف بنسبه الارتفاع
وسئلت دكتور ثاني قال ممكن حمل توام ومافي شي يخوف دام ظهر الكيس
بس الدكتوره تقول يمكن حمل خارج الرحم
طيب كيف وظهر الكيس
افيدوني تكفون سالتكم بالله وريحوني
اللي لها مثل تجربتي

استشرت دكتور ثاني قال الهرمون يرتفع بحالتين

[أم عائشة]

ماعندي علم والله
بس ماشاءالله الهرمون يرتفع وشافت الكيس فوين المشكلة؟؟؟

اختي غيري الدكتورة وربي يطمن قلبج

[ام عمر ..]

اختي احذري تتعبثين بنفسك توكلي على ربك وبعد شهر سوي سونار وراح يبان كل شي بالعكس ماشاء الله شكله حمل سليم

[ام ودياان]

مشكورين حبيباتي انا شفت الكيس داخل الرحم يعني تنصحوني اغير الدكتوره

[فاقده الغالي]

لاتستعجلين توك في البدايه
دام ماتحسين بشي غريب غير الهرمون
انتظري لاتتسرعين وراجعي دكتوره ثانيه
ولا تذكرين اللي حصلك
وان شاء الله تتطمنين

[أم سلسبيل]

حبيبتى انتظرى شوى

انتى لسه بالبدايه

انتى حتى يوضح الكيس وما بداخله

وانصحك تغيرى الدكتورة

وانا احس انك حامل بتؤم الله يرزقك شوفتهم معافيين سليمين يارب

ويطمن قلبك وتطمنينا

[أم سلسبيل]

معذره

للتصحيح فقط

قلت انتظرى انتى لسه بالبدايه

[ام ودياان]

الله يطمن بالكم ويرزقكم اللي تتمنوه طمنتوني الله يطمن قلوبكم

بأنتظار تجارب ونصائح الاخرين

[وهج الغلآ]

لاتستعجلين واذا لزم الامرغيري الدكتوره وتوكلي على الله
الله يكمل لك حملك على خير وتشوفيه بين يديك سليم ومعافى

[ام ودياان]

بارب يابنات ادعولي الله يخليكم وانا مؤمنه بالله ان كان لي فيه نصيب راح يتم واذا مالي الله يعوضني