محتاره بين الولاده الطبيعيه والقيصريه

[دلوعه حامل]

[align=center]

بسم الله
انا اول مشاركه لي معاكم بس من اول اتابع منتداكم بصراحه روووع
\
فكرت انضم لكم لاني بكريه وفي اول المشوار

المهم

زوجي جنني
تخيلوا من اول حملي يقول حطي في بالك رح تولدين طبيعي وانسي القيصيري عشان تهيئين نفسك من ذا الكلام
وانا ماكنت معترضه عادي مع اني طول الفتره عايشه على اعصابي كيف رح تكون التجربه وكيف وكيف تعرفون الوسوسه عاااد


المهم انا توني داخله التاسع قد لي كم يوم

جا وقال انا غيرت رائي ابيك تولدين قيصري
عشان انا حنيت عليك وما ابغاك تتعبين
وعشان انه صاحبي يقول احسن الولاده الاولى تكون قيصري
وعشان انه مانكون عايشين بقلق لانه اذا كان قيصيري رح تحدد لك الدكتوره موعد

اولا مو مصدقته انه هذا السبب
وثانيا مو عارفه اوافقه واندم ولا ارفض واولد طبيعي ويكون هو مايبي طبيعي عشان المهبل يبقى زي ماهو واكون برفضي خربت عليه

مشكلته مو راضي يعطني اللي في نفسه او انا مو راضيه اصدقه ؟؟

مررررررررررررررررررره محتاره


وش رايكم

ابي رايكم الي مجربين القيصري والطبيعي
وش افضل للبكريه ؟

وش اقول لزوجي ؟

الله ينول كل وحده ترد علي اللي في خاطرها[/align][COLOR="Red"][/COLOR]

[مجنونة بحبها]

حبيبتي اكيد الطبيعي افضل

انا ولدت بنوتي قيصري بس كان غصب عني

لان ماصار عندي توسع انتي حاولي تولدي طبيعي

واطلبي خياطه تجميليه وزوجج قوليله بطنك يخرب ههههههههه

حتى تقنعي وترى الامر بيد رب العالمين شوفي شكاتب لك

طبيعي لو قيصري بس لاتتسرعي وان شاء الله ولاده سهله ميسررره

[دلوعه حامل]

الله يسعدك يارب

[نوره عثامنه]

حبيبتي انا بعرف انو الولاده الطبيعيه احسن بكتير من القيصيريه وهاد كله حسب وضعك انتي ولي بتحكيلك يا دكتوره وتوكلي على الله ولاده ميسره انشالله.............

[أم رزاان]

انتبهي تولدي قيصري اول طفل طالما أنت قادرة على الطبيعي !!
ترى كل الولادات الجاية بتكون قيصري لو ولدتي الآن قيصري !!

ومن قال أن الطبيعي بيوسع المنطقة !!!
كل شيء بيرجع لطبيعتة بعد الولادة هذة عضلة بترجع زي ماكانت
وياما فية حريم خربانين وهما لا ولدوا ولا انجبوا !!!

انتبهي تجازفي بنفسك وبطفلك وبمستقبلك كأم وتوافقيهم !
الولادة الطبيعية افضل لك بكثير من القيصري اللي مليااانة بلاوي التصاقات
والتهابات والم وبلاااي مايعلم فيها إلا الله

بنت اخوووي ولدت قيصري بإلحاح منها
ورفض الحكومي يعملها لها لأنو ماعندها مشكلة
وراحت خاص " للمواسأة " وولدت قيصري

والآن بنتها عمرها 5 سنوات وإلى الآن ماحملت
عندها التصاقات من العملية السابقة وإنسداد في الأنابيب !!

خوذي العبرة من غيرك قبل لا تصيري عبرة انت لهم !!

[na3ooma]

كلام ام رزان صحيح مية بالمية وخاصة عن الالتصاقات بالانابيب ..

لاتنسي اولا واخيرا القيصري عملية وجراحه وبنج وخياطة , وتعب القيصري اكبر من تعب الطبيعي فترة النفاس .

الطبيعي افضل بكثير وتعبه يروح بمجرد نزول البيبي
وغلطان اللي يقول الولادة الاولى لازم قيصرية ,لانه ممكن لاقدر الله تضطري لولادات قيصرية بعد الاولى

ثم الكل يولد طبيعي والمهبل زي ما بيتوسع بيرجع زي ماكان , وممكن تسوي خياطة تجميلية بوقتها اذا اتوسع بزياده

واذا ماتبغي تتعبي بالطبيعي خذي ابرة الظهر ..

وصدقيني كل اللي يولدوا قيصري بيولدوا بسبب طبي زي وضعية الجنين او عدم ملائمة الحوض لرأس الجنين او اسباب مرضية ,, او حالة طارئة وقت الولادة

وهذا مقال عن مضاعفات القيصرية :

" مضاعفـات الولادة القيصريـة "

*مضاعفات العملية القيصرية هي أكثر بعشر مرات من الولادة الطبيعية

_ وهنا أود أن أذكر بأن العمليات القيصرية لم تخفض من نسبة أمراض ووفيات المواليد

_ فالعملية القيصرية شكل رئيسي من أشكال جراحة المعدة

وتحمل معها خطر النزيف الحاد والالتهاب

وعودة الأم إلى المستشفى مرة ثانية وتجلط الدم.

ويمكن لهذه العملية أن تترك الأم تعاني من الوجع لعدة أسابيع

لدرجة أنها لا تتمكن من رفع طفلها الحديث الولادة."

_ كما أن تعدد العمليات القيصرية له مضاعفاته وسلبياته بالنسبة للأم

مثل الالتصاقات والاحتقان في الحوض والذي يسبب آلاماً مزمنة

وقد تسبب انسداد الأنابيب (قناة فالوب) وبالتالي عدم الإنجاب

_النزيف الدموي وما يترتب عليه من أضرار، والالتهابات، ومشاكل

الأمعاء التي ينتج عنها انتفاخ بطن المريض.

_ وفي حين تتطلب عملية الولادة الطبيعية البقاء في المستشفى

لمدة يومين وأسبوعا للتعافي فإن العملية القيصرية تتطلب

البقاء في المستشفى لأربعة أيام وأسبوعين للتعافي

انا ما ابغى اخوفك , لكن علشان نحس في اخواتنا اللي يضطروا يعملوا عملية قيصرية غصبا عنهم لانه ولادتهم الطبيعيه متعذرة ..ربي يساعدهم ويرفع عنهم تعبهم..

وربنا يسهل ولادتك ويختار لك اللي فيه الخير

[مجنونة بحبها]

صحيح كلام ام رازان انا الحين عمر بنتي سنتين وماعندي حمل

وقبل ايام عملت اشعه ملونه لانه صارعندي انسداد بالانابيب

ان شاء الله ولاده سهله يااااااااااااارب

[حجــآزيــۃ]

لا قيصري لا واصلا مو هو اللي يحددلك الولاده اذا الجنين نزل للحوض ولادتك بتكون طبيعه باذن الله انتي امشي كثير عشان يساعد البيبي في النزول

والله القيصري الم وتعب وراح تحرمي نفسك من ولدك وماتقدري تشيله الاسابيع الاولى هذا غير الالم والحكه اللي تجي مكان الخياطه

الطبيعي اذا ولدتي اطلبي قبل ولادتك من الطبيبيه تسويلك خياطه تجميليه ( داخليه ) ومع الاكل الكويس والمشي والتمارين بعد الولاده بترجعي زي اول واحسن

موفقه

[عسولة مكه]

حبيبتي الاخوات ماقصرو الطبيعي افضل شي
والله اخت زوجي ولادتها كلها قيصري مسكينه تتعب تعب
الله يقومك بالسلامه

[أم ح ــنونـہ]

شوفي حبيبتي
انا ولدت طبيعي وزوجة اخوي قيصري
وقارنت بينا والله انا الحمد لله ما حسيت بتعب بعد الولاده الا مكان الخياطه طبعا بس مع الاهتمام والراحه الحمد لله اسبوعين الا وانا امشي عادي وزي الحصان ما شاء الله
ولا صار لي توسع في المنطقه والحمد لله
زوجة اخوي بعد الولاده تعذبت مرررررررهـ
وطول الوقت تبكي من الم الجرح ومو عارفه تمسك بنتها
طول الوقت البنت مع اختها او مع امي لأن امها في بلد تاني
والله حزنت عليها كتير وطول الوقت تتمنى انها ماولدت قيصرري
طبعا هيا ما قدرت تولد طبيعي لأن حوضها مره صغيييييير

المهم خلاصة الكلام الطبيعي احسن والله يا قلبي
وترا الدكتوره هيا اللي تحدد لك اذا وضعك ما يسمح تولدي طبيعي بتخليكي تولدي قيصري
والله يتمم لك على خير وتولدي بالسلامه