محتاره مو عارفه موعد ولادتي ومشكلة تحجرالبطن والضغط لأسفل!

[رحمة2011]

السلام عليكم ورحمة الله وبركاته

كيفكم خواتي ان شاء الله تكونو بخير يارب

انا مشكلتي ضروري اعرف موعد ولادتي لانه مترتبه عليها اشياء كثير ..
مابطول عليكم بالتفاصيل

اخر دوره كانت 27/7/1432 هـ
يعني المفروض ولادتي 12 جمادى الأول
بس الدكتوره تقول بالسونار ولادتي 20 ربيع الثاني لين اقصى شي 28ربيع الثاني؟؟؟؟؟

الحين اي حسبه الي تضبط الدوره والا السونار؟


المشكله ان الدكتوره مابتعطيني اجازه من دوامي الا اخر 3 اسابيع طيب اذا خلصو ال3 اسابيع وماولدت على حسبتها (حسبة السونار) ويش اسوي ارجع ادوام وانا قربت اولد؟؟؟؟

وهذا للعلم حملي الثالث

وعندي مشكلة ثانيه ياليت تفيدوني الي عندهم خبره الله يسهل عليكم؟
انا الحين مدري بالسابع والا الثامن وعندي تحجر بالبطن متتابع اذا جا يكون ورا بعض ويألم ظهري وأسفل البطن حتى النفس احس بيوقف !

واحيان يجيني الم على الجنب اليمين واحيانا اليسار من تحت كنه يشبه الم الدوره او التبويض!
مدري هالأعراض طبيعيه او لا؟


والمشكله الثالثه
الله يكرمكم التبول احس احيان ادخل الحمام توني طالعه من الباب والا احس ابي ادخل مره ثانيه ؟ واحيانا خمس دقايق واحس اني ابي ادخل ؟
وضغط الجنين صاير كله على تحت بزياده يألم حتى احيان والله اخاف يطلع الجنين من تحت من كثر الضغط ؟
وحركة الجنين غريبه احيان احسها تألم البطن خاصه اذاكنت امشي كنه البطن كله قاعد يرقص؟

احس هالاعراض ماصارت لي بحملي الاول والثاني جديده علي او يمكن نسيت من قبل خمس سنين ؟؟؟؟ اتمنى تفيدوني اذا هالاعراض طبيعيه او لا؟ وش تدل عليه؟

والله يسهل عليها ويوفقها الي تفيدني او حتى ترفع موضوعي
وبالتوفيق للجميع يارب....

[شهرزاااد]

هلا حبيبتي
بالنسبة لسؤالك الاول موعد الولادة يكون بتاريخ الدورة اصح من السونار واتوقع اقرب موعد لولادتك 4/5 والله اعلم بس ما اظن انه كلام الدكتورة صحيح
والحين انتي اول الثامن والتحجر والالام تكون طبيعية اذا كانت محتملة بس اذا زادت روحي المستشفى افضل واذا قدرتي غيري هذي الدكتورة لأنه باين انها موفاهمة

[bnbona]

الله ييسرلك ويسهلك *_*

[همة]

أختي حساب الدورة هو الأصح
وبالنسبة للأعراض أنا بديت هالشهر أحس معظمها وأنا الحين ف نهاية التاسع
فأنا رأيي مثل ماقالت أختما تروحي لدكتورة ثانية
والله يتمم حملك ع خير ويسهل ولادتك ان شاء الله
آمين

[ياشمس عمري]

الله يسهلك .

[رحمة2011]

تسلمو حبيباتي على الإفاده الله يجزاكم الف خير ويسهل عليكم الحمل والولاده ياااارب
ويرزق الي ماحملت قريبا عاجلا ياااارب
يعني الأغلب هو حسبة الدوره الي تضبط؟
راح احاول اغير الدكتوره مثل مانصحتوني وان شاء الله تفيدني

[أميره الورد]

مثلي قد مارحت مستشفيات ودكتورات ماسالتهم متى موعد ولادتي
الله يسهلها علييك انششاءالله
ويرزقك بالذريه الصالحه المعافاه ..

[ألماس]

خوذي حسبه الدوره ِِِ والاعراض انا احس فيها وانا بكريه وفي اخر اسبوع من الثامن ِِِ

[دموع الغرام]

انا جاتني الدوره في 21_7 يعني قبلك بكم يوم ومقررين لي المستشفى اني اولد في 6_5 هذا اقصى حد لي يعني ماظن كلام دكتورتك صح الصح هو موعد دورتك

[رحمة2011]

تسلمو لي حبيباتي على الافاده والردود الله يوفقكم ويسهل عليكم جميعا يااااارب

اختي الغاليه
دموع الغرام
تسلميلي حبيبتي على الرد الله يجزاك الف خير قلبو
يعني انا بعدك ب 6 ايام يعني 12 جمادى الأول وهذه فعلا حسبة الدوره لما رحت اول مره للدكتوره في بداية حملي قالت لي ولادتي في هذا التاريخ
بس بعده بكم شهر كل مارحت قامت تقدم لي موعد الولاده تقول على السونار
بس انا اتوقع مثل ماقلتو لي حسبة الدوره اضبط