الحمد لله على كل حال

[غيمه]

السلام عليكم
الحمدلله اليوم نزلت الدوره بعد كورسين من المنشطات والتفجيريه والحين الدكتوره بتسولي صبغه وانا خايفه
وبعد عند استفسار الكلوميد والصبغه تجي مع بعض ولا اوقف الكلوميد حتى اسوي الصبغه
ابغى تجاربكم ودعواتكم لي لاتبخلو علي يعلم الله ان اعتبركم مثل اخواتي وادعو لكل وحده فيكم
يارب ارزقنا بالذريه الصالحه السليمه

[ليلى الحلوه]

بصراحه ما أعرف بس حبيت أدعيلج بالحمل السليم عاجلا غير آجل...

[ام رائـد]

الصبغة ممتازة ان قصدك عن صورة الاشعة طبعا
لانى عملتها وحملت بنفس الشهر
اما عن الكلوميد ما بظن يأثر على الصبغة

[كان حلم]

الله يرزقج بالحمل ويتممهه عليج بالسلامه

[ام محمد قطر]

الله يرزقج حبيبتي الحمل السليم المعافى

[بنت من البنات]

والله ما اعرف شي

[امل في الله]

اعتقد توقفي الكلوميد
واعذرني اختي كان الاولي تبتدئ بالاشعه الاول علشان تتاكدي ان الرحم سليم والقنوات سليمه قبل ما تستنزفي رحمك وبويضاتك وتدخلي هرمونات غريبه لجسمك
حرااام الي عملته دكتورتك
نصيحه لله
غيري دكتورتك وشوفي واحده تاني تحافظ عليكي وانتي بتابعي معاها
وربنا يوسع عليكي ويرزقك وكله بامر الله

[غيمه]

شكرا لكم ياخواتي كلامتكم ودعواتكم ادخلت على قلبي الفرح ودمعت عيني من ردودكم الله يسعدكم دنيا واخره
احبكم في الله

[احب دادو]

لازم توقفين الكلوميد لان الصبغه راح تدخل بالرحم والانابيب هذا كلام الدكتوره لي بظبط وانا مثلك باقي 4 ايام لدورتي واذا نزلت ابسوي الصبغه هذا الشهر
لاتنسين وقفي الكلوميد مايصلح مع الصبغه لانو صارلي شهرين على الكلوميد وماقد صار حمل وعندي امل هذا الشهر لاكن اذا ربي قدر ونزلت الله يعيني على الصبغه
الله يسعدك طمنيني عليك وقوليلي وش سويتي بالتفصيل لاني خايفه موووووووووووووت من الصبغه لو ارسلتي على الخاص.........................

[غيمه]

من عيوني يااحب دادو رح اقولك كل شي على الخاص وباذن الله ماتحتاجين الصبغه وتطلعي حامل بالولد الصالح امين يارب