تجربتي مع الحمل بعد عملية تحويل مسار الامعاء 00حياكم

[~*جْ ــوَلىْ*~]

بسم الله الرحمن الرحيم

السلام عليكم ورحمة الله وبركاته

اولا احب ابلغكم ان قصتي سبق ونشرتها في منتدى آخر خاص بعمليات البدانة بإسم مختلف

بس حبيت انقل لكم تجربتي عشان تستفيدون منها

واي استفسار انا حاضرة



راح ابدى من البداية

طبعا انا كنت اعاني من البدانة ومشاكلها

آلآم الظهر والقدمين الام لاتحتمل وآخر شي سببت لي تلأخر في الحمل

والحمدلله ربي يسر لي وسويت عملية تحويل مسار الامعاء

ماشاء الله نزلت 47 كيلو في سنة مريت فيها بأصعب المواقف

بس وصلت تقريبآ للوزن المثالي والحمدلله

في موعدي مع الدكتور محد الزبن بعد ماكملت سنه من التحوير وبعد ماسويت

تحاليل شاملة

تأكدت الحمدلله ان وضعي الصحي جيد وسمحلي بالحمل

بس كتبلي ابره بي 12 كل 3 شهور

وملتي فيتامين

وفيتامين د

وبعدها ربي كتبلي وحملت

طبعا بداية الحمل كانت مجرد دوخة والغثيان متعوده عليه من بعد التحوير

بس طبعآ صار مضاعف

وشكيت اني حامل وخاصه وجود بعض العلامات صارت لي بحملي الأول

وهي الم اسفل البطن وفي الصدر

سويت اختبار منزلي وماطلع واضح وانتظرت يومين ورحت سويت تحليل

وطلعت النتيجة ايجابة الحمدلله

الشهر الاول♥♥

دوخة اول ماأصحى من النوم غثيان بعد الاكل

زغلله في العين

الشهر الثاني♥♥
زاد التعب غثيان متواصل استفراغ

ودوووووووخة وتجيني اوقات اشوف كل شي اصفر

وهذا اللي خلاني ما ادخل المنتدى كثير
ضعف عام ومافيني طاقة اتعب بسرعة وادوخ لو وقفت اكثر من خمسة دقايق

وجاء رمضان
اول يوم صمت ومن بعد صلاة العصر زادت علي الدوخة وقلت اكيد من الصيام

وزادت اكثر واحس رجليني ماتشيلني

وطلعت من المطبخ وانسدحت لين الفطور وبعد الفطور حسيت بتحسن

ورحت عند اهلي وهناك تعبت مرة برودة في الاطراف ودوخة وخفقان وزغللة
رحت اسعاف وووو ؟؟؟
تعبت شوي واكمل

قصتي مع الاسعاف في اول ايام رمضان وزيارتي لطببية النساء

انتظروني

[لوووورا]

ياعمري لي دخول الى متصحفك والحمد الله على سلامتك والله ياجرك على تعبك

[~*جْ ــوَلىْ*~]

لورا

الله يسلمك غاليتي

ايلاف -زهرة البنفسج

نورتوا موضوعي

[ايلاف]

ينقل غاليتي الى قسم علاج العقم وتأخر الحمل للفائدة أكبر

[زهرة البنفسج]

كملي ياقلبي

[~*جْ ــوَلىْ*~]

بــــــــــــــــــآك
نرجع للقصة
رحت للإسعاف وصار عندي نقص سوائل وهبوط في الضغط
ويوم درى الدكتور اني مسوية باي باس اللي هي عملية تحويل مسار

قالي متى وكيف حامل لازم سنتين

قلت لا عادي الدكتور سمحلي وقالي كل شي طبيعي

المهم قالي لازم تاكلي كويس وطول الوقت سوائل وقالي بكره لاتصومين
عشان تعوضين النقص
وحطولي مغذي وبعدين رجعت للبيت ,,,
من بكره وضعي احسن عشان ماصمت بس غثيااااااااااااان ودوخة

ثالث يوم صمت وبعد العصر رجعتلي نفس الاعراض

بس زيادة الم ونغز في اعلى البطن جهة اليمين وانتفاخ

ورحت اسعاف والحمدلله كان فيه نفس الدكتور

وبصراحة ماقصر سوى لي تحليل سكر وضغط

وتخطيط للقلب عشان يشوف وش مشكله النغزات

ويوم شاف القلب سليم قال يمكن المرارة او الكبد

انا هنا خفت
وقالي بكرة الصباح تجين صايمة نسويلك اشعة صوتيه للبطن

والساعة تسعة طلعت من البيت ورحت للمستشفى والدوخة الله لايوريكم
وبصراحة يوم دروا اني حامل دخلوني على طول

وجت الدكتورة وسوتها لي وقالت ارجعي للطوارئ عشان النتيجة

وروحي خذي موعد للباطنية

وطلعت ورحت للطوارئ وقالوا النتيجة بتاخذ وقت روحي للبيت واتصلي

طلعت مع زوجي من الطوارئ ورحنا مبنى العيادات

وهنا زاد علي التعب وماعاد اشوف زين وتماسكت قلت الحين اروح البيت وارتاح
الا ماش وانا امشي الا ,,,,,؟؟؟

دروووب طحت بس الحمدلله ماطولت وماقصروا الممرضات موية وعصير وشكولاتة

وقالوا شكل السكر نازل

المهم رحت للبيت ونمت ويوم صحيت اتصلت على المستشفى

وسألت عن النتيجة وقالي الحمدلله ماعندك مشكلة في المرارة

بس عندك دهون على الكبد

بصراحة ضاق صدري اخاف من امراض الكبد

بس الدكتورة طمنتني وقالت هذي عندك من زمان ايام السمنة وكل العالم عندهم دهون يعني طبيعي

والحمد لله على كل حال


نجي للأخبار الحلوة

رحت وسجلت في مركز الحبيب برنامج متابعة الحمل بعد ما احترت

بس قلت شي تعرفه ولا شي ماتعرفة

وخاصة اني متابعه معاهم يوم حملي الاول

بس عيبهم الزحمة ملل

دخلت عند دكتورتي وطلبت مني اسوي اشعة صوتية عشان نشوف النبض

والحمد لله فيه نبض ووضع الجنين طبيعي

بس وكتبت لي تحاليل بعد السحور بروح اسويها
وادوية
ملتي فيتامين
وفوليك اسيد

وعطتني موعد بعدشهر

للحديث بقية
عن الشهر الثالث والرابع

[زهرة البنفسج]

احنا متابعين

[سولآف]

متابعين يالغلا

[قمراي20]

ماشاء الله الله يرزقك الطفل السليم المعافى....

[ملكة نفسها]

وينك كمممممممممممممملي تكفييييييييييييين