اول مره اشارك .... افيدوني ارجوكم

[SHINY STAR ALEX]

بسم الله الرحمن الرحيم
ده اول موضوع ليا هنا انا مشتركة جديد ولكني كنت علي طول زائره وبستفيد من المنتدي
مبدئياً انا باذن الله يوم 1-7 حكمل 10 شهور جواز الحمدلله ... اول 3 شهور استخدمت مانع حمل جينيرا لاسباب معينه وبتعليمات من الدكتور مش من نفسي ، والحمدلله طول عمري والبيريود منتظمه حتي اثناء استخدام المانع ... ويعد ما عدو ال3 شهور انتظرت الحمل وماجاش ، رحت للدكتوره وكشفت عليا وقالتلي اني كويسه الحمدلله ولمده شهرين ادتني منشط بسيط اوي وبسببه الشهر اللي فات كان عندي كذا بويضه ومحصلش حمل الحمدلله علي كل حال، واخذت عينه مني بعد الجماع و جوزي عمل تحليل وهو تمام الحمدلله ،وقالتلنا ان انا وجوزي سليمين ومش حتدينا اي دوا ، الشهر اللي فات رغم ان كان في كذا بويضه لما البيريود جت نزلت خفيفه مووووووووووووووت وفاتحه ولمده يومين وانا في العاده بتجيلي من 3ل5 ايام ... الدكتوره عملتلي سونار داخلي وخارجي مالقتش حاجة ، الشهر ده بقي البيريود مفروض تيجي يوم 13 ماجاتش ، روحت للدكتوره يوم 19 عملت سونار لقت ان جدار الرحم سميك وفي نقطه سودا يا اما كيس حمل يا اما بيريود وقالتلي التبويض متأخر الشهر ده ومش باين في التحليل حمل ، ادتني دوا دوفاستون 3 حبات لمده اسبوع ولو مانزلتش البيريود احلل ،انهرده اخر يوم ولسه البيريود متأخره ، كده متاخره عن معادها حوالي اسبوعين .... انا بصراحة مش حاسه باي اعراض للحمل خااااالص ... كده البيريود ممكن تنزل ولا ايه؟؟ مين حصل معاها كده تقولي ... والله انا عارفه الحمل في وقته بس خايفه يكون حصلي اي مشاكل من المنشطات دي ... فيدوني افادكم الله واسفه للإطالة

[liliaceae]

اختي العزيزة مافي داعي تاكل هم أبداً طالما نتائجك سليمة انتي و زوجك
وان شاء الله تكوني حامل يا رب واذا ما طلع حمل الشهر القادم ان شاء الله أهم شي لا تشغلي بالك والله ييسرلك

[zena ahmad]

لا تخافي وخلي امانك بالله كبير

[نلوو]

ان شالله حااامل حبيبتي
ولاتنسين طمنيناااا وش صار معك

[samoka]

ان شاء الله خير
طالما البيريود متاخره اعملي تتحليل منزلي والاضمن تحليل الدم
في كتير بنات بتبان معاهم متاخر
وان شاء الله حامل
ومتنسيش تبشرينا

[SHINY STAR ALEX]

المشاركة الأصلية كتبت بواسطة liliaceae

اختي العزيزة مافي داعي تاكل هم أبداً طالما نتائجك سليمة انتي و زوجك
وان شاء الله تكوني حامل يا رب واذا ما طلع حمل الشهر القادم ان شاء الله أهم شي لا تشغلي بالك والله ييسرلك

المشاركة الأصلية كتبت بواسطة zena ahmad

لا تخافي وخلي امانك بالله كبير

المشاركة الأصلية كتبت بواسطة نلوو

ان شالله حااامل حبيبتي
ولاتنسين طمنيناااا وش صار معك

المشاركة الأصلية كتبت بواسطة samoka

ان شاء الله خير
طالما البيريود متاخره اعملي تتحليل منزلي والاضمن تحليل الدم
في كتير بنات بتبان معاهم متاخر
وان شاء الله حامل
ومتنسيش تبشرينا

بجد شكراً جداً علي رددكو وعلي تطمنكو ليا
انا الحمدلله واثقه ان ربنا حيبعت الحمل في الوقت اللي هو شايفه مناسب ليا ومش قلقانه من كرمه باذن الله يرزقني ويرزق كل مشتاقه باذن الله ، انا خايفه بس ان يكون حصلت مشاكل من شهرين المنشطات دول وادخل في دوامه علاج مش :(
انا خلصت كورس دوا الدوفاستون انهارده واتفقنا انه باذن الله بكره نروح نحلل ونشوف لو مافيش حمل اروح للدكتوره تاني .... وباذن الله حاجي اقولكو ايه اللي حصل بالظبط .... ادعولي بالله عليكم مايكونش حصلي مشاكل بجد خايفه اوي من الحته دي .... بجد شكراً ليكو

[درين]

الله يرزقك و يرزقنا و كل محرومة الحمل العاجل غير الاجل

[سلطانة المحبه]

الله يرزقك و يرزق و كل محرومة الحمل العاجل غير الاجل اميييييييييين يارب العالمين

[ملكة الذووق]

طمنينا عليك حبيبتي ياااااارب تطلعي حااااامل

[FADWA AIT]

Ichalah haykon haml madam inti ozojik salimin ala yorzokik wyorzok kol mahrom