مو عاجبني كلام الدكتور .. ابي مشورتكم

[غالين]

السلام عليكم ..

يا بنات انا محتاره الله لا يحير احد ..

بما اني بكر وباقي على تقريبا اسبوعين ونص يعني اخر موعد قالي الدكتور

12/5/2010 بس المشكله انه راس الجنين فوق والدكتور يقولي اذا تم راس

الجنين فوق لغاية 26/4/2010 راح اعملك قيصريه .. يعني معقوله هالكلام

ليش ما ينتظرني .. لاخر موعد ؟؟

[اميرة بدنيتي]

حاولي تمشين كثير حتى يتعدل وضعه

والحبي يعدله بعد

والله يتمم لك على خير

[جود الاماسي]

الله يقومك بالسلامه اختي
انا الي اعرفه حتى لو مانزل راس الجنين تحت حيكون موعد الولاده هو هو
مابيتغير عندك كثير ناس ماينزل راس الجنين الا فبل موعد الولاده بساعتين
ليه العجله خلي دكتورتك يستنى لموعد الولاده اذ مانزل الراس في هالحاله يلزمك عمليه قيصريه
والله يقدم الي فيه خير

[**سماسم**]

يالغاليه المشي ان شاء الله بيساعدك وطوالي في الجود ..
ولا تخافي كثير يحصل معاهم انو وضعيه راس الجنين فوق وفي اخرلحظه يتعدل ..
وإذا على الدكتوره روحي حق غيره وشفي شنو تقولج ..
وربي يقومك بالسلامه أنتي ونونو.

[فداك عمري يازوجي]

كلام البنات صح كفوا ووفوا استنى ولا تستعجلي والله يقومك بالسلامه

[يارب ترزقني بطفل أضمه]

الله يقومك بالسلامة ياقلبي

[روح الورد]

لاتخافين ان شاءالله تكون راسه نزلت تحت
والله يقومك بالسلامه

[عسوله الرياض]

لا تخافين ياقلبي انا قالو لي مثلك الراس فوق
بس انتي احبي مثل مايحبي الطفل وامشي كثير وانشاء الله يتعدل وينزل راسه
ترى الحبي جاب معاي نتيجه والحمد الله ولدت طبيعي

[بنووتهـ كيووتــ]

هلا بكـ

شوفى اختى انا لين تااسع فوق صرت اكثر مثل اللى سااجده

واحبي كثير ولدت ولاده طبيعيه الحمدالله

تراا احسن طبيعى حاولى تحبين وتكثري سجوود

وتولدين بسلامه

[لمووشه]

بالسلامه قلبي
اللي اعرفه انو الحبي يضبط وضع الجنين
توكلي على ربك حبيبتي كثير ناس قبل الولاده يتعدل
عليك بالدعاء (: