اخد حبوب تنظيم دورة وماجت والطبيبة شافت كيس بالرحم

[حنين القلب]

السلام عليكم ورحمة الله وبركاته
مرحبا حبيباتي اشحالكم عساكم بخير ان شاء الله

بدخل في الموضوع
الدوره كانت مو منتظمه وبعدين سرت لدكتوره عشان انظمها وعطتني حبوب لتنظيم الدوره وكانت المفروض تنزل منتظمه في تاريخ 21_6
بس للحين ماجيت فسرت عندها وقلتلي يمكن في حمل سويت تحليل للبول وانتم بكرامه ماطلع في حمل بس لم سويت سونار شافت بيوضه في رحم الحين ابا اعرف هل البيوضه هاي هي الحمل ولا عادي تنزل بيوضه بعد موعد الدوره وفي وجع في ظهري مو عرفها انتظر اكثر ولا اروح اسوي تحليل دم
اللي عندها فكره او صار عندها جي تقولي ويارب يارزق كل وحده تراد ع موضوعي باللي تتمناه اللهم امين

[ام صـالـح]

خلاص يا قلبي الدكتوره قالت انك حامل

هي ادرى واسوي تحليل دم اضمن لكـ

الله يكتب لك اللي فيه الخير ويتمم لك على خير

[demoshka]

حبيبتي افضل شي تحليل الدم بالمختبر روحي حللي وقوليلنا شوصار معك ويارب يكون حمل وتفرحينا

احنا بانتظارك

[*رحمه*]

ياااااااااااارب يكون حمل انشاء الله

[وصايف]

اسمعي ياقلبي
فيه بويضه تنزل بعد الدورة عادي
لكن اسأل الله تعالى ان يفرحك بالحمل لانه قادر على كل شئ
فرحينا ربي يسعدك ...

[سولآف]

ماعندي خلفيه يالغلا
الله يرزقك اللي تمنين
وحللي دم وبشرينا

[جنا القمر]

انشاء الله تثبت البويضه ويكون كيس حمل باذن الله
اختي اكثري من الدعاء والاستغفار وان شاء الله تبشرينا

[يارب اكرمنى بطفل]

ان شاء الله حمل المهم روحى سوى تحليل دم وان شاء الله تبشرينا