ابني يتعذب ومب قادره اسوي شي

[نجلاء11]

مرحبا

والله أني اكتب ودموعي بعيني مب عارفه شنو اسوي
ولدي عمره خمس شهور ونص ومن عمره شهرين جاءته اكزيما شديده وبكل جسمه ، راسه ووجهه وبطنه واليدين والرجلين ومن دخل الشهر الرابع وصلت الاكزيما ظهره
طبعا ما خليت دكتور مارحت له واستخدمت له كرتزون وخفت شوي ومن اقطع الكرتزون ترجع بشراسه! وديته أطباء اطفال وجهاز هضمي وقالوا حساسيه من حليب البقر وصار ولدي حقل تجارب كل شوي أغير حليبه! الى ان قال لي طبيب اطفال اعطيه حليب ماعز طازج! انا استغربت وسويت بحث ولقيت انه الاطباء ما ينصحون بحليب الماعز لانه ممكن يسوي مشاكل للرضع! فبحثت عن بديل ولقيت شركه من لندن تبيع حليب ماعز للرضع ومعزز بفيتامينات ومعادن فجبت له الحليب وعطيته يومين! حسيت بطنه تحسن شوي بس وجهه على حاله! بس لاحظت انه نزل وزنه فخفت وقطعت الحليب وبالآخرين وديته للمستشفى وكتبوا لي حليب خاص للأطفال اللي عندهم حساسيات اسمه نيوكيت وصار له الحين 6 ايام يشربه ووضعه صار أسوء! صار يرجع ويبكي ما ينام بالليل والحكه زادت عليه والبراز احيانا مثل الماء واحيانا فيه مخاط ووجهه صار كانه محروق بماي نار ويطلع صديد وماي من جروحه
قبل ما اجرب فيه حليب المستشفى وأنواع الحليب الاتش إيه كان طبيعي بس فيه اكزيما !
سااااااعدوني انا ماعاد صرت أنام ويوميا ابكي على حاله وضايعه مااعرف شنو اسوي احس ولدي يتعذب وانا ما بيدي شي

[جوميلة]

ياااا الله يا أختي ربي يشفيه أنا برأيي ترقينه أو تروحي فيه لشيخ يرقيه
سبحان الله القرآن شفاء لكل داء
عارفة وحدة بتقرب إلي صار معاها هيك لبنتها لكن مو نفس مرض أبنك
و سبحان الله راحت بيه لشيخ ورقاه وقال عندو عين فلا تستهيني
والله وحده هو الشفاء لا دكتور و لا بطيخ
توكلي على الله

[ام مريم ورحمة]

الله يشافيه ويعافيه يارب شوفي ياقلبي في حليب اسمه انفاميل كنت اجيبه لبنتي الكبيرة لما جاتها الاكزيما وهي رضيعة وهو من بروتين الصويا وكان ممتاز في مؤكد مثل تركيبته بالصيدليات اذا هو مو متوفر وكمان نصيحتي لكي ملابسه لا تغسليها بصابون ابدا ابدا تنغسل بموية حارة تتنقع فيها وتنفرك مرتين ثلالثة لغاية ما تنظف ودهني وجهه وجسمه بكريم بانثينول المصري ممتاز مرة باذن الله وعسى ربي يفيدك بنصيحتي يااارب ويعافي ولدك

[شوق وحنين]

حبيبي ما يشوف شر :(
اختي سبحيه في ماي زمزم مقري عليه.
أما بالنسبة للعلاج والدوا الله أعلم.