تعبت من التفكير بالحمل وسجلت بنادي رياضي

[ريومة الأمورة]

أختكم ريومة من سوريا ... وأصلي من فلسطين... عمري 22 سنة وإلي سنتين متزوجة.. حصل عندي حمل مرة وحدة وتوقف نبض البيبي بالشهر الرابع...تعبت من التفكير بالحمل كتييييير...بعد ما أجهضت مرقت علي أيام الله لا يدوقها حدا ... صدقا كان يمر اليوم وما تنشف دمعتي ... ومن كم يوم سجلت بنادي رياضي وصرلي 4 أيام فيه ...الحمد لله نفسيتي تحسنت كتييييير ...نصيحة لكل يلي شاغلها موضوع الحمل .. مارسي الرياضة بتنسي الموضوع وبيزيد عندك الإخصاب .. ما بكذب عليكم وبقلكن إني أوقات ما ببكي بالليل قبل ما أنام وبكون مشتاقة لطفل أضمو .. بس يعني شي أهون من شي ... الرياضة بتفرز هرمون السعادة وبتخفف الضغوط ... ويارب نحمل كلنا عن قريب...

[افنان الحربي]

زين سويتي ❤️

[و بشر الصابرين]

حبيبتى ربنا يهون عليكى و يصبرك و يعوضك ان شاء الله و تيجى تبشرينا بحملك وهفضل ادعيلك يارب ارزقها هى و كل مشتاقة بالذرية الصالحة اللــــــــــــــــهم امــــــــــــين

[أم سيف الله]

حذاري حبيبتي في رياضة مفيدة حبيبتي وفيه رياضة مضرو للمرأة مثل رفع الائقال والقفز والنط على الحبل
لان المراة جسمها موزي الرجال والرحم بحركة بسيطة يمكن يتغير مكانه الله يستر
والله يقر عينك بالذرية الصالحة

[ريومة الأمورة]

النادي يلي سجلت فيه بس أيروبك يعني رياضة خفيفة ومافي رفع أثقال وقفز ... أمانة ادعولي كلكم ... الله يرزقك كل مشتاقة بالذرية الصالحة

[jojo 123456]

التفكيرالكثييييييييييير في الحمل يأخره احسن شي انك فكرتي تشغلي وقتك وان شاء الله تبشرينا قريبااا

[nour karim]

حبيبتي خيرا مافعلت ويااااااااااااااااااااااااااااااااارب تبشرينا بحملك قريبا امين

[violy]

ذكيه
احسن شي سويتيه
ياحلو النادي -شي جميل و نفسيه ممتازه

والله يرزقك يارب
عاجلا غير اجل

[ورد سوريا]

ياحبيبتي الله يرزقك ويرزقنا والله الحال من بعضو
الله يعلم كل يوم بحط في راسي ع المخدة بتخيل ابني او بنتي نايمين جنبي
بس ربنا عالم بحالنا والو حكمة بكل شي حلمي من اول يوم تجوزت فيه اني احمل بنفس اليوم
ع قد ما كنت خايفة اتاخر يمكن رب العالمين عم يختبر صبري
وانا مابقول الا الي بيرضي ربنا الحمدلله ع كل قضاء الله والله يصبري ويحط الرضا بقلبي
اوقات بكره حتى شوف الناس مشان ماحدا بسالني ماحملتي ماحملتي مافي بيبي
وانا قلبي من جوا عم يحترق ع ما قول اي في بيبي
لكن الحمدلله الله يصبرنا ويرزقنا ولايحرمنا من حلم الامومة
يااااااااارب يااااااااارب يااااااارب ياعالم بقلوبنا
يسلمو حبيبتي ريومة ع فسحة الفضفضة الي منحتيني ياه مشان فضفض وريح شوي عن الي بقلبي

[حياتي توأمي]

كثير ممتاز
اساساً الرياضة بحد ذاتها بتساعد كثير على الخصوبه وتنشيط المبايض وعلى الحمل

الله يرزقك من فضله يارب