حملت مرتين طبيعي والثالث حقن مجهري !ابغى نصيحتكم

[صدفة عمر]

::


مساء الخير

حبايبي قصتي عندي بنت وولد جبتهم طبيعي ولله الحمد

بدون لا تنشيط ولا مستشفيات ولا تعب الحمدلله ربي يحفظهم لي

ولدي الصغير عمرو يحين 6 سنوات طولت متحملت

تركت المانع لي سنه المانع طبعا كان عزل

وبعد روحات للتمريخ وبعدها للمستشفيات

قالوا لي احتمال عندك مشكلة في الأنابيب ولازم صبغة للرحم

وسبحان الله دايم ادعي ربي اذا مافيه شيء ألهمني ولا تعذبني في ذريتي

لان متيقنة مافيه شيء

وأعطتني موعد لاشعة الصبغة قلت لها طيب كل احتمالات اللي تمنع الحمل مني أنا

طيب سوي لزوجي تحليل عشان ما أسوي أشعة الصبغة وآخر شيء يطّلع مو مني التأخير

سويت لزوجي الصدمة !!!!


















عدد حيواناته اقل من 2 مليون كيييف وانا عندي طفلين يارب ما ارحمك

الدكتورة مستغربة طبعا زوجي ما يدخن وكان سمين ونحف

يعني المفروض العدد يزيد مو يقل

بعدها بشهر عاد التحليل وطلعت 4 مليون وأغلبهم ضعيفه 75٪


قالت لي الدكتورة انسب شيء لكم الحقن المجهري يارب لا اعتراض ع حكمك

والمبلغ للحقن 18 الف ريال سعودي


وراح تبداء معاي بعد أسبوع موعد دورتي باْذن الله

خايفة ،،،، ومتفائلة ومتوكلة على ربي شعور ما ادري كيف اوصفة

مين زيي حملت طبيعي وبعدين حقن مجهري !

أنا اللي اسمع وأقراء العكس بعد الحقن تحمل طبيعي مو مثل حالتي ؟!

لا اله الا انت سبحانك أني كنت من الظالمين

اللهم لاتحرمني ذريتي وارزقني الحمل السليم المعافى التوئم الذكور


دعواتكم لي غالياتي


::

[حياتي توأمي]

حبيبتي من رأيي تعطوا لنفسكم فرصه بمعنى انكم عرفتم من عن مين سبب التأخير ، فليش الحقن المجهري وبامكانه زوجك العلاج شهر شهرين او حتى ثلاثه

خليه ياخذ فيتامينات وادويه تعالج حالته ويروح عند دكتور مختص وجربوا

ولو مافاد ساعتها ممكن تسوون الحقن

ماعتقد انتي بحاجة له لأنك حملتي قبل ماشاء الله طبيعي مرتين

فاتوقع ان زوجك محتاج علاج وراح يرجع احسن من قبل


موفقة

[صدفة عمر]

المشاركة الأصلية كتبت بواسطة حياتي توأمي

حبيبتي من رأيي تعطوا لنفسكم فرصه بمعنى انكم عرفتم من عن مين سبب التأخير ، فليش الحقن المجهري وبامكانه زوجك العلاج شهر شهرين او حتى ثلاثه

خليه ياخذ فيتامينات وادويه تعالج حالته ويروح عند دكتور مختص وجربوا

ولو مافاد ساعتها ممكن تسوون الحقن

ماعتقد انتي بحاجة له لأنك حملتي قبل ماشاء الله طبيعي مرتين

فاتوقع ان زوجك محتاج علاج وراح يرجع احسن من قبل


موفقة

اكيد راح نبداء كورس علاج وفيتامينات وعسل وحبة بركة وحجامة وربي يختار لنا الطيب

تسلمي يا عسل ربي يسعدك

[υм вtℓαα]

خيتي خليه ياخذ وصفه نزيد عدد الحيوانات وان شاء الله ربي بيرزقكم ويعوض صبركم

[صدفة عمر]

المشاركة الأصلية كتبت بواسطة ام بتلاء

خيتي خليه ياخذ وصفه نزيد عدد الحيوانات وان شاء الله ربي بيرزقكم ويعوض صبركم

اللهم امين يا عسل تسلمي

[بحــ العيون ــــــــر]

الله يرزقك ياارب والبنات مااقصرو معك ياالغلا

[صدفة عمر]

المشاركة الأصلية كتبت بواسطة بحــ العيون ــــــــر

الله يرزقك ياارب والبنات مااقصرو معك ياالغلا

اللهم امين ويرزقك ما تتمني

[jojo 123456]

جارتنا عندها بنتين وكانت تحاول تحمل طلع العدد عند زوجها قليل جدا شبه منعدم ومع الادوية تحسن زوجها ورجع العدد طبيعي وحملت

الافضل تأجلي العملية شهرين ثلات وخليه ياخذ خلطة العسل

[رحيل بعالم النسيان]

انا سبق ليه حملت مراين طبيعي واصغر واحد فيهم عمره 12سنه وبعدها ماعاد صار حمل والسبب كان مشترك انا خفيت الحمدلله بس زوجي مع العلاج والخلطات تحسن لكن قليل وماصار حمل اول العدد عنده 3مليون وبعد العلاج اصبح 9مليون ومعاد ارتفع نهائي وفوق هذا عنده زوجته ام عياله الاولى وهم ماشاء الله عنده اولاد منه مثل العسل ماشاء الله عليهم ومع كل هذا ماكان قدامي الحمل الا باطفال الانابيب راح تمري وانا اعالج اذكر اول مابديت بالعلاج عمري25 سنه هالحين عمري قرب35سنه ربي لك الحمد حاليا انا حامل بعد اطفال الانابيب حقن مجهري بالشهر الثالث ونص

[صدفة عمر]

المشاركة الأصلية كتبت بواسطة رحيل بعالم النسيان

انا سبق ليه حملت مراين طبيعي واصغر واحد فيهم عمره 12سنه وبعدها ماعاد صار حمل والسبب كان مشترك انا خفيت الحمدلله بس زوجي مع العلاج والخلطات تحسن لكن قليل وماصار حمل اول العدد عنده 3مليون وبعد العلاج اصبح 9مليون ومعاد ارتفع نهائي وفوق هذا عنده زوجته ام عياله الاولى وهم ماشاء الله عنده اولاد منه مثل العسل ماشاء الله عليهم ومع كل هذا ماكان قدامي الحمل الا باطفال الانابيب راح تمري وانا اعالج اذكر اول مابديت بالعلاج عمري25 سنه هالحين عمري قرب35سنه ربي لك الحمد حاليا انا حامل بعد اطفال الانابيب حقن مجهري بالشهر الثالث ونص

ما شاء الله ربي يتمم لك حملك ويقر عينك بشوفة جنينك معافى

كم مرة سويتي حقن ومن اول مرة نجح !