التهابات البول أعزكم الله

[جنون الحب]

السلام عليكم
مساء الخيرات بنات شخباركم

بنات فيه مشكله أعاني منها جدا حفظوني الطوارئ من كثر ماأروح لهم والأغلبيه لازم يعانون منها أكيد الله يعين

اللي هي اتهابات بالبول الله يكرمكم
تعبت اخذ مضادات أسبوع بالكثير اسبوعين وارجع لهم يقولون التهاب لمتى؟
قبل اشوي رحت لهم وقالو كالعادة التهابات شديييده لدرجة انتقلت للمهبل أعطوني مضاد للإفرازات والحكه والتهابات المثانه قالولي مانقدر نعطيك لأنك لسا مخلصه العلاج طيب شنو اسوي قالت كثري ماي طيب انا اشرب لتر ونص باليوم قالت (بس) مايسوي شي بالنسبه لك حامل وعندك حصى بالكلى كثري اشربي اكثر ....!
طيب انا الحصى اللي عندي صغييييره لدرجة كم ملم بس قالولي المسالك مالك علاج صغيره ولا تأثر كثري ماي وبغلي بقدونس وشعير انا كنت اشرب شعير موسي بس حملت ووقفت كل شي
يعني مو مأثره طيب انتو شنو تجاربكم حوامل شنو تشربون اشياء تخفف هالالتهابات حرام استغفر الله اخاف تأثر ع الجنين مدري شنو أسوي
دعواتكم وتجاربكم

[υм вtℓαα]

وعليكم السلام

والله حتى انا لي كم يوم اعاني من الالام بخصري الايسر ومغص بالظهر وهذي التهابات مسالك لانها قبل جتني قبل ولادتي بيومين بس بالجنب الايمن وكان معي استفراغ طول اليوم اكل مافيه لدرجة البيبي كان نايم وجوعان مررره
الدكتور يقول تسبب تسمم حمل اذا ماتعالجت

اليوم قعدت اشرب ماء تقريبا لترين قلت بشوف يستمر الالم او لا واختفى كم ساعه ورجع

اشربي شعير او قهوة الشعير مرهزينه مدره للبول الله يكرمك

والالتهابات تنتقل لنا من ازواجنا الله يعينا بس ولاقلتي منك قال لا انا مافيني شي
اجل من وين تجينا ولايرضون ياخذون علاج

لاتخلين نفسك عليك بالمضاد اول باول

[Milouda]

المشاركة الأصلية كتبت بواسطة υм вtℓαα

وعليكم السلام

والله حتى انا لي كم يوم اعاني من الالام بخصري الايسر ومغص بالظهر وهذي التهابات مسالك لانها قبل جتني قبل ولادتي بيومين بس بالجنب الايمن وكان معي استفراغ طول اليوم اكل مافيه لدرجة البيبي كان نايم وجوعان مررره
الدكتور يقول تسبب تسمم حمل اذا ماتعالجت

اليوم قعدت اشرب ماء تقريبا لترين قلت بشوف يستمر الالم او لا واختفى كم ساعه ورجع

اشربي شعير او قهوة الشعير مرهزينه مدره للبول الله يكرمك

والالتهابات تنتقل لنا من ازواجنا الله يعينا بس ولاقلتي منك قال لا انا مافيني شي
اجل من وين تجينا ولايرضون ياخذون علاج

لاتخلين نفسك عليك بالمضاد اول باول

انا بقلك السر والعلاج الفعال بعد معاناة طويلة مع الالتهابات
قالولي على عشبة الخزامى وسبحان الله والله سحر
جربت الادوية وما نفعت بس الخزامى سبحان الله
انتي حامل ما بعرف اذا فيكي تشربيها
بس غلي اتشطفي فيها
وكمان ساعدتني عالحمل مع اني فقدتو بعيد عنك والله يعوضني
كمان تبخرت فيها
سحر والله

[Milouda]

المشاركة الأصلية كتبت بواسطة milouda

انا بقلك السر والعلاج الفعال بعد معاناة طويلة مع الالتهابات
قالولي على عشبة الخزامى وسبحان الله والله سحر
جربت الادوية وما نفعت بس الخزامى سبحان الله
انتي حامل ما بعرف اذا فيكي تشربيها
بس غلي اتشطفي فيها
وكمان ساعدتني عالحمل مع اني فقدتو بعيد عنك والله يعوضني
كمان تبخرت فيها
سحر والله

بثمن كلامك وعن تجربة كثير كثير مفيدة انا حتى الادوية ما نفعتني
الخزامى ثم الخزامى بوصي فيها كل من عندها التهاب وكمان تساعد عالحمل
والله الشافي المعافي

[جنون الحب]

الشكوى لله
ما أعطوني مضاد ومااحس بآلام والله في البول وهذا انا من امس وانا اشرب ماي غلقت لترين وعليها بس قالت لي قدمي موعدك بالعيادات هع

[جنون الحب]

شدعوا بنات مالكم صوووت
انا لسا راجعه من موعدي ونصحني الدكتور استمر ع الماي واظيف له شرايح برتقال او ليمون وقالي اشربي سفن اب الابيض هع لأنه يعقم ومايترك مجال للبكتيريا لأنه ماده غلويه ينحش الالتهابات وماكان بيعطيني مضاد بس انا اصريت عليه هع كتب لي شي خفيييف
الله يتمم علي وعليكم ويفرحنا بشوفة اجنتنا بعافيه

[υм вtℓαα]

استمري ع شرب الماء لترين ثلاثه مره ممتاز
وانتبهي لومتعالج بترتفع كمية البروتين بالبول وتسبب لك ضغط بارتفاع الدم وبعدها يصيب تسمم
مابي اخوفك والله بس حبيت انبهك لان التهاب يزيد مع الحمل

[جنون الحب]

الله يعين
يعطيك العافيه اختي

هذا انا احاول اعالج بالماي وان شاء لله خير

بروح اكشف ع الاسبوع الجاي بإذن الله ونشوف شيقولون اتمنى انه يختفي

[أنوار الولاية]

ماعليك شر إن شاء الله

انا من قرأت موضوعك جاني ألم في خاصرتي ��

اذا ما تستفيديد من المضاد لا تكثري منه انتي حامل

عندك البصل والثوم مضاد حيوي طبيعي

سلااااامات

[بحــ العيون ــــــــر]

الله يعينك يارب ويشفيك

والبنااااااااااااااااااااااااااااات ماقصرو معك يا الغلا

الله يعطيهم الف عافيه