المعلومات الخطأ المنتشره فيما يخص الممنوعات والمسموحات بعد ترجيع الأجنه

[Om Mohammad]

بسم الله الرحمن الرحيم

كيف حالكم يابنات يارب تكونون بخير ويارب يرزق الجميع بالذرية الصالحه

انا يابنات عملت أنابيب 3 مرات مرتين نجحت ومرة فشلت وتعمدت انزل هالموضوع عشان افيد الكل

قبل لا اعمل الانابيب اول مره دخلت النت وجلست اقرأ الممنوعات استغربت من كمية الممنوعات بالاكل
يعني لو اتبع اللي قريته ماراح اكل شي وراح اظل بتوتر شنو اكل كأني عامله دايت
والغريب انه بعض الممنوعات اشياء صحية مثل بعض الخضروات والفواكه

بس طبعا فيه امور صحيحه مثل الاكثار من شرب الماي عشانه يمنع انقباضات الرحم
بس برضو مو معناها اذا ماشربتي انه العملية فشلت لان انا بصراحه ماكنت اشرب ماي كثير

والاهم ابتعدي عن اكل الدهون والدسم عشان مايجيك امساك

برضو قريت ممنوع المشي ممنوع الجلوس
انا كنت امارس حياتي لكن بدون مشقه يعني عادي اقوم اعملي شي اكله او اعمل كوب شاي اوكوب عصير
اجلس بالصاله اتفرج على التلفزيون يعني حركه بسيطة


الشي الادهى والامر ممنوع السباحه والعطور وكريمات مزيل العرق 😳😳
ليييييه ؟؟؟؟؟!!!!!!
اظل اسبوع او اسبوعين بدون سباحه ؟؟!!
النفسية اهم شي بالعملية والوحده اذا ماسبحت وتنظفت تكون نفسيتها زفت ومو فرش
انا كنت تقريبا شبه يومي اتروش واذا طلعت من الشور اتعطر واشب بخور بشقتي
حتى نفسيتي تتغير
واحيانا اذا ابي افرك جسمي كويس واخاف اظل واقفه كثير ادخل كرسي داخل الحمام تكرمون


طبعا انا تكلمت مع دكتوري حول هالموضوع وقال كله خرابيط اللي قريتيه ومارسي حياتك الطبيعية بس يكون الاكل صحي
يعني اعتبري نفسك حامل وتغذي تغذية حامل بالغذاء الصحي بدون حرمان
وقالي لو راح يثبت مافي شي راح يمنعه حتى لو اجهدتي نفسك


اللي ابي اوصله يابنات النفسيييية اهم شي
لا تقيدون نفسكم بممنوعات تخرب نفسيتكم وتخليكم دوم تفكرون

والله يوفق ويرزق الجميع
ودعواتكم لنا 🌺🌺🌺🌺

[Baghdad Mohammed]

يعطيك العافية ان شاء الله ربي يجزيك الخير على معلوماتك الطيبة

[منتظرة الفرج يارب]

جزاك الله خير
انا اليوم ثالث يوم من ترجيع الاجنه وبأسمع نصايحك ان شاء الله

بس طفشت من جلسه البيت الله يعيننا بس و يثبت حملنا جميعا

[Baghdad Mohammed]

المشاركة الأصلية كتبت بواسطة منتظرة الفرج يارب

جزاك الله خير
انا اليوم ثالث يوم من ترجيع الاجنه وبأسمع نصايحك ان شاء الله

بس طفشت من جلسه البيت الله يعيننا بس و يثبت حملنا جميعا

الله يبشرك بالخير ويكتب لك الذرية الصالحة

[Om Mohammad]

المشاركة الأصلية كتبت بواسطة منتظرة الفرج يارب

جزاك الله خير
انا اليوم ثالث يوم من ترجيع الاجنه وبأسمع نصايحك ان شاء الله

بس طفشت من جلسه البيت الله يعيننا بس و يثبت حملنا جميعا

حبيبتي ربي يثبت اجنتك ويرزقك الذرية الصالحه

اذا كان بيتك ارضي عادي روحي بيت اهلك مثلا وهناك تمددي عندهم
تغيرين جو


انا طلعت مره ورحت بيت اهلي لان بيتي ارضي

بس اذا درج لا اصبري لبعدين والله يعينك

وفعلا هالفتره اصعب فتره بس ان شاء الله تعدي على خير

[Om Mohammad]

المشاركة الأصلية كتبت بواسطة baghdad mohammed

يعطيك العافية ان شاء الله ربي يجزيك الخير على معلوماتك الطيبة

الله يعافيك حبيبتي 🌺🌺