قصة ولادتي*بولودي*والموت اللي شفته

[$حبيبة زوجي سطومي$]

مرحبا حبايبي
اكيد عرفتوني
خخخخخخخخخ وحده مضيعه
الموهيم انا دخلت عشان اقول لكم قصتي بولادتي اللي بجد شفت المووووت
الله لايعيدها الا بااحسن حال يارب
جعلكم ماتشوفون اللي شفته
طبعا اكيد اللي كانو معي بمشكلتي مع زوجي وحنته متى بتولدين متى بتولدين
بعدها ايس من ولادتي ومعاد نط بوجهي يسئلني وارتحت
طبعا بتاريخ10-12-2010يوم الجمعه الموافق4-1-1432خلصت التاسع طبعا يوم الجمعه رحت للبر بعد نصيحه خواتي لي يقولون روحي للبر عشان تولدين لان وحده من اقاربنا طولت ماولدت وراحت تمشي بالبر وبحكم التراب ثقيل وانتي تمشين وولدت وقالوا روحي بتولدين قلت لايكثر بس وش دخل البر بالسالفه
المهم رحت ومشيت بس مو كثير
المهم رحت لبيتي طبعا انا الطلق زاد من يوم الخميس بعد ماحصل جماع بس يروح ويجي وكان من يوم الاربعاء بادي بقوه وتوقعته برد ورحت حطيت بسرتي فكس ونمت بس الخميس على الجمعه زاااااااد
حتى زوجي يوم جاء يروح للدوام الاربعاء حس فيني شي ويقول انك تتوجعين قلت لامافيني شي
المهم يوم الجمعه يوم جاء الليل تقريبا على الساعه12 رحت انام
ابد حطيت راسي مادريت الاالساعه 1صاحيه من الوجع كل ساعه رايحه للحمام وانتو بكرامه محصوره واخلص وارجع احاول انام بس للاسف الوجع يجي ويروح بظهري وببطني بجد اقلقت زوجي قلت بطلع بالصاله عشان مااقلقه ويقوم ومافيني شي نازل بس اوجاع وقلت متعوده اكيد مو ولاده
المهم رحت وجلست اكل تمر واناناس ومويه واقرى كتاب الاورده حقت الولاده
ابد اذن الفجر رحت صليت ونمت
وصحيت الظهر الساعه12
والوجع يجي ويروح
المهم اذن العصر صليت ودخلت المطبخ بصلح الغداء الازوجي جاي وعلى جيته كان الوجع زايد وجلست على كرسي المطبخ اتوجع ودخل علي قال وش فيك قلت احس باالم بظهري وببطني جلس يضحك يقول يالله بتولدين بعد اسبوع
المهم دخل ينام
وانا هونت عن تصليح الغداء لاني معاد قدرت
يوم زاااااااااااااااااااااد على الوجع معاااااااااااد عرفت اجلس
مره يقوى ومره يخف المهم حسيت بشي ينزل رحت الحمام وانتو بكرامه الا ينزل معي مثل الخيوط الدم الخفيفه
وسبحان الله خف الطلق
رحت اكلم مرت خالي لانها القريبه مني وقلت لها قالت روحي وش تحترين قلت زوجي نايم ماابي اقومه وبالاخير اروح المستشفى ويقولون توك ثمن يستنزل رجلي علي قالت روحي خلاص نزل دم وش تحترين لين تنزل مويه الراس ترى خطر عليك وعلى الجنين
المهم قلت طيب ورحت وكلمت امي وانا ناسيه ان امي قايله لي لاتعلميني الالين ولدتي عشان ماينشغل بالي ومسكينه اول ماكلمتها وعلمتها يوم خنقتها العبره وجلست تدعي لي وتقول روحي للمستشفى
المهم رحت اجهز اغراضي اللي بااخذها وجلست اقرى الاورده من الكتاب على مويه صحه عشان اخذها معي اشربها ان زاد الطلق
يوم اذن المغرب ومعااااد قدرت اتحمل زااااااااد الوجع واروح لرجلي وانا اصرخ يالله قم قم يوم نط من السرير خخخخخخخخخ مرتااااااااااع وش فيك قلت بولد
وطول الطريق اصرخ وهو مره يهديني مره ينكت والله بجد ماني لمه جالس ينكت مسكين حبيبي يقاله يبي يهديني وينسيني اللي فيني وبنفس الوقت مايعرف ههههههه
المهم وداني للمستشفى وهنا الطاااااااااااامه الكبرى
طبعا انا سبق وقلت لكم اني بولد بالاسره
بس يوم زاد الطلق وجاء وقت الجد تذكرت وفكرت بالناس اللي بيزوروني ومافكرت بنفسي الله يخلف علي ورحت وكذبت على زوجي قلت دكتورتي بالاسره اللي حجزت عندها مسافره ودني للجافل وانا اكذب كل تفكيري لان الجافل افخم غرف من الاسره
وللاسف مافادتني الفخامه
المهم رحت لهم على الساعه 6المغرب
وعلى طول سوت لي كشف من تحت دخلت يدها جعلها الكسر يوم صرخت ذيك الصرخه اللي جاء زوجي يظن اني ولدت هههههههههه
المهم قالت توك مفتوح3ونص لازم تنويم
وطقوني ابره وحطت علي الجهاز حق نبض الجنين وربطت بطني بشاش مدري لفة حقت التجبير المهم وانا على السرير ولمي زوجي ومغير اصيح كني داداه
وزوجي يهديني
المهم راح زوجي وحجز الغرفه وكانت صغيره ومو ذاك الزود
ورقوني فيها وراح زوجي جاب اغراضي وقال بروح اجيب لك شي تاكلينه شكلك جايعه قبل ماتولدني وتتعذبين المهم جاب لي عشاء واكلت وراح عنده مشوار وقال برجع لك وان صار شي علميني لان وقتها خف الطلق علي
المهم جلست لين الساعه 8وجاء زوجي طبعا كلمتني مرت خالي وقالت خليه يشتري لك زيت الخروع بالنعناع من الصيدليه عشان يفتح الرحم وجابه لي وخلطه مع عصير وجلست اشرب فيه وماسوى شي على طول
المهم جت الساعه11 وانا على هالحاله لاالرحم انفتح ولاصار شي مغير كل مره يكشفون من تحت بيدهم ومره هالجهاز حق نبض الجنين
كشفوا علي الساعه تقريبا 12وصار مفتوح 4ونص قالت ابدي امشي
وجلست ادور بالغرفه وزوجي جالس عندي مسكين مافارقني
المهم جلست امشي ومعاد عرفت كل مره الحمام وسهال وانتو بكرامه عشان الزيت
وكل مره هالحمام وجلست على هالحال لين الساعه1
شفت زوجي معاد يقدر جاه النوم قلت له نم على سريري لاني عارفه عنده دوام
قلت نم ان صار شي انت عندي بتقوم
ابد ونام لين الساعه تقريبا من2الى 3
يوم زاد الوجع معااااااااد عرفت اجلس
وكل مره يزود لين الساعه3وجت كشفت علي يوم جلست اصرخ معاد اتحمل تتدخل يدها يوم قام زوجي وقالت يالله ولاده مفتوح 5لازم تنزل تحت
وليتني مانزلت حسبي الله عليهم
طبعا نزلت وانتو عارفين الساعه3نايمين
يوم دخلت عليهم الاهالسسترات ثنتين فارشين على الكرسي حقهم ونايمين
جو بس عطوني لبس المستشفى وراح ينامون
وانا خلاص معاد اقدر ياالحمام يااصرخ
لدرجه معاد عرفت اجلس بس واقفه والجو برد ومشغلين بالغرفه مكيف حسبي الله عليهم اقول طفيه تقول اصلا مو مشغل
وامشي حافيه معاد لقيت جزمتي
وتخليو اصرخ اقول تعالي بولد تقول نامي انسدحي توك انتي بكر وتوه مفتوح5 لازم 10
قلت طيب عطوني ابره تحمي الطلق اي شي قالت لا ممنوع
تخيلو الولد جالس يدفع يبي يطلع وهي تقول نامي انسدحي معاد قدرت بس موقفه وادور لين الساعه5 على اذان الفجر ومعاد لي حيله الا ادعي واستغفر واصيح
يوم جت وركبت الجهاز حق نبض الجنين
ومعاد عرفت انسدح وتقول لا لازم تنسدحين عشان نعرف وضعه قلت وجع هو بخير انا اللي بموت وتجلس تصرخ علي تقول انتي بيبي وجعلها الموت جلست ارجف من الوجع يوم ضربتني مع فخذي تقول خلاص اسكتي
والله معااااااااااد اتحمل قلت شيلي الجهاز معاد اقدر انسدح الولد بيطلع
لان بجد جالس يضرب تحت
المهم وجت ودخلت يدها جعلها الكسر قالت تنفسي لانه نازل اصبري شوي
قلت شوفي الدم ينزل وانتي تقولين اصبري
تخيلو دخلت شي طويل مثل الشفاط البلاستك دخلته بقوه لجوه ومدخله يدها معه يوم نزلت مويه الراس
وزاد علي الوجع تخيلو احس شي بينزل من ورى وانا اصلا بطني فاضي بس من قوه الطلق
يوم شافتني كذا قالت تبين الحمام قلت ايه
قالت قومي وخلتني امسك مثل القطعه حاطتها تحت عشان مايصب شي بالارض
توني بروح للحمام قالت لا تعالي معي وودتني غرفه الولاده
ونومتني وحطت رجولي فوق هالاعمده اللي تفتحين رجولك وحاطه تحتي زباله قالت يالله اذى فيك شي سوي
وانا مره الوجع زاااااااااااااد كن شي بيطلع تخيلو ولدي يدفع وانا ادفع معه وهي الله ياخذها تقول لا لاتدفعين تنفسي عشان يرجع لين تجي الدكتوره؟؟؟؟؟؟
حسبي الله علييييييييييك ونعم الوكيل الولد بيطلع وانتي تقولين تنفسي عشان يرجع
والله جلست اصرخ وهي طقتني ابره تحت بين الفخوذ معاااد حسيت بشي الا مع ورى وانا اصرخ وهي تقول لاتدفعين توه ماانفتح مره وتكلم الدكتوره وتسولف وانا اصرخ يوم تو الدكتوره جايه وانا خلاص بمووووووووت
يوم قالت لها يالله بسرعه قصي
تخيلو قصتني السستر وطلعته السستر والدكتوره تتفرج
قلت الله ياخذكم كان من اول يعني لازم اتعذب
يوم جت الدكتوره مبروك الحمدالله وجلست على الكرسي وتخيطني من تحت على روااق كنها جالسه تفصل فستان قلت بنفسي هذي شغلتك الله ياخذك
بس مااشره عليهم كلهم باكستانيات وهنود
يوم طلع ولدي قدام عنوني ابد ولدت على الساعه 6وشوي الصبح
يوم جت السستر فلبينيه اخذته تغسله يوم جلست اصيح وانا شوفه يصيح وينتفض من البرد بجد هذي احلى لحظه الله يرزق كل محرومه ولايحرمها من هاللحظه
طبعا بدت الولاده الثانيه اللي هي نزول المشيمه جالسه تضغط على بطني بقوه عشان تنزل يوم نزلت وبعدها بدت تخيط هالباكستانيه
طبعا يوم خلصو قالوا قومي وركبوني بكرسي ورجعوني بالغرفه اللي كنت اصرخ وشفت ثنتين توهم داخلين يصرخون قلت الله يعينكم ويفرج عليكم تذكرت حالتي
بعدها جتني السستر الفلبينيه اللي كانت معي فوق بغرفتي ياحبيلها جتني تبارك لي وفرحانه وقالت وين زوج علميه قلت مو برى قالت لا راح
قالت تعرفين رقمه قلت ايه دقي وياحليلها دقت عليه وعلمته
وجاء يركض حبيبي رايح يجيب لي فطور يقول اكيد جيعانه جالس يفكر فيني وباركت له السستر وعطاها فلوس قال لانك بشرتيني وفرحت بس تستاهل
المهم يوم جيت برقى لغرفتي جتني السستر الهنديه مدري باكستانيه هالحماره اللي كانت معي وقالت ادخلي الحمام وتخيلو فصختني وانا جالسه اتلمم وكبت علي مويه بس تحت وخلتني انتفض بالحمام لين يجيب رجلي ملابسي من فوق طيب الله ياخذ بليسك كان صبرتي لين تجي الملابس
والله بجد ماصدقت اطلع فوق بغرفتي ومعي زوجي جلس معي شوي وبشرنا هلي وراح لدوامه
وتوته توته خلصت الحتوته
والله قصيت حياتي كلها هههههههههههههه
بس بجد مستشفى الجاااافل جدا جدا فاااااااشل وسيئ
بس حللت امه بعد ماخفيت رحت بغرفه افخم وفيه سعوديات قلت للاسف المستشفى فااااااشل واول واخر مره اجيكم

[**سماسم**]

الحمد الله على سلامتج وبروك ماجبتي جعله الله من مواليد السعاده وربي يرزقكم بره
,,

[ساهرة]

حمدالله على سلامتك طبعا لانك بكريه
طولتي كذا المره الجايه بتكون المده اقل
واسهل لك ياارب
يتربى بعزك وبعز ابوووه

[أإأم ع‘ـــزُوـوزُ]

أإألف مبرووووك

والحمد الله على سلآمتك وسلآمة البيبي وكله بأجره تعبك ...

ويـآرب عقبال مـآتشوفينه عريس ....

[$حبيبة زوجي سطومي$]

الله يبارك فيكم حبايبي
تسلمووووووووون ياالغلا

[توفيه الفوشيه]

الف الحمدالله على سلامتك والف مبروك وعقبالي يارب

[شعاع الأمل]

مبروووووووك
بس مالقيتي الامستشفيات الدخل زفت بزفت والله اللي حولي يمدحون فيه
وانا وزوجي مانطيقه عندي اولد بحكومي ولاعندهم
الحمدلله على سلامتك

[$حبيبة زوجي سطومي$]

الله يسلمك يافوشيه الله يهون عليك يارب
الشكوى على الله ياشعاع انا كان ودي بدله بس زوجي الله يسامحه
يالله الحمدالله على كل حال

[عاشقة القمر]

الحمدلله على السلامة والف مبروك على القمر
والتعب ينسى لما ينام ولد قلبك على صدرك
ويعمل ضحكتين تسوى الدني

[$حبيبة زوجي سطومي$]

الله يسلمك ياعاشقه
اكيد والله يوم شفته نسيت التعب الحمدالله يارب