منقووووول للافادة ..وكل شىء بأمر الله

[مدام احمد]

السلام عليكم ورحمه الله وبركاته

حبيباتى الفتوكات
اسال الله لكن جميعا الذريه الصالحه يارب عاجلا غير اجل
اكيد كل واحده منكم نفسها تكون ام
وده طبعا رزق من عند ربنا
واذا كان تاخر الحمل معاكى لحد دلوقتى سواء كان بسبب
او من غير سبب
فده لحكمه لا يعلمها الا الله تعالى
استنى بس اكمل للاخر
سبحانه يرزق من يشاء اناثا ويرزق من يشاء الذكور
ويجعل من يشاء عقيما
وربنا عادل فى حكمه ولا يظلم احدا ابدا
فالموضوع ده محتاج صبر قوى
واستغفار كتير قوى قوى قوى
ولجوء الى الله تعالى بالصلاه والدعاء وقيام الليل والصدقه اولا
والاخذ بالاسباب ثانيا
وكلنا عارفين ان قدره ربنا فوق كل شئ
ووقت ما يريد الحمل والذريه هيكون
ووالله ناس كتير قوى قوى اعرفهم
الى اتاخرت من سنه الى اللى تاخرت ل 25 سنه واخيرا جه فرج ربنا
ان الله مع الصابرين
طيب برده لازم ما اسبش نفسى كده
يعنى لازم اخذ بالاسباب واتاكد بيقين ثابت فى صدرى ان ربنا سبحانه وتعالى هو العاطى الوهاب
من الاخر عشان عارفه هتقولولى عارفين الكلام ده كله
بصى بقى يا حبيبتى انتى وهى
انا هاقولكم دلوقتى حكايات حقيقه ومن اقاربى تاخرو فى الحمل وحملو بفضل الله ومعاهم الاولاد دلوقتى
بس واحده تسالنى عملو ايه
هاقولكم
سمو بالله كده وخليكو معايا واحده واحده

بصى يا حبيبتى انا كانت اختى اتاخرت فى الحمل اول ما اتجوزت
حوالى 9 شهور وطبعا اتهبلت من اولها انها ماحصلش معاها حمل
وراحت للدكاترة قالولها معندكيش حاجه
وبعدين واحده صحبتها كانت اتاخرت فى الحمل 3 سنين وبعدين حملت بطريقه معينه وده برده باراده ربنا
ايه الطريقه
اخدتها عند دايه عملت لها كاسات هوا على ضهرها
قالت ان الضهر بيكون مليان برد وبيعمل انكماش فى الرحم والرحم احيانا بيكون مقلوب
والدكاترة مش بيشوفو الحاجات دى
المهم عشان ما اطولش عليكو
عملتن لها كاسات الهوا دى وقسما بالله انى كنت معاها
وكانت بتعملها بهون نحاس تقيل جدا وبعدين تولع قطعه صوف صغيره وتحطها على عجينه وبعيدين عالضهر وبعدين تحط الهون والله الهون كان بليطلع من ضهرها بالعافيه من شده البرد اللى كان فى ضهرها وبعد ما شالته كان على ضهرها علامات دائريه حمراء من شده لصق الهون
المهم كررت الموضوع ده معاها واعطتها تحاميل عباره عن شاشه كان فيها سكر وحلبه وعسل اسمر وقالت لها تلبسها فى المهبل قبل ما تنام
والله كان اختى بينزل عليها كميه ميه من الرحم مش عارفين الميه دى كانت بتيجى منين
وربنا اكرمها ولله الحمد فى نفس الشهر وحملت بفضل الله ومعاها ماشاء الله دلوقتى خمسه اولاد
من الاخر
الموضوع ده طبعا اثار شويه من اقربنا فى العيله
منهم زوجه خالى وكانت خلاص تمت 40 سنه ولم تنجب
وراحت عملت اللى عملته اختى وحملت بنفس الشهر
وكذلك اخت زوج اختى وماشاء الله معاها دلوقتى تلاته ومرات خالى معاها بنت
وفيه واحده صحبتى برده اتاخرت فى الحمل وداخت بمشاكلها عند الدكاتره
الى ان نصحتها صديقه لنا ان تعمل حجامه هى وزوجها
والله والله والله حملت فى نفس الشهر ومعاها دلوقتى طفلين مجنننينها
وعقبالكم كلكم يارب
ويفرحنا بكم جميعا
انا قلت اقولكم يمكن يمكن تجيب مع بعضكم نتيجه
وياريت تقيمو الموضوع عشان يتثبت ويستفيد منه الجميع
والله ما دجل والله ما دجل ولا شعوذه
احيان حاجات جدتى وجدتك بتجيب نتيجه عن الدكاتره وربنا معاكم يا رب


_____________________
لا تنسونى بدعوة صالحه منك يا بنات
اختكم مدام احمد

[مدام احمد]

منقوووووووووووووول


علىفكرة انا عملت الا انت ذكرتيه دة عند وحدة حماتى ودتنى عندها بس اختلف انهاعملتلى الهون والعجينة دى ثلاثايام ورابعضوكمان ادتنى حاجة زىاللبوسة معرفش فيها ايه غيرانهازىحته العجوة كل يوم تلبسها لى واخر يومقالت ىاسخن ميه واحط فيها قشربصل تغلى واقف فوقهااتبخريها وناس كتيرحملوعليها وناس مبيحصلش حمل الاامايعملوها بس لاسفمش نفعت معاياوخرجت منهابكيس علىالمبيض وراح بالعلاج الحمد لله

أنا فعلاً والله العظيييييم أعرف واحدة قعت أكثر من 7 سنين وبعدين جابت وبر بتاع الجمل زي الصوف كده وحطت عليه عسل أسود وفعلاً نزل عليها ميه كتييير وفي نفس الشهر حصل حمل أنا كنت خايفة أعمل كده بس الظاهر الموضوع ده صح

بارك الله فيكي يام أم دارين علي معلوماتك بس هي تتعمل وأنا عندي الدورة ولا أيه

بصى يا حبيبتى ان شاء الله الموضوع صحيح والله ما باكذب
هى ما تتعملش وانتى عليكى الدورة بعد ما تطهرى
والميه اللى بتنزل دى بيكون سببها بررد كتير فى الرحم وبيسبب انكماش
والله حتى الاشعه بالصبغه مش بتبينه

بصى يا حبيبتى هاقولك الطريقه بالضبط ولو حد عندك قلبه جامد شويه ممكن يعملهالك
اولا هى مش مؤلمه وتانيا عايزة سرعه
بصى بقى
اولا بتعملى عجينه من ميه ودقيق وتكوريها على شكل كور وبعدين تعمليها على شكل دائره كبيره ماشى واحده واحده اهو
بتحطى العجينه الدائريه على ضهرك بس تكون كبيره شويه وبعدين يكون جاهز هون نحاسى او حديد وتجيبى قطنه صغيره خالص بتتحط على العجينه اللى على ضهرك تولعيها بسرعه بالنار وبسرعه تحطى الهون ويترك على ضهرك قيمه عشر دقائق طبعا لازم حد يعملهالك وتشيلى الهون وتكررى على منطقه اخرى من الضهر وخصوصا اسفل الضهر
بيتكرر تلات ايام
وفى نفس التلات ايام بعد كل مرة قبل تلنوم بتجيبى شاشاه صغيره على شكل دائرة حطى اتنين فى بعض عشان ميسربش منها تكونى مجهزة خليط حلبه حصى وسكر وعسل اسود وفى قطعه الشاشه الصغيره تضعى مقدار صغير جدا من الخليط اربطيها بخيط وبعدين ادخليها بالمهبل للداخل وتحفضى كويس عشان تدفى المنطقه ولانه بينزل ميه كتير
كررى تلات ايام
واكثرى من الاستغفار والذكر والدعاء لله تعالى
وان شاء الله باذن المولى يمكن يكون فيها الشفا ليكى

[مدام احمد]

منقوووووووووووول


انا هاحكى لكم تجربتى الشخصيه انا اتاخرت فى الحمل 9 شهور
ومش قادره اقولكم زوجى واهله كانوا هيتجننوا والقلق ده تعبنى انا شخصيا
وبعدين والدتى قالت لى على موضوع البرد ده
بس بصراحه معملتش حجامه
هى قالتلى اعمل ايه؟

اجيب بصله واقشرها واقطعها بدون مااغسلها ولا احط عليها ميه
واقطعها شرايح كده واحطها بطاسه تيفال عشان تتشوى
من غير لا زيت ولا سمن
وبعد ما تدبل شويه احط عليها شيح
والشيح ده جابتهولى من العطار
وبعد ما حطيته طلع ريحه صعبه اوى على البصل
وبعدين قالتلى اجيب فوطه
او قماشه قطن
واحط فيها البصل مع الشيح
والفها زى الفوطه الصحيه واحطها فى الاندر
بعد ما البيريود تخلص على طول وقبل ما زوجى يلمسنى
وفعلا عملت كده ونمت بيها
هى بتكون سخنه شويه وبتطلع بخار ريحه الشيح
المهم نزل عليا كميه ميه كتير جدا جدا جدا
ضهرى كله بقا ميه صحيت اتخضيت واتصلت بماما


قالتلى اكور فوطه وحطيها على ضهرك عشان البرد

وسبحان الله فعلا حملت فى نفس الشهر والله العظيم يا جماعه وكله بامر ربنا
وعلى فكره الشيح ده نبات بيستخدموه للتطهير وقتل الميكروبات
واى حد زمان كان بطنه بتوجعه كانوا بيشربوه شيح
يعنى الفكره انه بيقتل اى ميكروبات او فطريات بتكون جوه الرحم
وزمان كانوا بيعملوه لبوس مهبلى بيعجنوه بعسل اسود فعلا زى ما اتكتب بالموضوع
وممكن يكون سبب تاخير الحمل برد فعلا عشان كده دايما امهاتنا يقولولنا دفو نفسيكم
بعد الجماع وبعد ما تستحمى البسى بيجامه
واتغطى كويس
مش تبردى نفسك

[مدام احمد]

يارب ترزقنا جميعا بالحمل السليم المعافى من عندك يا كريم
ولا تحوجنا لاطباء ولا علاج يارب

[شوكلا]

مشكوووووووووره مدام احمد جزاك الله خير صراحه كلامك كلو روووعه
ويااااااارب نستفيدو منه وينفعنا

[مدام احمد]

جزاك الله خيرا شوكلا...

انا عايزه اقلكم انا عملت ايه ..امبارح بعد ما قرأت الموضوع كان اخر يوم فى الدورة عندى
لكن مكنش عندى شيح فأخذت بصله وقطعتها وحمرتها فى طاسه تيفال على الناشف
يعنى من غير اى ماء ولا سمن ولا زيت لحد ما اتحمرت خالص
وحطتها فى منديل ورق وحطيتها فى الاندر ..ونمت بعد الفجر
وصحيت بعد 5 ساعات دخلت الحمام لقيت المنديل كله مبلول بماء لونه زى البنى الفاتح
بصراحه استغربت جدا ورمتها فى القمامه
لما صحيت الصبح حكيت لامى اللى حصل قالتى لو جربتيها تانى بعد الدوره هتحسى بالماء اللى بينزل اكثر

انا نايه اجربها النهارده لكن بالتحميله بتاعت السكر والحلبه والشيح ان شاء الله

هاااا مين تسويها معايا ؟؟؟

[هدوء انثى]

ماشاء الله
معلوماتك مرررره حلوة خيتو ايمان
وفعلا اللي بيعرفوه جداتنا افضل احيانا من الاطباء
لانو كان بالقديم النساء تحمل اكثر من الان بسبب التمريخ وكاسات الهواء والحجامه
والتداوي بالاعشاب
يسلمووووو حبيبتي وربي يعطيك ع قد نيتك

[مدام احمد]

تسلمى ريمو الله يكرمك ...
هاااا بنات مين بيجرب معايا ؟

[هدوء انثى]

امممم انا ماافكر حاليا
لكن اذا ربي اراد انو يؤخر حملي اكثر
راح اعمل منهم

[مدام احمد]

يارب تكونى حامل هذا الشهر يا ريمو اللهم امين