حساسة وابى حل جذرى

[اميرةفى امانيها]

بطرح مشكلتى العاطفية انا حامل بالخامس وحساسيتى زايدة من اى شئ حولى ازعل من اى شئ تافة ودموعى بطرف عينى يادوب احديتكلم اويجرحنى الا ودموعى نازلة من يوم حملت بس زادت الحين وزوجى يدارينى ويتكلم كلام عادى انا ازعل احس انى موطبيعية وتعب معاى و تعلقت بة اكثر بحملى هاذا عكس حملى الاول كرهتة واذا سافريومين او اكثر اتعب نفسيا واتصل وهوعادى جدا مايهتم ابدا واعرف انة يحبنى بس هو بالذات تعبان معاى مرة ومرات يجينى ضيقة واكرة زوجى حيل بس ماتطول ادرى طبيعى مع الحمل بس ابى حل وش تنصحونى فية

[كآدي]

الحل الجذري عندك انتي حاولي ما تزعلين وابتعدي عن اي شي يزعلك ولا تطولين في النقاش
مع زوجك عشان ما تزعلي < انا اسوي كذا لاني برضوه حساسه جدا وما ابي اي احد يضايقني او يقول لا
ولاشياء اللي احس بتضايق منها ابتعد عنها واتحاشها لان هذا شي موقت والله يعين

[ام ريوما]

ياقلبي عليك ماعليك صبري هذا من الحمل ماعندك غيرالصبر بس تولدين وينتهي الاربعين
راح ترجعين زي اول واحسن
يمكن لا كملتي ست شهوريخف عنك
لأني كانو وحمي اول ثلاث شهور صعععب مره
وبعدين الشهور الثلاثه الوسطانيه حلوووه ومرتاحه
والثلاثه الشهور الاخيره تعب مرررره
لازم تقلب الله يخفف عنك ويتمم لك حملك على خير

[TOomy]

حبيبتي هذي الحاله ترى تصير عند اكثر الحوامل
ويارب يفرج همج

[الريم الشرقي]

الله يعينك أتوقع إن هذا الشي طبيعي مع الحمل لأن صديقتي كانت مثلك طول حملها
حاولي تروحين بيت أهلك كم يوم ترتاحين عندهم ويمكن تتغير النفسية شوي
والله يهون عليك ويقومك بالسلامة يارب

[عشق الصدى]

حبيبتي انا كنت من مثلج وحساسيتي الزارده تعبتني وخلتني اسقط جنيني
انا بقولج شي غير نمط حيااتي كلها
الحياه ماتستاهل كل هذا , بما ان زوجج يحبج خلاص هذا اهم شي بحياتج
عيشي يومج هذا ولا تفكري شو اللي بيصير بكره وشو صار امس , عيشي الدقايق اللي انتي تمري فيها كلي واضحكي والبسي واتكشي حتى لو لنفسج مب شرك تتكشخي لزوجج , اشغلي وقتج باي شي , يعني انا تخيلي متزوجه من 8 اشهر وقاعده فبيت زوجي ويتيمه الام والاب , وموقفه دراستي يعني لا دراسه ولا شغل واحس بضيق شديد بداخلي لان كان كل وقتي اني افكر بزوجي وين راح شو يسوي اكل والا بعده , ويااما فتحتله موضوع الدراسه يقول اوك ادرسي ما مسكتج .بس ماحس بحافز بداخلي ابيه يشجعني ويوقف معاي والله مثله ماحصل يحبني مووت وانا امووت من دونه . بس علمت نفسي كيف اقوي من حالتي واقوي شخصيتي .كثره الاشتياق والحب اللي تغمريه لزوجج والله بيمل وهو من نفسه بيطلع من البيت وانتي قلتيها انه بيسافر
والله نصيحتي لج عطيه حريته وخليه ع هواه وهو من نفسه بيي يوصبج وبيشتاقلج ,خلي الحب من طرفين مب من طرف واحد..

والله يوفق حياتج واشوف عيالج كلهم حوالينج ..تحياتي

[عشق الصدى]

سووري الظاهر في اغلاط مطبعيه ^__*

[ساجدة للرحمن]

قومي باكثر الاشياء التي تحبينها


فكري مثلا في شكل المولود


و فكري في الاشياء اللي تشترينها تحضيرا لقدومه


روحي اماكن تحبي تروحيها و اجتمعي بناس تحبي تكوني معاهم

اي شي بيخليكي تحسي انك كويسة اعمليه

انش شاء الله تتخطي هالمرة


اقول هالشي لاني مثلك بالضبط بس بحاول اتجاوز المشكلة هادي