مو مصدقه تكفون ساعدوني

[خواطر مكسوره]

السلام عليكم

شلونكم ان شالله بخير

انا بصراحه عضوه جديده

واتمنا تساعدوني


انا صارلي 3 سنوات متزوجه

مالله رزقني بشي وحملت قبل سنه واجهضة على7اسابيع

وتميت سنه ماحملت والحين سويت تحليل دم يقول اني حامل بس انا مو مصدقه وخايفه انصدم
وانا الحين على حساب الدكتور لي 9اسابيع يقولي تعالي بعد اسبوع اسويلك سونار

وانا خايفه والي زاد خوفي اني ماحسيت بوحام

ولا اعراض الا بس بصدري احسه بينفجر واحس بأسفل بطني زي وجع الدوره يجي ويروح بس الام صدري كل مااقعد من النوم مااقدر المسه

تكفون ساعدوني ماعاد فيني صبر لين اسبوع

هل تحليل الدم ممكن يكذب وللعلم معي افرازات لونها اصفر اول مره تطلع معي هل هذا يعني حمل ولا التهاب

تكفون لا تتركون الموضوع تقرون وتطلعون الي
صارلها مثلي لا تبخل علي الله يوفقها

واسفه على الاطاله

[ام تميم 66]

حبيبتي سوي تحليل دم وتشوفين انتي حامل ولا لا في مستوصق قريب واكسري الشك,,

والله يرزقك من عندة ياارب

[خواطر مكسوره]

هلا اختي انا سويت تحليل دم ويقول فيه حمل بس فيني شك هل تحليل الدم يكذب

[um-yazan]

الله يتمم عليك وعقبالي يا رب
اول شي تحليل الدم دقيق جدا وادق من الفحص المنزلي بكتير
تاني شي الوحام ما ببين في ناس كتير تحمل وتولد ولا كانها حامل اتفائلي ولا تتركي تجربتك الي مريتي فيها تتعبك
انا متاكدة انك باذن الله حامل
بشرينا وطمنينا عنك

[روح الشتاء]

الله يرززقك يارب

بس الله يتمم لك عاااااااااااادي حبيبتي لالالاتخااافين كثير حررريم ما يحسون

بالوحااااااااااااااااااااااااااام

[ندى المطر]

الف الف الف مبرووووووووك
والله يتمم لك ع خير حبيبتي
انتبهي ع نفسسك وديري بالك
وعقبالنا دعواتك~

[منعطفات]

الف مبروك يا اختي والله يثبته لكي ...
وعندي اختي والله والله إنها ماتحس بوحم ابدا ماشاء الله تبارك الرحمن ولو ما تتأخر الدورة عليها ما تدري عن نفسها انها حامل واخواتي الثانيات على خفيف ... إلا أنا ياساتر ....

[Maha Alshehri]

تحليل الدم هو الشي الاكيد اذا انتي حامل ولا لا واذا ادوره كانت منتظمه فهاذا مافي شك

انا في الشهر الثالث اللحين الوحام ما جاني الى بدايه الشهر الثاني

لكن صار لي زيك الم صدر والام زي الم الدوره

عموما اتوقع انك اكيد حامل

الف مبرووووووووك وانتبهي على نفسك وتغذيتك

[sweet moon]

بإذن الله حامل

تحليل الدم نادرا مايطلع غلط واقل من النادر

وبالنسبه للوحام يأختي

حريم كثير مايحسون بالوحام ابد

وفي حريم مايدرون بحملهم الا على الشهر الثالث

فلا تشيلي هم ولا تشكي

والف مبروك مقدما الله يثبته لك ويتمم عليك

[جوادية]

الف مبرووك الحمل والله يتمم لك على خير
انا نفسك اول ما حملت بالشهر الاول ما حسيت باي اعراض سوى الام الصدر
وكنت شاكة اني مو حامل عملت تحليل لثالث مرات ولا زلت في شك الى ان جاني الوحام
فلا تشككين انتي ان شاء الله حامل ولله يبارك لك في حملك