اشتقتلك

[حلمي يايمه الأمومه]

قصيدة اشتقتلك ((سارة البريكى))





إشتقتلك وأبطيت عني و لا جيت
و النار تحرق هالحشى يا غناتي


الشوق لعيونك نــــدهني وحنيت
إرفــــق بحالي لو تهمك حياتي


من يوم رحت وفي غيابك تماديت
وأنــا وقلبـي كل ليلـة نـحاتي


تعبت أقول إني احـــــبك ومليت
وأشوف حبّك صاير اربع جهاتي


لأسباب في ذاتي أنــــا بس دقيت
جــــوالك إللي ما حفظ أغنياتي


تذكر قبل شهرين يوم إنك أخطيت
حاولت أعذرك وإنتحرت بسكاتي


وتذكر بــعد وشلون نيرانك أطفيت
لمـــا زمانك خـــان كل أمنياتي


و ألحين يــــا خلي أنا بس زليت
ماني بكامل و إنت أدرى بذاتي


لمــــــا الأنا فيني تناديك وأقفيت
و لمـــا الشعور يموت تبرد غلاتي


ولمــــا الربيع يحل وأزهار هالبيت
تصبح مجرد شوك تطعن حلاتي


أشتقت لك تكفى أناديك يـا ريت
إرجع عشان الـحب حقق مناتي


وإن ما رجعت ألحين لعيونك أهديت
شوق "ن" تركته في شهادة وفاتي

اعجبتني

[mallak]

غااااايه بالجمال

[وردة جورية]

يعطيكي اااالـــــــــــــف عاافيه

[سموة الشوق]

أشتقت لك تكفى أناديك يـا ريت
إرجع عشان الـحب حقق مناتي


وإن ما رجعت ألحين لعيونك أهديت
شوق "ن" تركته في شهادة وفاتي


راقت لي كثييييييييييييييييييييير

الله يحفظك ويسعدك ويهنيك ويسهل دروبك ويخليك لنا دوووم ياارب