ساااعدوني بعلامات الولاده ..

[ام شووق]

مرحبا اخواااتي ..

الله يعافيكم ابي رايكم وتجاربكم أنا مسويه متابعه عند الدكتوره وقالت لي عن موعد ولادتي انه بتااريخ 26/3 يعني نهاية الشهر هذا
والسونار سويته عند مستوصف خاص قال لي موعد ولادتي 21/4
والمشكله اهلي موبنفس المنطقه اللي انا ساكنه فيها
وهذا حملي الثاني الاولى بنت اما حملي هذا ولد بس والله يابنات اني محتاره مدري وش اسوي
ابي رايكم تكفوون وش علامات الولاده والطلق بالحمل الثاني يختلف عن البنت ؟مع انه صار لي فتره يجيني شيء غريب اذا رجعت (استفرغت) بنفس الوقت مغص واسهال وانتم بكرامه
ريحونـي الله يجزاكم الجنه ..
واسفه طوووولت عليكم بس من التوتر اللي فيني ,,

[احلى من العسل]

الله يسهل عليك ويقومك بالسلامه
بالنسبه للطلق مافيه فرق بين البنت والولد كله مغص والم ماراح يكون فيه شي جديد
وبالنسبه للاستفراغ والاسهال راجعي المستشفى افضل ماعتقد له علاقه بالطلق لنه لسى بدري على موعد ولادتك

[ام شووق]

الله يعطيك العاافيه ويحرم وجهك عن النار يالغلا ..

[نور الزهرات]

حبيبتي الله يتمم على خير يا رب..
اكتبي موعد اخر دورة و ان شاء الله نحدد موعد الولادة..

[أم رزاان]

فرق كبير بين حساب السونار وحساب دكتورتك !!!!
لو قلتي لنا متى كانت آخر دورة لك ممكن نساعدك في تحديد الوقت التقريبي لولادتك

عموماً المغص والإستفراغ ممكن تكوني اخذة برد
او اكلة شيء اتعب معدتك
والأفضل ماتسكتي .. روحي لدكتووورة تشوف ايش سببة !

والولد والبنت كلها مثل بعض اللهم طلق الولد حاااامي شوووي
وورى بعض مو مثل البنت بااارد .. وربي يسهلها عليك يالغالية

[ام شووق]

هلا خواتي

انا اول يوم لي بالدوره كان 12/6 والله يجزاكم الجنه يارب ..

[أم رزاان]

موعد ولادتك يالغالية
بيكون في 27 / 3 / 1433 هـ

وربي يسهلها عليك

[ام شووق]

الله يريحك دنيا واخره ويحرم وجهك عن النار ياقلبي
ويحقق لك ماتتمنين يارب ..

[أم رزاان]

اللهم آااااااااامين .. ولك بمثل مادعوتي لي به يالغاليه