نزول رأس الجنبن بالحوض بالأسبوع 38

[ام امينة]

السلام عليكم ورحمة الله
مساء الخير
اليوم رحت عند الدكتورة وكشفت علي وقالت إن الرحم مفتوح 1 سم ورأس الجنين نزل بالحوض ، وأنا الحين بالأسبوع 38 علما بأني بكرية ,,
هل نزول الرأس تعني أن الولادة قريبة ؟

[آم آريج]

انتي خلاص باقي لك اسبوعين وتولدي وممكن تولدي باي وقت من الحين

نزول راس الجنين يعني قربت الولاده وامشي واجد والله يسهل عليش يارررررب

[ام امينة]

مشكورة اختي عالرد ،، يعطيك العافية
الله يسهل علي وعلى كل حامل يارب

[na3ooma]

البكريات عادة ينزل الراس بدري بالحوض وتنزل البطن ,, يبين عليهم بسرعه بس مو شرط الولادة قريبة
خليها لظروفها خاصة انك بكرية لاتستعجلي
اما اللي والدة من قبل ممكن الراس ماينزل الا يوم الولادة ,
على العموم اهتمي بنفسك وارتاحي عشان يكون عندك طاقة باذن الله لولادتك وربي يسهلها لكي

[ام امينة]

يعطيك العافية عالرد والله يوفقك

[شهرزاااد]

الله يسعدك ابي اسألك سؤال ليش الدكتورة عملتلك الكشف النسائي هذا وهل نزل دم الله يكرمك بعد الكشف او الم
ياريت تجاوبيني لأن دكتورتي تبي تكشف علي وانا رافضه

[ام امينة]

المشاركة الأصلية كتبت بواسطة شهرزاااد

الله يسعدك ابي اسألك سؤال ليش الدكتورة عملتلك الكشف النسائي هذا وهل نزل دم الله يكرمك بعد الكشف او الم
ياريت تجاوبيني لأن دكتورتي تبي تكشف علي وانا رافضه

أنا مثلك كنت رافضة بالبداية بس زوجي قال لي خليها تكشف عشان نعرف الرحم انفتح أو لا..
ومن الأسبوع الثاني كان الرحم مسكر ، والحين بالاسبوع 38 انفتح 1سم ،،
والحمدلله مانزل مني دم ولاشي ، والألم تحسين فيه وقت الكشف بس ...
والله يسهل عليك وعلى كل حامل يارب ..

[سحـآب]

مـآاشاءالله الله يكتب لك الخير

ويرزقك ولاده طبيعيه سهله وأحنا كمان يارب ويرزقنا أطفال أصحاء يارب

[ام امينة]

المشاركة الأصلية كتبت بواسطة سحـآب

مـآاشاءالله الله يكتب لك الخير

ويرزقك ولاده طبيعيه سهله وأحنا كمان يارب ويرزقنا أطفال أصحاء يارب

آآآمين يااارب ,, والله يسهل على كل حامل ويرزقك الذرية الصالحة

[ميآر [ مهند حيآتي ]]

الله يسهلك ولادتك ..~

ودي