تاخر الدورة ساعدوني

[وعودة]

السلام وعليكم ورحمة الله وبركاته

انا لدي طفلان وعندي مشكلة لما احمل ما بين معي الحمل بطفلة الاولى كنت حامل وحللت على جهاز كاشف الحمل المنزلي ما بين ورحت لعند الكتورة وفحصتني اكيو كمان ما بين وكان ائلي تقريبا الدورة متاخرة علي شي عشرة ايام وبعدين استنيت ما كانت تجي ورحت وغيرت دكتورة وفحصتني وطلعت حامل اتفاجئت كتير وحكتلها انوحللت وانفحصت ما بين

وطفلي الثاني نفس الشي حللت دم وطلع سلبي وكمان تاخرت شي 12 يوم وما كان يبين حتى صارلها شهر متاخرة رجعت ورحت على دكتورة وطلعت حامل
انا كتير بتعب بهي الفترة انو ليش هيك طبيعة جسمي ما بين

وانا هلئ متاخرة علي الدورة 15 يوم عملت تحليل دم وطلع سلبي

وما عم اقدر اطلع من البيت بحكم الوضع في سوريا

وما بعرف حالي حامل ولا لاء

زوجي حابب انو يكون عنا طفل ثالث

بس انا خايفة كتير لانو الوضع بسوريا ما منيح

وحاسة انو ما وقت نجيب طفل جديد

انا عندي بنت وعمرها ثلاث سنوات
وطفل عمره سنتين

ونحنا بوضع ما منئدر نطلع من البيت

[المغتربه المتفائله]

انتضري يصير لك شهر متأخره الدوره وان شاء يبين الحمل

[شيكامارا 40]

ان شاء الله حبيبتي تطلعي حامل وما تقلقي الاوضاع حتستقر في سوريا ورجع لعادتها بادن الله الله كريم

[فتاة الورد]

ياارب تكوني حاامل .... وسورياااا ان شاء الله راح ترجع نفس قبل واحسسسن ... وكل طفل رزقه ع الله لاتفكري وايد

[حلليمو]

في بعض الحريم ما يبين معاهم الجمل في الدم ويمكن انتي منهم

بس اذا تقوولي ان قد حصل لك هيك من قبل يعني انتي حامل ان شاء الله

واما سووريا بشاائر النصر واضحه اسال الله بهذا الشهر الفضيل

ان ينصركم ع الطاااغيه بشااار ..

[:: Galaxy ::]

طيب حبيبتي لمن كانت تتأخر معاك الدورة كنتي تحسي بأعراض الوحم ؟؟
أقصد قبل ما تعرفي حالك حامل ..
لأن لو بتحسي فيها ،، راقبي سلوك جسمك لو تحسي بوحم او لا ..

[وعودة]

مشكورين على المرور

لاء ما كنت احس بالوحم بس كنت اعصب كتير اول حملي وانا كتير عم اعصب هل الفترة

[وعودة]

ابشركم يا جماعة رحت على دكتورة مبارح والحمدلله وطلعت حامل

[حمودي حياتي]

قولي يارب. وربي معاكي وسوريا باذن الله ماتعدي هالسنه الا هي غير يارب فرج على اخوانا السورين ياكريم

[عاشقة الأمل]

مبروك أختي إن شاء الله يجي البيبي وسوريا حرة من أيدي الطاغية الله يتمملك حملك ع خير ويكون الله في عونكم