مجرد فضفضه

[لولو22]

مرحبا بنات كيفكم

بخش بالموضوع على طوول تحملووني معليش انا الشهر الي فات رحت لدكتوره سهام بمستشفى سعد واول زياره صراحه كانت قممممه والي عجبني فيهاا انوو ماتخبص عليك ادويه يعني اذا شافتك تحتاجين عطتك ماتحتاجين مااعطتك المهم ثاني وثالث ورابع زياره حقات متابعة التبويض تجري جري يادوب تخلص مني وتقولي وهي تمشي وتطلع برا لاان مره عندها زحممه ومشكلتها اذا احد كلمها فوون او مسسسج تتذمر لاانها مضغوطه ماالومها بس احنا يالي متاخرات عن الحمل محتاجين احد يعطينا بال عني انا خلقه تعبانه نفسيا المهم الحين فكرت اغيرهاا زوجي يقول لااتلعبين بنفسك خلك الشهر هذا بس الى متتتتتى والله كلام الناس ذبحني نظرات الشفقه موتتني كل الي معي حملوا وولدو والي الحين ماشاء الله حامل والله اني مو حاسدتهم بس نفسي بطفل اضمه على صدري يونسني مافيه احلى وارووع من شعور الامومه ومن كلمة ماما ودي افرح امي .. خصوصا اني بجيب لهم اول حفيد نفسيتي مره متدمممممره فلوسي راحت على دكاتره نصابين تعبت وربي تعبت محد راحمني من الكلام وكل وحده تتفاخر بن بنتها حملت قدام امي المسكينه وهي مقهوره وساكته لان عارفه انه مب يدي بيد رب العالممين ورربي لاا نزلت سوق وشفت ملابس اطفال يتقطع قلبي اقول متى اشتري لطفلي وحتى مره قلت لزوجي وش رايك بلبس بيبي كان عاجبني قلت باخذه واخليه لولدنا لاا جاء حسيت بداخله يقول انهبلت ذي وهو حاجه ثانيه جواته موولع يبيني احمل بنفس الوقت مايبين لي والله يابنات صرت اكرهه اطلع لمكان فيه وحده حامل عشان ماالقى نظرات الشفقه والخوف مني بعيونهم حتى صرت ماامسك عيالهم ولا ابوسهم عشان لا صار لولدها شئ ماتقول من عيني الناس ماترحم وربي

اسفه اني طولت قلت قصة حياتي .... اممممم انا حابه استشيركم بشغله احد يعرف ابرة التبويض انا توني مسكره من الدكتوره وقالت لي تنعطى بتاسع او عاشر يوم من الدوره وتزيد نسبة الولد ب70 بالميه والبنت 30 بالميه انا مو هامني ولد ولا بنت اهم شئ طفل سليم من فيكم جربتها انا اليوم لي رابع يوم من الدوره وش تنصحوني فيه عشان ازيد فرصة الحمل والاكيد كل شئ بيد الله

[لولو22]

سؤالي عادي اخذها وتبويضي سليم وابيكم تدلوني على دكتوره شاطره بالخبر

[فوضت امري لله]

ياقلبي الله يقر عينك بذريه صالحه طيبه

ويشرح صدرك وييسر امرك ويفرج همك

صدقيني يالغلا فرج ربي قريب

والحاله النفسيه لها دور كبيييييييييييير

في العلاج

لاتصيري حزينه

لانه رب العالمين ابتلى من هم افضل مننا

تفائلي وافتحي صفحه جديده

هذا موضوع لبنات المنتدى

كلهم تأخر بالحمل والحمدلله ربي فرجها عليهم

شوفي كيف فرج ربي

وتفائلي يالغلا

والله يفرح نظرتك بما يسر قلبك

http://forum.hwaml.com/t183619.html


والله قصص تخلي الواحد يتفائل بفرج ربي

نصيحه اقرأيها ياقلبي

[بيـــآض]

خليك صصبورهه والله كلنا نسسمع كلام بس مالنا الا الدعاء والرب كريم
انتي ابدي بالاسباب وارمي حملك ع الله شوفي دكتوره كويسسه وتابعي معها لين الله يكتب لك حممل
وصصلي اخر الليل وادعي الله بالحاح شديد والاستغار الاستغار باليوم اكثر من 100 مره

انا لي 9 سنوات ماحملت وعمري 28 . وحالي النفسيه راضيه وصابره بس والله مااخفي عليك
كم مره بكيت من كلمه جارحهه بس ما زادتني الا عصبيه ونفسسيه انتي روقي وكلي امرك الله
ومين اقرب لنا من الله بيده حياتنا ومماتنا فما بالك بعيالنا .

الله يكتب لك الحممل القريب وتبشرينا .

[لولو22]

ياحبيلكم والله ريحتووني
عسى ربي يفرح قلوبنا بالحمل السليم التام المعافى
فوضت امري لله صراحه القصص مره مؤثره مافيه شئ صعب على رب العالممين
الحمدلله على كل حال انا مؤمنه ان كل شئ بيد الله ومهما بكيت وسعيت متى مالله كتبه راح يرزقني بس اكيد انتو حاسين باحساسي والله ان الشعور صعب عسى ربي ياجرنا ويسامحنا على كل مره فقدنا الامل فيها واحنا عندنا رب رحيم قادر على كل شئ

[درين]

الله يرزقك و يرزقنا جميعا
حالنا اسوء من حالتك بس الحمد لله و في امل في رب العباد

[لولو22]

الله يعين يارب يرزقنا عاجلا غير اجل بطفل سليم معافى تام الخلق

[لولو22]

بنات تعرفون دكتوره شاطره بالخبر

[حفيدة الامير]

الله يرزقك ويرزقنا الذريه الصالحه قريبا امين

احس انك تتكلمي عني والله مالنا غير الصبر

والفرج قريب بأذن الله

ربي قادر على كل شئ وبالدعاء يتحقق اللي نتمناه

اكثري بصلاة الليل والدعاء فالسجود وتصدقي ولو بمبلغ بسيط

وعليك بالاستغفاااااااااااااااااااار يارب يرحمنا برحمته

[لولو22]

الحمدلله والله اني اصلي واتصدق حتى وصتني اعز صديقاتي بكفالة اليتيم تقول اهلي وكل معارفي لاا ضاقت علينا نروح مؤسسة مكه ونكفل يتيم وماشاء الله امورهم تتسهل