الزعل بين الزوجين

[دلوعة خطيبها]

كيف يتصالح الازواج اذا كان بينهم زعل؟؟

**كيف يتصالح الازواج اذا كان بينهم زعل**





طبعا إذا تزاعلوا الزوجين فهم واحد من هذي الاحتمالات

1/ يا أما الزوج هو اللي مزعل زوجته


2/ يا أما الزوجه هي اللي مزعله زوجها


3/ يا أما أثنينهم زعلانين من بعض


( بتقولون أخلصي وبلا فلسفه)



المهم في الحاله الاولى


تكون الزوجه مبرطمه طول الوقت (يعني زعلانه) والزوج في البدايه يطنشها وما عليه فيها


ثاني يوم يسوي نفسه ناسي الموضوع


ثالث يوم يقعد يتريق معاها ويخف دمه (على أمل أنه ترضى لوحدها)


رابع يوم فقد الأمل وراح جاب لها هديه وعزمها عالعشاء في مطعم وإذا كان بيوديها السوق ضمن في هالحاله رضاها


(يستاهل حد قاله يزعلها )


ويرجعون ناسيين السالفه


في الحاله الثانيه


طبعا الزوج معبس طول الوقت ومافي شي عاجبه والزوجه أول يوم ولا هامها شي


ثاني يوم تسوي نفسها ما كأن شي صار ولا كأنها زعلته


ثالث يوم تبدأ تحس بتأنيب الضمير تقوم تسوي له ذيك الطبخه السنعه اللي يحبها (تحاول ترضيه من خلال بطنه) لعل وعسى يرضى ويرتاح ضميرها



رابع يوم تتزبط وتتكشخ بنت أبوها وتلبس ذاك القميص الاحمر


(لأن أكثر الرجال يغريهم اللون الاحمر) وتتروش بذاك العطر اللي يشم ريحته زوجها قبل مايفتح الباب وتبدأ بالدلع والاغراء قدام زوجها (إن كيدهن عظيم) وهو يسوي نفسه ثقيل أول ربع ساعه لكن بعد كذا مايقدر يتحمل ويطيح في شباكها ويصبح الصبح الحبيب ناسي السالفه


الحاله الثالثه


كل واحد من الزوجين ماد البوز ومعبس


أول يوم كل واحد ماسك له غرفه ولا كأنهم يعرفون بعض وإذا بغى أحد منهم شي من الثاني إذا عندهم أطفال شغلوهم مراسلين وإذا ما عندهم يرسلون لبعض رسائل بالجوال


ثاني يوم يقعدون ياكلون مع بعض بس مافي غير صوت الملاعق تدق بالصحون وكل واحد يكلم نفسه في راسه وإذا تكلموا مع بعض في شي ضروري مايقولون ولا جمله كامله كلها أختصارات


ثالث يوم يسوي نفسه الزوج ناسي الموضوع والزوجه تكون ثقيله شوي


رابع يوم طفشوا من الزعل ورجعوا يمارسوا حياتهم الطبيعيه ولا كأن شي صار وعند أقرب فرصه للصراحه يفتحوا موضوع الزعل ويتناقشوا فيه وكل واحد يصفي قلبه على الثاني وتمشي سفينة الحياه


وفي النهايه أحب أقول أن الخلافات بين الأزواج هي ملح الحياه الزوجيه فإذا كان الملح مزبوط صار للطبخه طعم لكن إذا كان الملح زايد عز الله خربت الطبخه وصارت ماتنأكل
(مو كأني قلبت مطبخ منال العالم)
انتظر ردودكم ياحلووووات

[هرمه]

كلامك مزبوط مشكوره

[المستحيله]

كلام سليم صدق الخلافات البسيطه ملح الحياه وبوقتها تعرفين غلاتك عند زوجك.....

[دلوعة خطيبها]

مشكورات على المرور
اسعدكن الله مع ازواجكن

[شموسه 88]

مشكوره
والله كلامك درر

[دلوعة خطيبها]

تسلميلي ياشموسه

[мїѕŠ βпỒơ]

زعل با الأيام 😳 !!
يعني م يملح الحياه الا المشاكل !!!
قولي العتب يمكن بس المشاكل عمرها ماكانت ملح الحياهه لانها تبقى ف النفوس مافي زي الحب والاستقرار .
واللي تحب زوجها من قلب مستحيييل تغمض لها عين وهو زعلان عليها وهو ينطبق عليه نفس الكلام .

[عطر الربيع]

[دلوعـ زوجي ـة]

الله يعطينا الصبرررررررررررر ع الرجال

[دلوعة خطيبها]

مشكورات على المرور
عطرتم صفحتي بمروركم